Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ທ່ານ ລັດຖະມົນຕີ ກວຕ ໃຫ້ສໍາພາດຕໍ່ສໍານັກຂ່າວ ຫວຽດນາມ ປະຈໍາ ສປປ ລາວ

ທ່ານ ລັດຖະມົນຕີ ກວຕ ໃຫ້ສໍາພາດຕໍ່ສໍານັກຂ່າວ ຫວຽດນາມ ປະຈໍາ ສປປ ລາວ

altທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ໃຫ້ສໍາ

ພາດຕໍ່ສໍານັກຂ່າວ ຫວຽດນາມ ປະຈໍາ ສປປ ລາວ ກ່ຽວກັບການເຂົ້າຮ່ວມ ກອງປະຊຸມເວທີເສດຖະກິດໂລກ ກ່ຽວ ກັບອາຊຽນ ປີ 2018 ຊຶ່ງຈະຈັດຂຶ້ນຢູ່ ສສ ຫວຽດນາມ ແລະ ການພົວພັນຮ່ວມມືແບບພິເສດ ລະຫວ່າງ ສປປ ລາວ ແລະ ສສ ຫວຽດນາມ, ໂດຍສະເພາະ ການຮ່ວມມື ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ຂອງ ສປປ ລາວ ແລະ ສສ ຫວຽດນາມ.

ທ່ານ ລັດຖະມົນຕີ ກວຕ ໃຫ້ສໍາພາດວ່າ: ກອງປະຊຸມເວທີເສດຖະກິດໂລກ ກ່ຽວກັບອາຊຽນ ປີ 2018 ທີ່ຈະຈັດຂຶ້ນຢູ່ ສສ ຫວຽດນາມ ເປັນກອງປະຊຸມທີ່ສໍາຄັນ ແລະ ເປັນເວທີໃຫ້ຜູ້ນໍາ ອາຊຽນ ໄດ້ແລກປ່ຽນຄຳຄິດ ຄຳເຫັນເຊິ່ງກັນ ແລະ ກັນ ກ່ຽວກັບການປະຕິວັດອຸດສະຫະກຳ ຄັ້ງທີ 4. ດັ່ງນັ້ນ, ກອງປະຊຸມທີ່ຈະຈັດຂຶ້ນນີ້ ມີ ຄວາມໝາຍທີ່ສຸດ. ພວກຂ້າພະເຈົ້າຕີລາຄາສູງທີ່ລັດຖະບານ ສສ ຫວຽດນາມ ເປັນເຈົ້າພາບຈັດກອງປະຊຸມ ທີ່ຈະ ເປີດຂຶ້ນໃນໄວໆນີ້. ຢູ່ກອງປະຊຸມດັ່ງກ່າວ ມີຫຼາຍຫົວຂໍ້ສໍາຄັນ ກ່ຽວກັບການພັດທະນາເສດຖະກິດ-ສັງຄົມ ພາຍໃນ ອາຊຽນ ໂດຍຈະໝູນໃຊ້ບັນດາຜົນສຳເລັດວິທະຍາສາດ, ເຕັກໂນໂລຊີໃນຍຸກການປະຕິວັດອຸດສະຫະກຳຄັ້ງທີ 4 ເຊັ່ນ: ວຽກງານໄອທີ, ວຽກບລ໋ອກເ(Blockchain), ປັນຍາປະດິດ (Artificial Intelligent: AI), ການນຳໃຊ້ເຕັກໂນໂລຊີທັນສະໄໝຕ່າງໆ ເຂົ້າໃນການພັດທະນາ ເສດຖະກິດ-ສັງຄົມເປັນຕົ້ນ. ສະນັ້ນ, ບັນດາຫົວຂໍ້ຕ່າງໆ ທີ່ຈະນຳມາເພື່ອສົນທະນາຢູ່ກອງປະຊຸມດັ່ງກ່າວ ເຫັນວ່າມີຄວາມໝາຍຄວາມສຳຄັນຫຼາຍທີ່ສຸດສຳລັບ ສປປ ລາວ ຂອງພວກເຮົາ.

ການເດີນທາງເຂົ້າຮ່ວມຂອງ ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ຢູ່ກອງປະຊຸມເວທີເສດຖະກິດໂລກກ່ຽວກັບອາຊຽນນີ້ ເຫັນວ່າ ສປປ ລາວ ໄດ້ໃຫ້ຄວາມໝາຍຄວາມສຳຄັນ ກ່ຽວກັບກອງປະຊຸມຄັ້ງທີ່ຈະມາເຖິງນີ້ຫຼາຍທີ່ສຸດ. ທ່ານ ນາຍົກລັດຖະມົນຕີ ສປປ ລາວ ຈະນຳພາ ຄະນະລັດຖະ ມົນຕີຈຳນວນ ໜຶ່ງເຂົ້າຮ່ວມ ເພື່ອແລກປ່ຽນ ແລະ ຖອດຖອນບົດຮຽນ. ພ້ອມນັ້ນ ກໍຈະຮັບຟັງການປະກອບ ຄໍາຄິດຄໍາເຫັນຂອງບັນດານັກຊ່ຽວຊານ, ນັກປຖະກ ຖາຕ່າງໆ. ພວກຂ້າ ພະເຈົ້າມີຄວາມຫວັງວ່າ ຢູ່ກອງປະຊຸມທີ່ຈະໄຂຂຶ້ນນີ້ ບັນດາຜູ້ນຳຂອງປະເທດອາຊຽນ ນັບທັງ ສປປ ລາວ ຈະມີໂອກາດແລກປ່ຽນຄຳຄິດຄຳເຫັນ ເຊິ່ງກັນ ແລະ ກັນ ໃນການ ນຳໃຊ້ເຕັກໂນໂລຊີທີ່ທັນສະໄໝ ຂອງການປະຕິວັດອຸດສະຫະກຳ ຄັ້ງທີ 4 ເຂົ້າໃນການພັດທະນາເສດຖະ ກິດ-ສັງຄົມ ຂອງແຕ່ລະປະເທດ. ສປປ ລາວ ຂອງພວກຂ້າພະເຈົ້າ ໃນນາມເປັນປະເທດໜຶ່ງ ທີ່ດ້ອຍພັດທະນາ, ພວກຂ້າພະເຈົ້າຄິດວ່າ ຈະນໍາໃຊ້ເວທີດັ່ງກ່າວນີ້ ເພື່ອຮ່ຳຮຽນບົດຮຽນຂອງ ສສ ຫວຽດນາມ ກໍຄື ຂອງບັນດາປະເທດອາຊຽນ ຕ່າງໆ. ພວກຂ້າພະເຈົ້າ ຈະຮັບຟັງຄໍາຄິດເຫັນ ແລະ ອດຖອນບົດຮຽນ ເພື່ອຮ່ຳຮຽນບົດຮຽນນຳບັນດາປະເທດ ເພື່ອນບ້ານກ່ຽວກັບ ການນຳໃຊ້ເຕັກໂນໂລຊີທັນສະໄໝ ເພື່ອນໍາມາພັດທະນາເສດຖະກິກ-ສັງຄົມຢູ່ປະເທດຂອງຕົນ. ພ້ອມກັນນັ້ນ, ເວທີດັ່ງກ່າວ ຈະເຮັດໃຫ້ ພວກຂ້າພະເຈົ້າໄດ້ມີໂອກາດພົບ ປະກັບ ບັນດານັກຊ່ຽວຊານ, ນັກວິ ທະຍາສາດຈາກບັນດາອົງການຈັດຕັ້ງຕ່າງໆທີ່ສຳຄັນຂອງໂລກ ເພື່ອຈະໄດ້ສືບຕໍ່ແລກປ່ຽນຄຳຄິດຄຳເຫັນ ການນຳໃຊ້ວິທະຍາສາດ ແລະ ເຕັກໂນໂລຊີ ເຂົ້າໃນການພັດທະນາ ເສດຖະກິດ-ສັງຄົມ ຢູ່ ສປປ ລາວ.

ການປະຕິວັດອຸດສະຫະກຳ ຄັ້ງທີ 4 ນີ້ ເປັນຂະບນການວິວັດທີ່ພາວະວິສ ຊຶ່ງບໍ່ສາມາດຫຼີກເວັ້ນໄດ້. ທຸກປະເທດຈະຕ້ອງມີສ່ວນຮ່ວມ ເພື່ອນຳໃຊ້ຜົນສຳເລັດ ຂອງວິທະຍາສາດ ແລະ ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ຂອງປະເທດຕົນຊຶ່ງພຽງແຕ່ວ່າປະເທດໃດຈະໄປໄວກວ່າ ແລະ ປະເທດໃດຈະໄປຊ້າກວ່າ. ສປປ ລາວ ຂອງພວກຂ້າພະເຈົ້າ ເປັນປະເທດໜຶ່ງທີ່ດ້ອຍພັດທະນາຊຶ່ງແນ່ນອນວ່າ ການກຽມພ້ອມເພື່ອຮັບເອົາການປະຕິວັດອຸດສະຫະກຳ ຄັ້ງທີ 4 ນີ້ອາດຈະມີຄວາມ ຫຍຸ້ງ ຍາກກວ່າຫຼາຍປະເທດທີ່ພັດທະນາແລ້ວ, ແຕ່ຄຽງຄູ່ກັນນັ້ນ ຂ້າພະເຈົ້າຄິດວ່າ ໂດຍການຮ່ວມມືເຊິ່ງກັນ ແລະ ກັນ ຂອງບັນດາປະເທດອາຊຽນ,ໂດຍສະເພາະ ແມ່ນ ການ ຮ່ວມມື ລະຫວ່າງ ສປປ ລາວ ແລະ ສສ ຫວຽດນາມ ຊຶ່ງເປັນປະເທດເພື່ອນບ້ານຍຸດທະສາດ ຈະເຮັດໃຫ້ການນຳໃຊ້ເຕັກໂນໂລຊີ ຂອງ ສປປ ລາວ ໃນຍຸກອຸດສະຫະ ກຳ ຄັ້ງທີ 4 ນີ້ ສາມາດປະສົບຜົນສຳເລັດໄດ້. ແນ່ນອນວ່າ ປັດໄຈໍາຄັນທີ່ສຸດຕ້ອງເລີ່ມຈາກການຫັນປ່ຽນຈິນຕະນາການກ່ຽວກັບການຮັບຮູ້, ການເຂົ້າໃຈກ່ຽວກັບອຸດສະ ຫະກຳ ຄັ້ງທີ 4. ພ້ອມກັນນັ້ນ ກໍຕ້ອງກະກຽມທາງດ້ານນິຕິກຳ, ກົດໝາຍ, ຂໍ້ກຳນົດຕ່າງໆ ເພື່ອປັບປຸງລະບຽບການຕ່າງໆ ໃຫ້ສອດຄ່ອງໃນການນຳໃຊ້ເຕັກໂນໂລຊີ ໃນຍຸກ ອຸດສະຫະກຳຄັ້ງທີ 4 ແລະ ອັນສຳຄັນກວ່າໝູ່ໝົດ ແມ່ນຕ້ອງກະກຽມການພັດທະນາຊັບພະຍາກອນມະນຸດ ເພາະວ່າ ຊັບພະຍາກອນມະນຸດ ທີ່ພວກເຮົາມີຢູ່ໃນປັດຈຸບັນນີ້ ແມ່ນ ຊັບພະຍາກອນມະນຸດທີ່ພວກເຮົາສ້າງຂຶ້ນ ໃນຍຸກສະໄໝ ຂອງອຸດສະຫະກຳຄັ້ງທີ 3 ຊຶ່ງແທດເໝາະກັບເຕັກໂນໂລຊີ ຂອງອຸດສະຫະກຳຄັ້ງທີ 3. ດັ່ງນັ້ນ, ພວກເຮົາ ຈະກ້າວ ເຂົ້າສູ່ອຸດສະຫະກຳຄັ້ງທີ 4, ພວກເຮົາຈະຕ້ອງມີຊັບພະຍາກອນມະນຸດໃໝ່ ທີ່ມີຄວາມຮູ້ຄວາມສາມາດໃນການນຳໃຊ້ເຕັກໂນໂລຊີ ຂອງອຸດສະຫະກຳຄັ້ງທີ 4.

ສປປ ລາວ ແລະ ສສ ຫວຽດນາມ ເປັນສອງປະເທດອ້າຍນ້ອງ, ເປັນເພື່ອນມິດຍຸດທະສາດຮ່ວມກັນ, ມີຄວາມສາມັກຄີແບບພິເສດ ແລະ ມິດຕະພາບອັນຍິ່ງ ໃຫຍ່ ຊຶ່ງປະທານ ໂຮ່ຈິມິງ ຜູ້ຍິງໃຫຍ່ ແລະ ປະທານ ໄກສອນ ພົມວິຫານ ທີ່ເຄົາລົບຮັກຂອງພວກເຮົາໄດ້ພ້ອມກັນສ້າງຂຶ້ນ ແລະ ບັນດາຜູ້ນຳຮຸ່ນຕ່າງໆຂອງສອງປະເທດ ໄດ້ເພີ່ມ ພູນ ຄູນສ້າງມິດຕະພາບ ແລະ ໃຫ້ການຮ່ວມມືນັ້ນມາ. ສະນັ້ນ, ຢູ່ສະໄໝຕໍ່ສູ້ກູ້ຊາດພວກເຮົາໄດ້ຮ່ວມມືຊ່ວຍເຫຼືອເຊິ່ງກັນ ແລະ ກັນແລ້ວ. ປະຈຸບັນນີ້ ຢູ່ໄລຍະ ການສ້າງ ສາພັດທະນາປະເທດຊາດ, ຄົນຮຸ່ນໜຸ່ມຂອງພວກເຮົາຕ້ອງຮ່ວມມືນໍາກັນ, ໂດຍສະເພາະ ແມ່ນຂະແໜງວິທະຍາສາດ ແລະ ເຕັກໂນໂລຊີ ຂອງສອງ ກະຊວງ ວິທະຍາສາດ ແລະ ເຕັກໂນໂລຊີ ຂອງພວກຂ້າພະເຈົ້າ ໄດ້ມີການຮ່ວມມືນຳກັນຢ່າງໃກ້ຊິດສະໜິດແໜ້ນທີ່ສຸດ. ໃນໄລຍະ 6 ປີ ຜ່ານມາໄດ້ສ້າງຕັ້ງ ກະຊວງວິທະຍາສາດ ແລະ ເຕັກໂນໂລຊີ ຂອງ ສປປ ລາວ, ສອງກະຊວງກໍໄດ້ມີການເຊັນສັນຍາຮ່ວມມືນຳກັນ ຢູ່ໃນໄລຍະຍາວ ແລະ ຢູ່ໃນຫຼາຍຂົງເຂດ ເຊັ່ນ: ຂົງເຂດການພັດທະນາຊັບພະ ຍາກອນມະນຸດ, ຂົງເຂດ ການນຳໃຊ້ວິທະຍາສາດ ແລະ ເຕັກໂນໂລຊີ ເຂົ້າໃນການຜະລິດ ແລະ ຂົງເຂດການສ້າງນິຕິກຳ ກໍຄື ກາານສ້າງນະໂຍບາຍຍຸດທະສາດ ທາງດ້ານວິ ທະຍາສດ ແລະ ເຕັກໂນໂລຊີ ຕ່າງໆນໍາກັນເປັນຕົ້ນ. ພ້ອມກັນນັ້ນ, ພວກຂ້າພະເຈົ້າຍັງມີການແລກປ່ຽນຄະນະຜູ້ແທນຂັ້ນສູງ, ແລກປ່ຽນຄະນະວິຊາການໄປຝຶກອົບຮົມ ແລະ ມີໂຄງການຮ່ວມມືນຳກັນ. ເມື່ອບໍ່ດົນມານີ້, ສອງກະຊວງວິທະຍາສາດ ແລະ ເຕັກໂນໂລຊີ ໄດ້ຈັດຕັ້ງງານເວທີີຊຸກຍູ້ສົ່ງເສີມການຖ່າຍທອດເຕັກໂນໂລຊີ ຊຶ່ງແມ່ນ ກະຊວງວິທະຍາສາດ ແລະ ເຕັກໂນໂລ ຊີ ຂອງ ສສ ຫວຽດນາມ ຮ່ວມກັບ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ຈັດຝຶກອົບຮົມຢູ່ ນະຄອນຫຼວງວຽງຈັນ. ງານດັ່ງກ່າວ ໄດ້ຊ່ວຍໃຫ້ພວກຂ້າພະເຈົ້າ ສາມາດຮັບເອົາເຕັກໂນໂລຊີໃໝ່ຫຼາຍດ້ານ ແລະ ໄດ້ເຊັນ MOU ນຳກັນຫຼາຍກວ່າ 10 ສະບັບ. ອັນສໍາຄັນໃນປັດຈຸບັນ, ສອງ ກະຊວງພວກຂ້າພະເຈົ້າ ຫາກໍໄດ້ ມອບ-ຮັບ ໂຄງການສ້າງສູນຝຶກອົບຮົມ ໂດຍທຶນຊ່ວຍເຫຼືອຫຼ້າຈາກລັດຖະບານ ຫວຽດນາມ ທີ່ມີມູນຄ່າຫຼາຍກວ່າ 5 ລ້ານກວ່າໂດລາ. ສູນດັ່ງກ່າວນີ້ ເປັນສູນເພື່ອຊ່ວຍໃຫ້ພວກຂ້າ ພະເຈົ້າ ໃນການປັບປຸງຊັບພະຍາກອນມະນຸດ, ຖ່າຍທອດເຕັກໂນໂລຊີ ກໍຄືເປັນສູນທີ່ຮ່ວມມືກັນຄົ້ນຄວ້າ.ພາຍໃນສູນດັ່ງກ່າວ ມີຫ້ອງທົດລອງຕ່າງໆ ທີ່ພວກຂ້າພະເຈົ້າສາ ມາດເຮັດການຄົ້ນຄວ້ານຳກັນ. ສະນັ້ນ, ເພື່ອຮອງຮັບເອົາເຕັກໂນໂລຊີໃໝ່ ຂອງອຸດສະຫະກຳຄັ້ງທີ 4 ນີ້ ພວກຂ້າພະເຈົ້າຄິດວ່າ ສອງກະຊວງພວກຂ້າພະເຈົ້າ ຈະຊ່ວຍເຫຼືອ ເຊິ່ງກັນ ແລະ ກັນ. ພວກຂ້າພະເຈົ້າຈະຮ່ຳຮຽນບົດຮຽນນຳເພື່ອນ ສະຫາຍ ຫວຽດນາມ ເພື່ອເຮັດແນວໃດ ໃຫ້ການພັດທະ ນາວຽກງານວິທະຍາສາດ ແລະ ເຕັກໂນໂລຊີ ຂອງ ສປປ ລາວ ໃຫ້ມີການພັດທະນາຂຶ້ນເລື້ອຍໆ.

ໃນໂອກາດນີ້, ຂ້າພະເຈົ້າຂໍສະແດງຄວາມຂອບໃຈມາຍັງ ພັກ-ລັດຖະບານ ແລະ ປະຊາຊົນ ຫວຽດນາມ ອ້າຍນ້ອງ, ເປັນພິເສດມາຍັງ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດນາມ ທີ່ຍາມໃດ ກໍໄດ້ໃຫ້ການອຸ້ມຊູສະໜັບສະໜູນ ແລະ ຊ່ວຍເຫຼືອ ພວກຂ້າພະເຈົ້າ ໃນການພັດທະນາວິທະຍາສາດ ແລະ ເຕັກໂນໂລຊີ ເພື່ອເຮັດ ແນວໃດໃຫ້ການພັດທະນາເສດຖະກິດ-ສັງຄົມ ຂອງ ສປປ ລາວ ໄດ້ຮັບຜົນສຳເລັດຕາມມະຕິຂອງ ກອງປະຊຸມໃຫຍ່ ຄັ້ງທີ X ຂອງພັກວາງອອກ.


ຂ່າວ: ບາລະຄອນ ສຸວັນນະພາສີ

ຮູບ: ແສງທອງ ວັນນະທຳ