Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ກວຕ ໄດ້ຈັດພິທີຖະແຫຼງຂ່າວ ກ່ຽວກັບ ກອງປະຊຸມ ພົບປະ ແລະ ງານວາງສະແດງ ເພື່ອສົ່ງເສີມການຖ່າຍ ທອດເຕັກໂນໂລຊີ ລາວ-ຫວຽດນາມ 2018

ກວຕ ໄດ້ຈັດພິທີຖະແຫຼງຂ່າວ ກ່ຽວກັບ ກອງປະຊຸມ ພົບປະ ແລະ ງານວາງສະແດງ ເພື່ອສົ່ງເສີມການຖ່າຍ ທອດເຕັກໂນໂລຊີ ລາວ-ຫວຽດນາມ 2018

altກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີຖະແຫຼງຂ່າວ ກ່ຽວກັບ ກອງປະຊຸມພົບປະ ແລະ

ງານວາງສະແດງ ເພື່ອສົ່ງເສີມ ການຖ່າຍທອດເຕັກໂນໂລຊີ ລາວ-ຫວຽດນາມ ຂຶ້ນໃນຕອນໃນວັນທີ 3 ສິງຫາ 2018 ທີ່ຫ້ອງປະຊຸມ ກວຕ ໂດຍການໃຫ້ກຽດເປັນປະທານຖະແຫຼງຂ່າວຂອງ ທ່ານ ບັນດິດ. ສຈ ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ.

ໃນໂອກາດນີ້, ທ່ານ ລັດຖະມົນຕີ ກວຕກ່າວເຖິງງານດັ່ງກ່າວວ່າ:ກະຊວງວິທະຍາສາດ ແລະ ເຕັກໂນ ໂລຊີ ສປປ ລາວ ຈະໄດ້ຮ່ວມມືກັບ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດນາມ ພ້ອມດ້ວຍຂະ ແໜງການ ພາກລັດ, ສະຖາບັນຄົ້ນຄວ້າ, ບັນດາມະຫາວິທະຍາໄລຕ່າງໆ, ນັກທຸລະກິດ ແລະ ຜູ້ປະກອບການ ຂອງສອງປະເທດ ຈັດກອງປະຊຸມພົບປະ ແລະ ວາງສະແດງຜົນງານ ກ່ຽວກັບການຖ່າຍທອດເຕັກໂນໂລຊີ ລາວ - ຫວຽດນາມ 2018 ຂຶ້ນ ໃນລະຫວ່າງວັນທີ 9-10 ສິງຫາ 2018, ທີ່ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ຢູ່ທີ່ ບ້ານດອນຕິ້ວ (ຫຼັກ 14), ເມືອງ ໄຊທານີ, ນະຄອນຫຼວງວຽງຈັນ.

ກອງປະຊຸມພົບປະ ແລະ ງານວາງສະແດງຜົນງານດັ່ງກ່າວນີ້ ຈັດຂຶ້ນເປັນຄັ້ງທຳອິດ ໂດຍມີຈຸດປະສົງເພື່ອສົ່ງ ເສີມການຖ່າຍທອດເຕັກໂນໂລຊີ, ເປີດໂອກາດ ໃຫ້ບັນດາຜູ້ປະກອບການ ແລະ ສະຖາບັນຄົ້ນຄວ້າ ຂອງສອງປະເທດໄດ້ ພົບປະ ແລກປ່ຽນຂໍ້ມູນຂ່າວສານ ພ້ອມທັງສ້າງເຄືອຂ່າຍ ສົ່ງເສີມການຜະລິດສິນຄ້າ ແລະ ສ້າງໂຄງການຮ່ວມມືການ ຖ່າຍທອດເຕັກໂນໂລຊີໃນອະນາ ຄົດ. ໃນກອງປະຊຸມພົບປະ ແລະ ງານວາງສະແດງດັ່ງກ່າວ ຈະມີຜູ້ເຂົ້າຮ່ວມປະມານ 300 ທ່ານ ຈາກ 150 ພາກສ່ວນ ທີ່ມາຈາກ 2 ປະເທດ ລາວ-ຫວຽດນາມ.

ຂ້າພະເຈົ້າເຊື່ອໜັ້ນວ່າ ກອງປະຊຸມພົບປະ ແລະ ງານວາງສະແດງໃນຄັ້ງນີ້ ຈະເປັນເວທີແລກປ່ຽນເພື່ອສົ່ງເສີມ ການຮ່ວມມືໃນການຄົ້ນຄວ້າ ແລະ ຖ່າຍທອດ ເຕັກໂນໂລຊີ ລະຫວ່າງພາກລັດ, ເອກະຊົນ, ສະຖາບັນການຄົ້ນຄວ້າ, ມະຫາວິທະຍາໄລ, ພາກສ່ວນທຸລະກິດ ແລະ ຜູ້ປະກອບການ ທັງສອງປະເທດ, ແນ່ໃສ່ເຮັດໃຫ້ ວຽກງານວິທະຍາສາດ ແລະ ເຕັກໂນໂລຊີ ເປັນກຳລັງຂັບເຄື່ອນທີ່ເຂັ້ມແຂງ ໃຫ້ແກ່ການພັດທະນາເສດຖະກິດ-ສັງຄົມ ແລະ ການຫັນປະເທດ ໃຫ້ເປັນອຸດສາຫະກຳ ແລະ ທັນສະໄໝເທື່ອລະກ້າວ ເພື່ອເຮັດໃຫ ສປປ ລາວ ຫຼຸດພົ້ນຈາກຄວາມດ້ອຍພັດທະນາ ໃນປີ 2020.

ນະໂອກາດນີ້, ຂ້າພະເຈົ້າຂໍສະແດງຄວາມຮູ້ບຸນຄຸນມາຍັງບັນດາຜູ້ນຳພັກ-ລັດ, ພາກສ່ວນທີ່ກ່ຽວຂ້ອງ ທີ່ໄດ້ໃຫ້ ການຊີ້ນໍາໆພາ, ສະໜັບສະໜູນອຳນວຍຄວາມ ສະດວກ ໃຫ້ແກ່ການເຄື່ອນ ໄຫວວຽກງານການສົ່ງເສີມຖ່າຍທອດເຕັກ ໂນໂລຊີໃນຄັ້ງນີ້.

ຂໍສະແດງຄວາມຊົມເຊີຍມາຍັງ ກົມເຕັກໂນໂລຊີ ແລະ ນະວັດຕະກໍາ ຂອງກະຊວງວິທະຍາສາດ ແລະ ເຕັກໂນໂລຊີ ຂອງ ສປປ ລາວ ແລະ ສະຫະກົມນໍາໃຊ້ ແລະ ພັດທະນາເຕັກໂນໂລຊີນະວັດຕະກໍາ, ກະຊວງວິທະຍາ ສາດ ແລະ ເຕັກໂນໂລຊີ ຂອງ ສສ ຫວຽດນາມ ທີ່ເປັນເຈົ້າການຮ່ວມມືກັນໃນການຈັດຕັ້ງກອງປະຊຸມຄັ້ງນີ້. ພ້ອມນີ້ກໍ່ຂໍສະແດງຄວາມຂອບໃຈມາຍັງພາກ ສ່ວນຕ່າງໆທີ່ມີສ່ວນຮ່ວມ ໃນການປະກອບສ່ວນກະກຽມກອງປະຊຸມ ທີ່ຈະໄດ້ຈັດຂຶ້ນໃນໂອກາດບໍ່ເທົ່າໃດວັນຂ້າງໜ້ານີ້.

ນະໂອກາດນີ້ ຂ້າພະເຈົ້າຂໍເຊີນຊວນບັນດາຂະແໜງການພາກລັດ, ສະຖາບັນຄົ້ນຄວ້າ, ສະຖາບັນການສຶກສາ, ມະຫາ ວິທະຍາໄລ, ພາກສ່ວນທຸລະກິດ ເອກະ ຊົນ ແລະ ຜູ້ປະກອບການ ທັງສອງປະເທດ ຈົ່ງໄດ້ປະກອບສ່ວນໃຫ້ ການສະໜັບສະໜູນ, ຊຸກຍູ້ ຊ່ວຍເຫຼືອ ແລະ ເຂົ້າຮ່ວມງານ ພ້ອມທັງຢ້ຽມຊົມງານວາງສະແດງ ຜົນງານການຄົ້ນຄວ້າ, ສິນຄ້າ ແລະ ຜະລິດຕະພັນ ໃນງານວາງສະແດງການຖ່າຍທອດເຕັກໂນໂລຊີຄັ້ງນີ້ ໃຫ້ມີບັນຍາກາດຢ່າງຟົດຟື້ນ.

ຂໍອວຍພອນໃຫ້ບັນດາທ່ານ ຜູ້ນຳພັກ-ລັດ ແຂກຜູ້ມີກຽດທຸກໆທ່ານ, ບັນດາສື່ມວນຊົນ, ນັກຂ່າວ ຈົ່ງມີສຸຂະ ພາບແຂງແຮງ, ປະສົບຜົນສຳເລັດໃນໜ້າທີ່ວຽກ ງານ ແລະ ມີຄວາມສຸກໃນຕົວ ແລະ ຄອບຄົວ.

ເຂົ້າຮ່ວມໃນພິທີຖະແຫຼງຂ່າວຄັ້ງນີ້ ມີບັນດາ ທ່ານ ຮອງລັດຖະມົນຕີ, ຫົວໜ້າ, ຮອງຫົວໜ້າ, ຫ້ອງການ, ກົມ, ສະຖາບັນ, ບັນດາບໍລິສັດ, ຜູ້ປະກອບການ, ທັງພາຍໃນ ແລະ ຕ່າງປະເທດ ແລະ ພະນັກງານວິຊາການທີ່ກ່ຽວຂ້ອງພາຍ ໃນ ກະຊວງ ແລະ ບັນດາສື່ມວນຊົນ.

ຂ່າວ: ບາລະຄອນ ສຸວັນນະພາສີ

ຮູບພາບ: ບັນທັນ ນັນທະວົງ

alt