Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ພິທີເຊັນບົດບັນທຶກຄວາມເຂົ້າໃຈ ໂຄງການ ການຮ່ວມມື ພັດທະນາຂົງເຂດເຕັກໂນໂລຊີ ລະດັບສູງ ລາວ-ຈີນ

ພິທີເຊັນບົດບັນທຶກຄວາມເຂົ້າໃຈ ໂຄງການ ການຮ່ວມມື ພັດທະນາຂົງເຂດເຕັກໂນໂລຊີ ລະດັບສູງ ລາວ-ຈີນ

altໃນຕອນແລງຂອງວັນທີ 26 ກໍລະກົດ 2018 ທີ່ໂຮງແຮມດອນຈັນພາເລດ, ນະຄອນຫຼວງວຽງຈັນ, ກົມແຜນ

ການ ແລະ ຮ່ວມມື, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດພິທີເຊັນບົດບັນທຶກຄວາມເຂົ້າໃຈ ວ່າດ້ວຍໂຄງການຮ່ວມມືພັດທະນາຂົງເຂດເຕັກໂນໂລຊີ ລະດັບສູງ ລາວ-ຈີນລະຫວ່າງ ກວຕ ແລະ ບໍລິສັດ Investment and Hydro power consultant ປະຈຳ ສປປ ລາວ ແລະ ບໍລິສັດ Beijing Truth Technology.

ປັດຈຸບັນ, ລັດຖະບານ ຂອງ ສປປ ລາວ ໄດ້ໃຫ້ຄວາມສຳຄັນ ແລະ ມີສ່ວນຮ່ວມໃນໂຄງການ ໜຶ່ງ ແລວ ໜຶ່ງເສັ້ນທາງ ທີ່ລັດຖະບານ ສປ ຈີນ ໄດ້ວາງໄວ້ ເຊັ່ນ: ການຮ່ວມມືໃນຂະແໜງວິທະຍາສາດ ແລະ ເຕັກ ໂນໂລຊີ ລະຫວ່າງ ສອງປະເທດລາວ-ຈີນ. ອີງຕາມຄວາມຮຽກຮ້ອງຕ້ອງການໃນການພັດທະນາເສດຖະກິດ- ສັງຄົມຂອງ ສປປ ລາວ ຈຳເປັນຕ້ອງໄດ້ມີການນຳໃຊ້ ແລະ ການພັດທະນາເຕັກໂນໂລຊີ ລະດັບສູງເພື່ອຍົກສູງລະ ດັບຄວາມຮູ້ຄວາມສາມາດ ແລະ ການພັດທະນາຊັບ ພະຍາກອນມະນຸດໃນຂົງເຂດວິທະຍາສາດ ແລະ ເຕັກ ໂນໂລຊີ.

ຈຸດປະສົງຫຼັກໃນການເຊັນບົດບັນທຶກຄວາມເຂົ້າໃຈດັ່ງກ່າວ ກໍເພື່ອສ້າງສູນຮ່ວມມືດ້ານການແລກປ່ຽນ ແລະ ຄົ້ນຄວ້າວິທະຍາສາດ ແລະ ເຕັກໂນໂລຊີ. ບົດ ບັນທຶກຄວາມເຂົ້າໃຈສະບັບນີ້ ມີອາຍຸການນຳໃຊ້ເປັນເວລາ 1 ປີ ນັບແຕ່ມື້ລົງລາຍເຊັນເປັນຕົ້ນໄປ ຊຶ່ງມີລາຍລະອຽດ ແລະ ຂອບເຂດການຮ່ວມມືດັ່ງນີ້: 1. ສອງຝ່າຍ ຈະຮ່ວມກັນສ້າງສັນຍາລະອຽດ ຂອງໂຄງການຂຶ້ນມາເພື່ອການລົງມືຈັດຕັ້ງປະຕິບັດໂຄງການ; 2. ການຮ່ວມມືດ້ານການສ້າງສູນຮ່ວມມືດ້ານການແລກປ່ຽນ, ຄົ້ນຄວ້າວິ ທະຍາສາດ ແລະ ເຕັກໂນໂລຊີ; 3. ວາງແຜນຮ່ວມກັນໃນການຂົນຂວາຍການລົງທຶນຈາກພາຍນອກ. ການຮ່ວມມືໃນຄັ້ງນີ້ຈະເປັນປະໂຫຍດຕໍ່ການນຳໃຊ້ເຕັກໂນໂລຊີ ລະດັບສູງໃນຕໍ່ໜ້າ ເຊັ່ນ: ການຊ່ວຍຍົກລະດັບຄວາມຮູ້ຄວາມສາມາດຂອງບຸກຄະລາກອນໃນຂະແໜງວິທະຍາສາດ ແລະ ເຕັກໂນໂລຊີ ໂດຍການສະໜັບສະໜູນດ້ານ ອຸປະກອນ ແລະ ທຶນຮອນຂອງຝ່າຍບໍລິສັດເຊັ່ນ: ທຶນຝຶກອົບຮົບ, ທຶນການເຮັດການຄົ້ນຄວ້າ, ທຶນການສຶກສາໃນອະນາຄົດໃຫ້ແກ່ ສປປ ລາວ ແລະ ອື່ນໆ.

ຜູ້ລົງນາມໃນບົດບັນທຶກດັ່ງກ່າວ, ຕາງໜ້າຝ່າຍ ກວຕ ລົງນານໂດຍທ່ານ ປອ. ຄຳເພັດ ວົງດາລາ, ຫົວໜ້າກົມແຜນການ ແລະ ຮ່ວມມື, ຕາງໜ້າຝ່າຍ ບໍລິສັດ Beijing Truth Technology ລົງນາມໂດຍທ່ານ An Tong, ຜູ້ອຳນວຍການບໍລິສັດພັດທະນາເຕັກໂນໂລຊີ ເຈິ່ນຕີ້ (ປັກກິ່ງ) ຈຳກັດ ແລະ ຕາງໜ້າຝ່າຍ ບໍລິສັດ Investment and Hydro power consultant ປະຈຳ ສປປ ລາວ ລົງນາມໂດຍທ່ານ Li Kai ຜູ້ອຳນວຍການບໍລິສັດທີ່ປຶກສາການລົງທຶນ ແລະ ກໍ່ສ້າງເຂື່ອນໄຟຟ້າ ສປປ ລາວ ຈຳກັດ.

ໃຫ້ກຽດເຂົ້າຮ່ວມເປັນສັກຂີພິຍານໃນພິທີລົງນາມຄັ້ງນີ້ ມີທ່ານ ບັນດິດ ສຈ. ບໍ່ວຽງຄຳ ວົງດາລາ ກຳມະການສູນກາງພັກ, ລັດຖະມົນຕີ ກວຕ, ບັນດາທ່ານ ຮອງ ລັດຖະມົນຕີ ກວຕ, ຫົວໜ້າຫ້ອງການ, ກົມ, ສະຖາບັນຕ່າງໆ ພາຍໃນ ກວຕ ແລະ ບັນດາແຂກຖຶກເຊີນ ທັງໝົດ 90 ກວ່າທ່ານ.


ຂ່າວ: ນ. ທັດສະນີ ພົງບັນດິດ

ພາບ: ບາລະຄອນ ສຸວັນນະພາສີ

altaltaltaltaltalt