Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ພວຕ ນະຄອນຫຼວງວຽງຈັນ ແລະ ແຂວງຄຳມ່ວນ ອົບຮົມການນໍາໃຊ້ລະບົບຄຸ້ມຄອງຫ້ອງການ

ພວຕ ນະຄອນຫຼວງວຽງຈັນ ແລະ ແຂວງຄຳມ່ວນ ອົບຮົມການນໍາໃຊ້ລະບົບຄຸ້ມຄອງຫ້ອງການ

altໃນວັນທີ 3 ກັນຍາ 2018, ກົມເຕັກໂນໂລຊີດີຈິຕ໋ອນ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ເປິດ

ການຝຶກອົບຮົມ ການນໍາໃຊ້ລະບົບຄຸ້ມຄອງຫ້ອງການໃຫ້ແກ່ ພະແນກວິທະຍາສາດ ແລະ ເຕັກໂນໂລຊີ ນະຄອນ ຫຼວງວຽງຈັນ (ພວຕ ນວ) ແລະ ພະແນກວິທະຍາສາດ ແລະ ເຕັກໂນໂລຊີ (ພວຕ)ແຂວງຄຳມ່ວນຂຶ້ນ ພາຍໃຕ້ ການເປັນປະທານຂອງທ່ານ ແກ້ວນະຄອນ ໄຊສຸລຽນ, ຫົວໜ້າກົມເຕັກໂນໂລຊີດີຈິຕ໋ອນ (ກຕດ) ທີ່ກົມດັ່ງກ່າວ.

ຜູ້ເຂົ້າຮ່ວມການຝຶກອົບຮົມ ໄດ້ຮຽນຮູ້ກ່ຽວກັບການບຳລຸງຮັກສາ ແລະ ປ້ອງການໄວຣັສຄອມພິວເຕີ, ວິທີການຕິດຕັ້ງ ແລະ ນໍາໃຊ້ຊອບແວຣຕ່າງໆ ເຊັ່ນ: ລະບົບຄຸ້ມຄອງຫ້ອງການ, ລະບົົບຖານຂໍ້ມູນ (Microsofl SQL server 2014), ລະບົບຄຸ້ມຄອງເອກະສານ (E-Document) ແລະ ລະບົບນັບຄະແນນ ສຽງເລືອກຕັ້ງ (E-voting).

ທ່ານ ແກ້ວນະຄອນ ໄຊສຸລຽນ, ຫົວໜ້າ ກຕດ ກ່າວໃນໂອກາດເປີດຊຸດຝຶກອົບຮົມຄັ້ງນີ້ວ່າ ຜູ້ທີ່ຕ້ອງ ການນຳໃຊ້ຂໍ້ມູນຕ່າງໆຈາກຄອມພິວເຕີ, ກ່ອນອື່ນ ຕ້ອງມີຄວາມຮູ້ຂັ້ນພື້ນຖານທາງດ້ານຄອມພິວເຕີ ເພື່ອທີ່ຈະນໍາ ໃຊ້ບັນດາຊອບແວຣຕ່າງໆຢ່າງມີປະສິດທິພາບ. ຜູ້ທີ່ໄດ້ເຂົ້າຮ່ວມການຝຶກອົບຮົມຄັ້ງນີ້ ກໍສາມາດນຳເອົາ ຄວາມຮູ້ໄປຕໍ່ຍອດໂດຍການເຜີຍແຜ່ໃຫ້ຜູ້ໄດ້ຮຽນຮູ້ຕື່ມອີກ.

ທ່ານ ໄດ້ຮຽກຮ້ອງບັນດາຜູ້ເຂົ້າຮ່ວມຝຶກອົບຮົມ ເອົາໃຈໃສ່ການຝຶກອົບຮົມໃນແຕ່ລະຫົວຂໍ້ເພື່ອນຳເອົາບົດຮຽນໄປເຜີຍແຜ່ ແລະ ໝູນໃຊ້ໃນຂະແໜງການຂອງ ຕົນຕໍ່ໄປ. ທ່ານ ໄດ້ກ່າວຂອບໃຈມາຍັງບັນດາທ່ານທີ່ເສຍສະຫຼະເວລາໃຫ້ກຽດເຂົ້າຮ່ວມການຝຶກອົບຮົມໃນຄັ້ງນີ້.

ເຂົ້າຮ່ວມພິທີເປີດຊຸດອົບຮົມຄັ້ງນີ້ ມີຮອງກົມ ກຕດ ສອງທ່ານ ແລະ ນັກສຳມະນາກອນຈາກທັງສອງພະແນກດັ່ງກ່າວ.

ຂ່າວ ແລະ ຮູບ: ແສງທອງ ວັນນະທຳ

altaltalt