Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ໜ່ວຍພັກຮາກຖານ ພວຕ ແຂວງ ເຊກອງ ຈັດພິທີ ມອບ-ຮັບ ບັດສະມາຊິກພັກ

ໜ່ວຍພັກຮາກຖານ ພວຕ ແຂວງ ເຊກອງ ຈັດພິທີ ມອບ-ຮັບ ບັດສະມາຊິກພັກ

altໃນຕອນບ່າຍຂອງວັນທີ 16 ສິງຫາ 2018, ໜ່ວຍພັ ກຮາກຖານພະແນກວິທະຍາສາດ ແລະ ເຕັກໂນໂລຊີ ແຂວງ

ເຊກອງ ໄດ້ຈັດພິທີ ມອບ-ຮັບບັດ ໃຫ້ສະມາຊິກພັກສົມບູນຊຸດທີ IIເຊິ່ງພິທີດັ່ງກ່າວໄດ້ຈັດຂື້ນທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ແຂວງ ໂດຍໃຫ້ກຽດເປັນປະທານຂອງ ສະຫາຍ ສຸລະພົນ ໜື່ນວິເສດ, ເລຂາໜ່ວຍພັກຮາກຖານ, ຫົວໜ້າ ພະແນກວິທະຍາສາດ ແລະ ເຕັກໂນໂລຊີແຂວງ.

ໃນພິທີດັ່ງກ່າວ ສະຫາຍ ລໍາພັນ ແກ້ວມະຫາໄຊ, ຮອງເລຂາໜ່ວຍພັກຮາກຖານ ພະແນກ ວິທະຍາ ສາດ ແລະ ເຕັກໂນໂລຊີແຂວງ ໄດ້ຂື້ນຜ່ານມະຕິຕົກລົງຂອງຄະນະປະຈຳພັກແຂວງວ່າດ້ວຍການອອກບັດ-ມອບ ບັດ ໃຫ້ສະມາຊິກພັກສົມບູນທີ່ໄດ້ມາດຕະຖານ ໃນທົ່ວແຂວງມີທັງໝົດ 132 ສະຫາຍ, ຍິງ 46 ສະຫາຍຊຶ່ງໃນນີ້ ໜ່ວຍພັກຮາກຖານ ພວຕ ແຂວງ ມີສະມາຊິກພັກໄດ້ຮັບບັດທັງໝົດ 7 ສະຫາຍ, ຍິງ 3 ສະຫາຍ.

ໃນໂອກາດທີ່ມີຄວາມໝາຍສຳຄັນນີ້: ສະຫາຍ ສຸລະພົນ ໜື່ນວິເສດ, ເລຂາໜ່ວຍພັກຮາກຖານ ພວຕ ແຂວງ ໃຫ້ກຽດຂຶ້ນມອບບັດໃຫ້ສະມາຊິກພັກສົມບູນທັງ 7 ສະຫາຍ ພ້ອມທັງໂອ້ລົມສະຫາຍສະມາຊິກພັກສົມ ບູນ ທີ່ໄດ້ຮັບບັດຄັ້ງນີ້ ຊຶ່ງມີເນື້ອໃນບາງຕອນວ່າ: ການອອກບັດ-ມອບບັດຄັ້ງນີ້ ເປັນການຢັ້ງຢືນໝາກຜົນ ແລະ ຜົນງານດີເດັ່ນຂອງໜ່ວຍພັກ ກໍຄືສະມາຊິກພັກ ໃນການເຄື່ອນໄຫວຈັດຕັ້ງປະຕິບັດແນວທາງນະໂຍບາຍຂອງພັກ, ກົດລະບຽບຂອງພັກ ແລະ ກົດໝາຍຂອງລັດໃນໄລຍະ ຜ່ານມາໄດ້ເປັນຢ່າງດີ, ມີລະບຽບວິໄນ ແລະ ແບບແຜນໃນການເຮັດວຽກ. ສະຫາຍສະມາຊິກພັກທີ່ໄດ້ຮັບບັດໃນຄັ້ງນີ້ ໃຫ້ສືບຕໍ່ເສີມຂະຫຍາຍ ແລະ ຮັກສາໄດ້ຜົນງານ ທີ່ຍາດມາໄດ້ ພ້ອມທັງສືບຕໍ່ຝຶກຝົນຫຼໍ່ຫຼອມ ຕົນເອງ ໃຫ້ກາຍເປັນສະມາຊິກພັກທີ່ປອດໃສ, ເຂັ້ມແຂງ ແລະ ໜັກແໜ້ນ, ສຸ່ມທຸກກຳລັງແຮງ, ສະຕິປັນຍາເຂົ້າໃນການປະຕິບັດວຽກງານວິຊາສະເພາະ ທີ່ຕົນເອງໄດ້ ຮັບມອບໝາຍຈາກຄະນະພັກ ໃຫ້ໄດ້ຮັບຜົນສຳເລັດຕາມຈຸດປະສົງ, ເປົ້າໝາຍທີ່ວາງໄວ້ ແລະ ຖ່ວງທັນກັບສະພາບການ, ປະກອບສ່ວນເຮັດໃຫ້ວຽກງານວິທະຍາສາດ ແລະ ເຕັກໂນໂລຊີຂອງທ້ອງຖິ່ນ ມີຄວາມເຂັ້ມແຂງ ແລະ ຂະຫຍາຍຕົວຂຶ້ນໄປເລື້ອຍໆ.

ສະຫາຍເລຂາໜ່ວຍພັກ ສະແດງຄວາມຊົມເຊີຍຕໍ່ບັນດາສະຫາຍ ທີ່ໄດ້ຮັບບັດສະມາຊິກພັກຄັ້ງນີ້ຢ່າງສຸດອົກສຸດໃຈ ພ້ອມທັງຮຽກຮ້ອງໃຫ້ສະຫາຍທີ່ໄດ້ຮັບ ບັດຕ້ອງຝຶກຝົນຫຼໍ່ຫຼອມຕົນເອງຕື່ມອີກ, ຮັກສາມູນເຊື້ອຄຸນສົມບັດສິນທຳປະຕິວັດ, ເອົາໃຈໃສ່ການພັດທະນາຕົນເອງໃນດ້ານທີ່ຍັງອ່ອນ, ໃຫ້ມີແບບແຜນວິທີເຮັດວຽກ ທີ່ດີ, ມີຄວາມສາມັກຄີໜັກແໜ້ນ ແລະ ໃຫ້ມີການຕຳນິຕິຊົມເຊີ່ງກັນ ແລະ ກັນເພື່ອກໍ່ສ້າງກັນຢ່າງເປັນປົກກະຕິ ແລະ ໃຫ້ເປັນແບບຢ່າງທີ່ດີໃຫ້ແກ່ມະຫາຊົນ ເພື່ອເຮັດ ໃຫ້ໜ່ວຍພັກຮາກຖານພວກເຮົາກາຍເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ.

ເຂົ້າຮ່ວມພິທີດັ່ງກ່າວ ມີສະຫາຍໃນຄະນະໜ່ວຍພັກ, ສະມາຊິກພັກສົມບູນ ແລະ ສຳຮອງ ທັງໝົດ 15 ສະຫາຍ, ຍິງ 6 ສະຫາຍ.


ບົດຂ່າວ: ນ. ລັດສະໝີ ກົມມະສິດ

ຮູບພາບ: ບຸດດີ ພົມພິທັກ

altaltalt