Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ພວຕ ແຂວງ ຫຼວງພະບາງ ມອບເຄື່ອງ ໄຟຟ້າ ພະລັງງານແສງຕາເວັນ (Solar Cell) ໃຫ້ ເມືອງ ນໍ້າບາກ

ພວຕ ແຂວງ ຫຼວງພະບາງ ມອບເຄື່ອງ ໄຟຟ້າ ພະລັງງານແສງຕາເວັນ (Solar Cell) ໃຫ້ ເມືອງ ນໍ້າບາກ

altຕອນເຊົ້າວັນທີ 20 ສິງຫາ 2018 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ແຂວງຫຼວງ ພະບາງ

ໄດ້ຈັດພິທີ ມອບ-ຮັບ ເຄື່ອງໄຟຟ້າພະລັງງານແສງຕາເວັນ (Solar Cell) ໃຫ້ແກ່ເມືອງນໍ້າບາກ. ທ່ານ ສິງຄໍາ ພົມ ມະລັດ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງຫຼວງພະບາງ ໃຫ້ກຽດມອບເຄື່ອງດັ່ງກ່າວ ໃຫ້ແກ່ ທ່ານ ສົມພອນ ສີອຸດົມພັນ, ກໍາມະການພັກແຂວງ ເລຂາພັກເມືອງ ເຈົ້າເມືອງ ເມືອງນໍ້າບາກ ໃຫ້ກຽດຮັບເຄື່ອງ ໄຟຟ້າພະລັງງານແສງຕາເວັນ.

ເຄື່ອງໄຟຟ້າພະລັງງານແສງຕາເວັນ (Solar Cell) ຈໍານວນ 6 ຊຸດ ທີ່ລວມມູນຄ່າທັງໝົດ 7,200,000 ກີບ ມອບໃຫ້ເມືອງນໍ້າບາກ ເພື່ອນໍາໃຊ້ເປັນໄຟເຍືອງຂົວໃນເທດສະບານເມືອງໃນໂອກາດກະກຽມ ການ ຕ້ອນຮັບ ເທດສະການໝາກກ້ຽງຫວານ ທີ່ຈະຈັດຂຶ້ນໃນມໍ່ໆນີ້.

ໂອກາດນີ້, ທ່ານ ເຈົ້າເມືອງ ເມືອງນໍ້າບາກ ໄດ້ກ່າວຂອບໃຈມາຍັງ ພວຕ ແຂວງ ຫຼວງພະບາງ ກໍຄື ກະຊວງວິທະຍາສາດ ແລະ ເຕັກໂນໂລຊີ ທີ່ໄດ້ໃຫ້ການ ຊ່ວຍເຫຼືອຄັ້ງນີ້.

ຂ່າວ ແລະ ຮູບ: ພວຕ ແຂວງ ຫຼວງພະບາງ