Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ກວຕ ຮ່ວມແຮງຮ່ວມໃຈ ຊ່ວຍເຫຼືອຜູ້ປະສົບໄພ ທີ່ແຂວງອັດຕະປື

ກວຕ ຮ່ວມແຮງຮ່ວມໃຈ ຊ່ວຍເຫຼືອຜູ້ປະສົບໄພ ທີ່ແຂວງອັດຕະປື

altໃນຕອນແລງຂອງວັນທີ 27 ກໍລະກົດ 2018, ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນ ກາງພັກ,

ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ພ້ອມດ້ວຍຄະນະ ຕາງໜ້າໃຫ້ແກ່ພະນັກງານ- ລັດຖະກອນ ກວຕ ນໍາເອົາເຄື່ອງຊ່ວຍເຫຼືອທີ່ໄດ້ຮັບ ຈາກການບໍລິຈາກ ແລະ ເງິນຈຳນວນໜຶ່ງທີ່ມີມູນຄ່າທັງໝົດ 184.000.000 ກວ່າກີບ (ຮ້ອຍແປດສິບສີ່ລ້ານກີບ) ມອບຜ່ານ ກະຊວງແຮງງານ ແລະ ສະຫວັດດີການ ສັງຄົມ ເພື່ອສົ່ງຕໍ່ໄປເຖິງຜູ້ປະສົບໄພນໍ້າຖ້ວມຢູ່ແຂວງ ອັດຕະປື. ຕາງໜ້າຮັບເຄື່ອງຊ່ວຍເຫຼືອດັ່ງກ່າວ ໂດຍແມ່ນ ທ່ານ ປອ ຄຳແພງ ໄຊສົມແພງ, ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ.

ການມອບເຄື່ອງຄັ້ງນີ້ ເປັນການປະກອບສ່ວນຊ່ວຍເຫຼືອບັນເທົາທຸກ ໃຫ້ແກ່ຜູ້ທີ່ຖືກຜົນກະທົບຈາກ ໄພພິບັດນ້ຳຖ້ວມ ເນື່ອງຈາກ ເຂື່ອນເຊປຽນ-ເຊນ້ຳນ້ອຍແຕກ ຊຶ່ງມວນນ້ຳມະຫານສານໄຫຼເຂົ້າສູ້ຕົວ ເມືອງສະ ໜາມໄຊ, ແຂວງ ອັດຕະປື, ເຮັດໃຫ້ມີຜູ້ເສຍຊີວິດ, ຜູ້ສູນເຫຍ, ສະຖານທີ່ຢູ່ອາໄສຂອງປະຊາຊົນຖືກທຳລາຍ ແລະ ພັດໄປກັບສາຍນ້ຳ ແລະ ປະຊາຊົນ ຫຼາຍພັນຄົນ ບໍ່ມີທີ່ຢູ່ອາສ, ຂາດເຄື່ອງນຸ່ງຮົ່ມ ແລະ ອາຫານ. ຕໍ່ສະພາບ ການດັ່ງກ່າວ, ກວຕ ເຫັນໄດ້ເຖິງຄວາມລໍາບາກ, ຄວາມຫຍຸງຍາກຂອງປະຊາຊົນຈຶ່ງໄດ້ລະດົມວັດຖຸປັດ ຈາກ ພະນັກງານ-ລັດຖະກອນ ພາຍໃນ ກວຕ ແລະ ບັນດາບໍລິສັດຫ້າງຮ້ານ ເພື່ອໄປຊ່ວຍເຫຼືອຜູ້ປະສົບໄພຄັ້ງນີ້.

ໃນໂອກາດມອບເຄື່ອງຄັ້ງນີ້, ທ່ານ ລັດະມົນຕີ ກວຕ ໄດ້ໃຫ້ສຳພາດຕໍ່ຊື່ມ່ວນຊົນ ວ່າ: ຂ້າພະເຈົ້າ ພໍແຕ່ຮູ້ຂ່າວວ່າ ພິນ້ອງຊາວລາວເຮົາຢູ່ ແຂວງອັດຕະປື ປະສົບໄພນ້ຳຖ້ວມຢ່າງຮຸນແຮງ ຍ້ອນເຂື່ອນເຊປຽນ-ເຊນ້ຳນ້ອຍ ແຕກ. ດັ່ງນັ້ນ, ທັງໝົດອ້າຍເອື້ອຍນ້ອງພະນັກງານ-ລັດຖະກອນ ກວຕ ຮູ້ສຶກເປັນຫ່ວງເປັນໄຍຫຼາຍ ແລະ ໄດ້ເຕົ້າໂຮມລະດົມການບໍລິຈາກວັດຖຸ-ປັດໄຈເພື່ອຊ່ວຍບັນເທົາທຸກຜູ້ປະສົບໄພຄັ້ງນີ້. ນອກຈານັ້ນ, ກວຕ ໄດ້ມອບດອກໄຟ ທີ່ນໍາໃຊ້ພະລັງງານແສງຕາເວັນ ຈໍານວນໜຶ່ງ ແລະ ຊ່ວຍສົ່ງເຄື່ອງບິນບໍ່ມີຄົນຂັບພ້ອມດ້ວຍຄະນະວິຊາການ ເຂົ້າໃນພາລະກິດການຄົ້ນຫາຜູ້ປະສົບໄພຄັ້ງນີ້ອີກດ້ວຍ.

ເຄື່ອງອຸປະໂພກ ແລະ ບໍລິໂພກຈໍານວນໜຶ່ງ, ພວກເຮົາໄດ້ສົ່ງໄປເຖິງ ແຂວງ ອັດຕະປື ໂດຍກົງເປັນທີ່ຮຽບຮ້ອຍແລ້ວ.ອີກຈຳນວນໜຶ່ງ ນໍາມາມອບຜ່ານ ກະຊວງແຮງງານ ແລະ ສະຫວັດດີການສັງຄົມ.

ຂ່າວ: ບາລະຄອນ ສຸວນັນະພາສີ

ຮູບພາບ: ພະແນກຂໍ້ມູນຂ່າວສານ ແລະ ປະຊາສຳພັນ

altaltaltaltaltaltaltaltaltaltaltaltaltaltaltalt