Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ຖະແຫຼງຂ່າວ ງານວາງສະແດງຕະຫຼາດນັດ ເຕັກໂນໂລຊີ ສປປ ລາວ (LAO TECHMART 2018)

ຖະແຫຼງຂ່າວ ງານວາງສະແດງຕະຫຼາດນັດ ເຕັກໂນໂລຊີ ສປປ ລາວ (LAO TECHMART 2018)

alt

ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີຖະແຫຼງຂ່າວກ່ຽວກັບ ງານວາງສະແດງຕະ ຫຼາດນັດ

ເຕັກໂນໂລຊີ ສປປ ລາວ (LAO TECHMART 2018) ຂຶ້ນໃນຕອນເຊົ້າຂອງວັນທີ 5 ກັນຍາ 2018 ທີ່ຫ້ອງ ປະຊຸມຊັ້ນ 4 ຂອງ ກວຕ ໂດຍການໃຫ້ກຽດເຂົ້າຮ່ວມເປັນປະທານຖະແຫຼງຂ່າວຂອງ ທ່ານ ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີ ກວຕ.

ໂອກາດນີ້, ທ່ານ ລັດຖະມົນຕີໄດ້ກ່າວເຖີງຈຸດປະສົງຂອງງານດັ່ງກ່າວ ວ່າ: ເພື່ອເປັນການ ຜັນຂະຫຍາຍ ຈັດຕັ້ງປະຕິບັດແຜນຍຸດທະສາດ ການພັດທະນາວຽກງານວິທະຍາສາດ ແລະ ເຕັກໂນໂລຊີ ຮອດປີ 2025 ແລະ ວິໃສທັດຮອດປີ 2030 ໂດຍສອດຄ່ອງກັບທິດທາງຄາດໝາຍຈຸດສຸມ ຂອງມະຕິ X ຂອງພັກ ທີ່ຖືເອົາບົດບາດວິ ທະຍາສາດ, ເຕັກໂນໂລຊີ ແລະ ນະວັດຕະກຳ ກາຍເປັນກຳລັງແຮງຂັບເຄື່ອນ ແລະ ພາຫະນະບຸກທະລຸການ ຫັນເປັນອຸດສາຫະກຳ ແລະ ທັນສະໄໝ ໂດຍພັດທະນາຕາມທິດເສດຖະກິດ-ສັງຄົມພູມປັນຍາ, ປົກປັກຮັກສາ ສິ່ງແວດລ້ອມ, ການພັດທະນາຕາມທິດສີຂຽວ ແລະ ຍືນຍົງ.

ການຈັດງານວາງສະແດງຕະຫຼາດນັດ ເຕັກໂນໂລຊີ ສປປ ລາວ ຫຼື LAO TECHMART2018 ຄັ້ງນີ້ ຈະເປັນການຊຸກຍູ້ສົ່ງເສີມການຄົ້ນຄວ້າ, ການປະດິດສ້າງ ແລະ ການນຳໃຊ້ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ໃຫ້ມີປະສິດທີິຜົນ. ໃນງານວາງສະແດງຕະຫຼາດນັດ ລະຫວ່າງ ວັນທີ 12-21 ຕຸລາ 2018 ນັ້ນ ຈະເປີດກວາງເຊື້ອເຊີນບັນດາສະຖາບັນຄົ້ນຄວ້າ, ສະຖາບັນສຶກສາ, ມະຫາວິທະ ຍາໄລ, ພາກສ່ວນທຸລະກິດ ຈາກພາຍໃນ ແລະ ຕ່າງປະເທດ ເຂົ້າຮ່ວມຫຼາຍຂຶ້ນ ແລະ ຈະມີຫຼາຍກິດຈະກໍາປິ່ນອ້ອມທີ່ເປີດໂອກາດໃຫ້ແກ່ການພົບປະ ລະຫວ່າງ ສະຖາບັນການຄົ້ນຄວ້າ, ຜູ້ຜະລິດ, ບໍລິການ ແລະ ທຸລະກິດຕ່າງໆ ຂອງ ສປປ ລາວ. ຄຳຂວັນ ສຳລັບງານວາງສະແດງຄັ້ງນີ້ ແມ່ນ: “ເຕັກໂນໂລຊີ ເພື່ອການຮ່ວມມື ແລະ ພັດທະນາແບບຍືນຍົງ” (Fostering Technology Cooperation for Sustainable Development) ປະກອບສ່ວນໃນວຽກງານຄົ້ນຄວ້າວິທະຍາສາດ ແລະ ພັດທະນາ, ນຳໃຊ້ເຕັກໂນໂລຊີ ໃຫ້ເປັນເຄື່ອງມືທີ່ມີປະສິດທິຜົນ ໃນການປົກປັກ ຮັກສາສິ່ງແວດ ລ້ອມ, ການພັດທະນາຕາມທິດສີຂຽວ ແລະ ຍືນຍົງ.

ນອກຈາກນັ້ນ, ບັນດາຜູ້ເຂົ້າຮ່ວມ ຍັງຈະໄດ້ພົບປະແລກປ່ຽນຂໍ້ມູນຂ່າວສານກ່ຽວກັບຜົນສຳເລັດຂອງການຄົ້ນຄວ້າ ແລະ ະເໜີບັນດາເຕັກໂນໂລຊີ ເພື່ອສ້າງ ເປັນໂຄງການຮ່ວມມືໃນອະນາຄົດ. ການຈັດງານສະແດງຄັ້ງນີ້ ຈະນຳເອົາເຕັກໂນໂລຊີໃໝ່ເຂົ້າມາວາງສະແດງ ແລະ ສາທິເພື່ອສົ່ງເສີມການຖ່າຍທອດນຳໃຊ້ເຕັກໂນໂລຊີ ເຂົ້າໃນການຜະລິດ ແລະ ການບໍລິການໃຫ້ມີປະສິດທິພາບສູງຂຶ້ນ, ເຮັດໃຫ້ສິນຄ້າຂອງລາວ ສາມາດແຂ່ງຂັນໄດ້ທັງຢູ່ຕະຫຼາດພາຍໃນ ແລະ ຕ່າງປະເທດ ເຊັ່ນ: ເຕັກໂນໂລຊີ ຊີວະພາບ ແລະ ກະສິກຳ, ເຕັກໂນໂລຊີຂໍ້ມູນ ຂ່າວສານ ແລະ ການສື່ສານ, ເຕັກໂນໂລຊີພະລັງງານທົດແທນ ແລະ ວັດສະດຸໃໝ່, ເຕັກໂນໂລຊີວິສະວະກຳ ແລະ ການອອກ ແບບ, ເຕັກໂນໂລຊີການຂົນສົ່ງ, ເຕັກໂນໂລຊີການແພດ, ເຕັກໂນໂລຊີການປຸງແຕ່ງອາຫານ ແລະ ເຄື່ອງດື່ມ, ເຕັກໂນໂລຊີໄຟຟ້າ-ເອເລັກໂຕຣນິກ, ເຕັກໂນໂລຊີສ້າງເປັນ ເມືອງທັນສະໄໝ (Smart City), ການພັດທະນາຊັບພະຍາກອນມະນຸດ ແລະ ອື່ນໆ.

ງານດັ່ງກ່າວນີ້ ຈະໄດ້ຈັດຂຶ້ນໂດຍການຮ່ວມມືຈາກຫຼາຍພາກສ່ວນ ທັງພາກລັດ ແລະ ເອກະຊົນ ເປັນຕົ້ນແມ່ນ ກະຊວງອຸດສາຫະກຳ ແລະ ການຄ້າ, ກຸ່ມບໍລິສັດ ລາວເວີນ (LAO - ITECC), ຜູ້ອຸປະຖຳ ແລະ ຜູ້ປະກອບການ ທຸລະກິດ, ບັນດາບໍລິສັດ ແລະ ຫ້າງຮ້ານຕ່າງໆ ຈາກພາຍໃນ ແລະ ຈາກຕ່າງປະເທດ. ໃນໄລຍະດຳ ເນີນງານວາງສະແດງ ຈະມີບັນດາກິດຈະກຳປິ່ນອ້ອມ ຄື: ກອງປະຊຸມສໍາມະນາດ້ານວິທະຍາສາດ ແລະ ເຕັກໂນໂລຊີ, ກອງປະຊຸມສໍາມະນາເຕັກໂນໂລຊີ ແລະ ນະວັດຕະ ກໍາໍາລັບຜູ້ປະກອບການກິດຈະກໍາໃໝ່ (Start up), ໃຫ້ຄໍາປຶກສາດ້ານວິທະຍາສາດ ແລະ ເຕັກໂນໂລຊີ, ປະກວດສິ່ງປະດິດຈາກສິ່ງເສດເຫຼືອໃຊ້, ງານສະແດງຄອນ ເສີດ, ການຖາມ- ຕອບຊິງລາງວັນ ແລະ ກິດຈະກໍາອື່ນໆ.

ໂອກາດນີ້, ຂ້າພະເຈົ້າ ຂໍສະແດງຄວາມຮູ້ບຸນຄຸນມາຍັງບັນດາຜູ້ນຳພັກ-ລັດ, ພາກສ່ວນທີ່ກ່ຽວຂ້ອງທີ່ໄດ້ໃຫ້ການຊີ້ນໍາ-ນໍາພາ ຊຸກຍູ້ ແລະ ສະໜັບສະໜູນ, ອໍາ ນວຍຄວາມສະດວກໃຫ້ແກ່ການເຄື່ອນໄຫວວຽກງານວິທະຍາສາດ ແລະ ເຕັກໂນໂລຊີ ຢູ່ ສປປ ລາວ.

ໃນນາມກະຊວງ ວິທະຍາສາດ ແລະ ເຕັກໂນໂລຊີ ຂໍເຊີນຊວນບັນດາຂະແໜງການພາກລັດ, ສະຖາບັນຄົ້ນຄວ້າ, ສະຖາບັນການສຶກສາ, ມະຫາວິທະຍາໄລ, ພາກທຸລະກິດ, ເອກະຊົນ ແລະ ຜູ້ປະກອບການ ທັງພາຍໃນ ແລະ ຕ່າງປະເທດ ປະກອບສ່ວນໃຫ້ການສະໜັບສະໜູນ ແລະ ເຂົ້າຮ່ວມວາງສະແດງຜົນງານຂອງ ານຄົ້ນຄວ້າ ແລະ ເຜີຍແຜ່ອອກສູ່ສັງຄົມ ໃຫ້ມີບັນຍາກາດຟົດຟື້ນ.

ເຂົ້າຮ່ວມໃນພິທີຖະແຫຼງຂ່າວໃນຄັ້ງນີ້ ມີບັນດາ ທ່ານ ຮອງລັດຖະມົນຕີ, ຫົວໜ້າ, ຮອງຫົວໜ້າ ຫ້ອງການ, ກົມ, ສະຖາບັນ ພາຍໃນ ກວຕ, ອົງການຈັດຕັ້ງ ທຽບເທົ່າ, ບັນດາບໍລິສັດ, ຜູ້ປະກອບການ, ພາກສ່ວນສື່ມວນຊົນ ແລະ ພະນັກງານວິຊາການທີ່ກ່ຽວຂ້ອງ.

ໃນພິທີຖະແຫຼງຂ່າວດັ່ງກ່າວ ໄດ້ມີພິທີ ມອບ-ຮັບ ການອຸປະຖຳ ຈາກບໍລິສັດຕ່າງໆ ເຊັ່ນ: ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈຳກັດຜູ້ ດຽວ ມອບເງິນຈຳນວນ 8.800 ໂດລາ ແລະ ບໍລິສັດ Guru Advertising Co.,ltd ມອບເງິນຈຳນວນ 50.430.000 ກີບ ເພື່ອປະກອບສ່ວນການຈັດງານທີ່ຈະມາ ເຖິງນີ້.

ຂ່າວ: ສຸລະໄຊ ສຸລິຍະວົງສາ

ຮູບພາບ: ແສງທອງ ວັນນະທຳ

altaltaltaltalt