Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ກອງປະຊຸມພົບປະ ແລະ ສະແດງຜົນງານ ກ່ຽວກັບ ການສົ່ງເສີມ ຖ່າຍທອດເຕັກໂນໂລຊີ ລາວ - ຫວຽດນາມ 2018

ກອງປະຊຸມພົບປະ ແລະ ສະແດງຜົນງານ ກ່ຽວກັບ ການສົ່ງເສີມ ຖ່າຍທອດເຕັກໂນໂລຊີ ລາວ - ຫວຽດນາມ 2018

altວັນທີ 9 ສິງຫາ 2018, ກະຊວງວິທະຍາສາດ ແລະ ເຕັກໂນໂລຊີ (ກວຕ), ສປປ ລາວ ຮ່ວມກັບ ກະຊວງ ວິທະ

ຍາສາດ ແລະ ເຕັກໂນໂລຊີ, ສສ ຫວຽດນາມ ໄດ້ຈັດພິທີພົບປະ ແລະ ວາງສະແດງຜົນງານ ກ່ຽວກັບການຖ່າຍ ທອດເຕັກໂນໂລຊີ 2018 ຂຶ້ນທີ່ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ນະຄອນຫຼວງວຽງຈັນ ຊຶ່ງໄດ້ຮັບກຽດການເປັນປະທານຮ່ວມຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນາງພັກ, ລັດຖະ ມົນຕີ ກວຕ; ທ່ານ ເຈີນ ວັນ ຕຸງ, ເລຂາຄະນະພັກ, ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ສສ ຫວຽດນາມ.

ການພົບປະໃນຄັ້ງນີ້ ເປັນນິມິດໝາຍທີ່ດີ ເພື່ອເປີດໂອກາດໃຫ້ບັນດາຜູ້ເຂົ້າຮ່ວມທັງສອງຝ່າຍ ທີ່ມາ ຈາກ ຂະແໜງການພາກລັດ, ມະຫາວິທະຍາໄລ, ສະຖາບັນຄົ້ນຄວ້າ ແລະ ບັນດາຜູ້ປະກອບການ ໄດ້ແລກປ່ຽນ ຂໍ້ມູນຂ່າວສານຜົນສຳເລັດຂອງການຄົ້ນຄວ້າ, ນໍາສະເໜີບັນດາເຕັກໂນໂລຊີທີ່ກ້າວໜ້າ, ຮ່ວມມືການຄົ້ນຄວ້າ ແລະ ລົງທືນດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ ຮ່ວມກັນ ແລະ ພ້ອມກັນປືກສາຫາລືຊອກຫາໂຄງ ການທີ່ສອດຄ່ອງ ແລະ ເໝາະສົມກັບສະພາບການພັດທະນາໃນປັດຈຸບັນຂອງສອງປະເທດ ກໍຄື ການເຊື່ອມໂຍງ ເຂົ້າກັບພາກພື້ນ ແລະ ສາກົນ.

ພາຍຫຼັງສຳເລັດການກ່າວເປີດພິທີ, ຕົວແທນຈາກຂະແໜງການພາກລັດ, ມະຫາວິທະຍາໄລ, ສະຖາບັນຄົ້ນຄວ້າ ແລະ ບັນດາຜູ້ປະກອບການຂອງ ສອງປະເທດ ໄດ້ເຊັນບົດບັນທືກຄວາມເຂົ້າໃຈ 06 ສະບັບ ເຊັ່ນ: (1). ບົດບັນທືກຄວາມເຂົ້າໃຈວ່າດ້ວຍການ ສະໜັບສະໜູນໂຄງການຄົ້ນຄວ້າ ແລະ ພັດທະນາ HDPE ສຳລັບ ການລ້ຽງປາກະຊັງ ຢູ່ ສປປລາວ ທີ່ມີຄ່າໃຊ້ຈ່າຍຕ່ຳ; (2). ການກໍ່ສ້າງຊັບພະຍາກອນມະນຸດໃຫ້ແກ່ ສປປ ລາວ, ຈັດຕັ້ງກອງປະຊຸມສໍາມະນາ, ຈັດຕັ້ງແລກປ່ຽນວັດທະ ນະທຳ, ການສຶກສາ ແລະ ເຕັກນິກ; (3). ເຕັກໂນໂລຊີການຜະລິດບັນດາຜະລິດຕະພັນເພີ່ມມູນຄ່າ (ທາດໜຽວ ແລະ ປະສົມເພື່ອເຮັດໃຫ້ປລາສຕິກ, ຢາງພາລາ ຄົງຕົວ); (4). ເຕັກໂນໂລຊີຂໍ້ມູນຂ່າວສານ ແລະ ການກະຈ່າຍຂ່າວຮັບໃຊ້ການພັດທະນາຕົວເມືອງແບບອັດສະລິຍະ ຢູ່ ສປປ ລາວ; (5). ຄົ້ນຄວ້າຄວາມຫຼາກຫຼາຍຊີວະສາດ ໃນເຂດຊີວະນາໆພັນທີ່ແຕກຕ່າງກັບຂອງລາວ ແລະ ການພັດທະນາການນຳໃຊ້ໃນກະສິກຳສະອາດ ແລະ ການແກ້ໄຂມົນລະພິດສິ່ງແວດລ້ອມ ແລະ (6). ຜັນຂະຫຍາຍ ສັນຍາການຮ່ວມມືການຄົ້ນຄວ້ານຳໃຊ້ເຕັກໂນໂລຊີຝຸ່ນຊີວະພາບໃນຮູບແບບເປັນເມັດທີ່ລະລາຍຊ້າ ເພື່ອນຳໃຊ້ການປູກພືດ ຢູ່ຊຽງຂວາງ, ເຕັກໂນໂລຊີເພື່ອຈັດການສິ່ງເສດ ເຫຼືອອົງຄະທາດ ຢູ່ຄົວເຮືອນ ແລະ ບັນດາເຂດທ່ອງທ່ຽວ, ແຜນງານຮ່ວມມືພັດທະນາການນຳໃຊ້ຈຸລິນຊີ ໃນການຜະລິດຝຸ່ນອົງຄະທາດ ຢູ່ ສປປ ລາວ ແລະ ລະບົບຈັດ ການເລື່ອງການຂົນສົ່ງ (ເຕັກໂນໂລຊີ ອັດສະລິຍະ).

ກອງປະຊຸມພົບປະ ແລະ ສະແດງຜົນງານດັ່ງກ່າວນີ້ ໄດ້ເຊື້ອເຊີນ ຕົວແທນຈາກບັນດາສະຖາບັນຄົ້ນຄ້ວາ ແລະ ພັດທະນາ, ມະຫາວິທະຍາໄລ, ພາກສ່ວນ ທຸລະກິດ ຈາກພາຍໃນ ສປປ ລາວ ແລະ ສສ ຫວຽດນາມ ເຂົ້າຮ່ວມຫລາຍກ່ວາ 300 ກ່ວາທ່ານ. ແຕ່ລະພາກສ່ວນໄດ້ນໍາເອົາຜະລິດຕະພັນ ແລະ ຜົນງານເຕັກໂນໂລຊີ ໃນຂົງເຂດເຕັກໂນໂລຊີຂະບວນການຜະລິດ ແລະ ເກັບຮັກສາຜົນຜະລິດກະສິກຳ, ພະລັງງານທົດແທນ, ການຮັກສາສິ່ງແວດລ້ອມ, ຂໍ້ມູນຂ່າວສານ - ສື່ສານ ແລະ ການບໍ ລິການ, ການເພາະລ້ຽງສັດນໍ້າ ແລະ ການປະມົງ ແລະ ອື່ນໆ ມາວາງສະແດງ.

ໂອກາດນີ້, ທ່ານ ເຈີນ ວັນ ຕຸງ, ຮອງ ລມຕ ກວຕ, ຕາງໜ້າຄະນະນໍາ ແລະ ພະນັກງານອງກະຊວງວິທະຍາສາດ ແລະ ເຕັກໂນໂລຊີ, ສສ ຫວຽດນາມ ໄດ້ມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມຢູ່ ເມືອງສະໜາມໄຊ, ແຂວງອັດຕະປື.

ເຂົົ້າຮ່ວມພິທີເປີດງານດັ່ງກ່າວ ມີບັນດາຮອງລັດຖະມົນຕີ, ຫົວໜ້າກົມ, ສະຖາບັນ ແລະ ພະນັກງານພາຍໃນ ກວຕ.

ຂ່າວ: ນ. ທັດສະນີ ພົງບັນດິດ

ຮູບພາບ: ບຸນທັນ ນັນທະວົງ

altaltaltalt