Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ພະນັກງານຂອງ ກວຕ ຍົກລະດັບທັກສະ ຄວາມເປັນຜູ້ນຳ

ພະນັກງານຂອງ ກວຕ ຍົກລະດັບທັກສະ ຄວາມເປັນຜູ້ນຳ

altໃນວັນທີ 26 ກໍລະກົດ 2018 ທີ່ຜ່ານມາ, ພະນັກງານຫຼັກແຫຼ່ງຂອງ ກະຊວງວິທະຍາສາດ ແລະ ເຕັກໂນໂລຊີ

(ກວຕ) ໄດ້ເຂົ້າຮ່ວມການຝຶກອົບຮົມໃນຫົວຂໍ້ “ທັກສະຄວາມເປັນຜູ້ນໍາ” ເນື່ອງໃນໂອກາດເປີດກອງປະຊຸມກ່ຽວ ກັບການຄົ້ນຄວ້າ, ປັບປຸງກົງຈັກການຈັດຕັ້ງຂະແໜງວິທະຍາສາດ ແລະ ເຕັກໂນໂລຊີ ຊຶ່ງຈັດຂຶ້ນລະຫວ່າງ ວັນທີ 24-27 ກໍລະກົດ ຢູ່ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ (ຫຼັກ 14).

ໂອກາດນີ້, ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການ ສູນກາງພັກ, ລັດຖະມົນຕີ ກວຕ ໄດ້ໃຫ້ກຽດບັນຍາຍທັກສະຄວາມເປັນຜູ້ນຳ ຊຶ່ງທ່ານ ໄດ້ຍົກໃຫ້ເຫັນຄວາມສໍາຄັນບາງຕອນວ່າ: ການຮຽນຮູ້ທັກ ສະການເປັນຜູ້ນຳແມ່ນເພື່ອເພີ່ມຄວາມເຂົ້າໃຈ, ຄວາມສຳຄັນຂອງການເປັນຜູ້ນຳ ແລະ ແນໃສ່ສ້າງຄວາມເຂັ້ມແຂງ ໃນການນຳພາວຽກງານ; ການເປັນຜູ້ນຳ ຕ້ອງມີຄວາມຮູ້-ຄວາມສາມາດ, ກ້າຕັດສິນໃຈ ແລະ ກ້າຮັບຜິດຊອບ, ມີວິໄສທັດ ແລະ ຮູ້ກໍານົດທິດທາງ; ກຳໄດ້ສິ່ງທ້າທາຍຂອງຂະບວນວິວັດ ແລະ ກະຕຸກຊູກຍູ້ການເຄື່ອນໄຫວ ເພື່ອຍົກສູງປະສິດທິພາບຂອງການເປັນຜູ້ນໍາໃນຂະແໜງການ ວິທະຍາສາດແລະເຕັກໂນໂລຊີ. ທ່ານ ກ່າວວ່າ ບົດຮຽນມື້ນີ້ ຈະເປັນປະໂຫຍດໃຫ້ບັນດາສະຫາຍນຳໄປປະຕິບັດເພື່ອໃຫ້ເປັນຜູ້ນຳທີ່ດີໃນທຸກຂະແໜງການ.

ເຂົ້າຮ່ວມກອງປະຊຸມຄັ້ງນີ້ ມີບັນດາຮອງລັດຖະມົນຕີ, ບັນດາຫົວໜ້າຫ້ອງການ, ກົມ, ສະຖາບັນ, ບັນດາຫົວໜ້າພະແນກ, ຮອງພະແນກວິທະຍາສາດ ແລະ ເຕັກໂນໂລຊີບັນດາແຂວງ ແລະ ຄະນະພະແນກພາຍໃນ ກວຕ.

ຂ່າວ ແລະ ຮູບພາບ: ພະແນກຂ່າສານ ແລະ ປະຊາສຳພັນ

altaltaltalt