ພະນັກງານ ກວຕ ເຊື່ອມຊຶມ ມະຕິກອງປະຊຸມ ຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X ຂອງພັກ

Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ພະນັກງານ ກວຕ ເຊື່ອມຊຶມ ມະຕິກອງປະຊຸມ ຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X ຂອງພັກ

ພະນັກງານ ກວຕ ເຊື່ອມຊຶມ ມະຕິກອງປະຊຸມ ຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X ຂອງພັກ

altພະນັກງານຫຼັກແຫຼ່ງຂອງ ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ເຊື່ອມຊຶມ ມະຕິກອງປະ ຊຸມຄົບ

ຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X ຂອງພັກ ຢູ່ສະຖາບັນການຄຸ້ມຄອງ ວິທະຍາສາດ ແລະ ເຕັກໂນໂລຊີ ຫຼັກ 14, ບ້ານ ດອນຕິ້ວ, ເມືອງໄຊທານີ ໃນວັນທີ 31 ກໍລະກົດ 2018 ຊຶ່ງໄດ້ຮັບກຽດການ ເຂົ້າຮ່ວມເປັນປະທານຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົຕີ ກວຕ.

ການເຜີຍແຜ່ມະຕິດັ່ງກ່າວ ເພື່່ອສ້າງຄວາມຮູ້, ເຂົ້້າໃຈ ແລະ ກໍາແໜ້ນບັນຫາຢ່າງຈະແຈ້ງ, ເລິກເຊິ່ງ ແລະ ມີຄວາມເປັນເອກະພາບກັນສູງທາງດ້ານທັດສະນະ, ບົນພື້ນຖານນັ້ນ ເພື່ອຫັນເປັນແຜນປະຕິບັດງານລະອຽດຂອງ ອົງຄະນະພັກແຕ່ລະຂັ້ນ; ຍົກສູງຄວາມເປັນເຈົ້າການ ແລະ ຄວາມຮັບຜິດຊອບການເມືອງຂອງຄະນະພັກແຕ່ລະ ຂັ້ນໃນການນໍາພາ, ຊີ້ນໍາແກ້ໄຂບັນຫາຕົວຈິງ ກໍຄືສະພາບການເລັ່ງທວງຂອງຂະແໜງການ ແລະ ທ້ອງຖິ່ນຮາກຖານ ຂອງຕົນ ແລະ ສ້າງການຫັນປ່ຽນໃໝ່ທີ່ ເປັນກະທໍາຕົວຈິງໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ໃຫ້ມີຜົນສຳເລັດ ຕາມຄາດໝາຍທີ່ໄດ້ກໍານົດໄວ້.

ເອກະສານສຳຄັນທີ່ໄດ້ຮັບການເຜີຍແຜ່ຄັ້ງນີ້ ປະກອບດ້ວຍ ຕີລາຄາຜົນການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ໃນໄລຍະສອງປີກວ່າຜ່ານມາ ແລະ ບາງໜ້າທີ່ຈຸດສຸມໃນຕໍ່ໜ້າ ຊຶ່ງສະເໜີໂດຍ ທ່ານ ລັດຖະມົນຕີ ກວຕ; ມະຕິຂອງຄະນະບໍລິຫານງານສູນກາງພັກ ວ່າດ້ວຍການຍົກສູງ ປະສິດທິພາບການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ແລະ ຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ດຳເນີນກອງປະຊຸມໃຫຍ່ອົງຄະນະ ພັກ ກະຊວງ-ອົງການ, ແຂວງ-ນະຄອນຫຼວງ, ອົງຄະນະພັກເມືອງ-ນະຄອນ ແລະ ຮາກຖານພັກໃນຂອບເຂດທົ່ວປະເທດ ຊຶ່ງສະເໜີໂດຍ ທ່ານ ປອ. ຈັນແສງ ພິມມະວົງ, ຄະນະພັກ, ຮອງລັດຖະມົນຕີ ກວຕ ແລະ ທ່ານ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກວຕ ຕາມລໍາດັບ.

ຂ່າວ ແລະ ຮູບ: ພະແນກຂ່າວສານ ແບະ ປະຊາສຳພັນ

altaltalt