Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ໜ່ວຍພັກ ພວຕ ແຂວງຊຽງຂວາງຮັບມະຫາຊົນ ກ້າວໜ້າ ເຂົ້າເປັນສະມາຊິກພັກສໍາຮອງ

ໜ່ວຍພັກ ພວຕ ແຂວງຊຽງຂວາງຮັບມະຫາຊົນ ກ້າວໜ້າ ເຂົ້າເປັນສະມາຊິກພັກສໍາຮອງ

altໃນຕອນແລງຂອງວັນທີ 21 ມິຖຸນາ 2018 ທີ່ຜ່ານມາ ຢູ່ຫ້ອງປະຊຸມ ພະແນກວິທະຍາສາດ ແລະ ເຕັກໂນ ໂລຊີ

(ພວຕ) ແຂວງຊຽງຂວາງ, ໜ່ວຍພັກ ພວຕ ໄດ້ຈັດພິທີຮັບເອົາມະຫາຊົນຜູ້ກ້າວໜ້າເຂົ້າ ເປັນສະມາຊິກພັກສໍາ ຮອງ ພາຍໃຕ້ການເປັນປະທານ ສະຫາຍ ປອ. ບູນມີ ສີລາວົງ, ເລຂາໜ່ວຍພັກ ພວຕ.

ຈຸດປະສົງຂອງການຈັດພິທີຄັ້ງນີ້ ແມ່ນເພື່ອຮັບເອົາມະຫາຊົນກ້າວໜ້າ ທີ່ມີຜົນງານດີເດັ່ນ, ຫ້າວຫັນ ໃນການປະຕິບັດໜ້າທີ່ວຽກງານ, ມີທັດສະນະຫຼັກໝັ້ນທາງດ້ານແນວຄິດການເມືອງຖືກຕ້ອງ, ມີຄວາມສາມັກ ຄີ, ຕັ້ງໜ້າຝຶກຝົນຫຼໍ່ຫຼອມຕົນເອງ ຈົນໄດ້ຮັບຄວາມໄວ້ເນື້ອເຊື່ອໃຈຈາກອຳນາດການປົກຄອງຮາກຖານ ກໍຄື ຄະນະ ພັກ ແລະ ຄະນະນຳ ຈຶ່ງເຫັນດີອະນຸມັດຮັບເອົາ ມະຫາຊົນດັ່ງກ່າວ ເຂົ້າເປັນສະມາຊິກພັກສໍາຮອງຈຳນວນ 2 ສະຫາຍ.

ໂອກາດນີ້, ສະຫາຍ ປອ ບຸນມີ ສີລາວົງ, ເລຂາໜ່ວຍພັກ ຫົວໜ້າ ພວຕ ແຂວງຊຽງຂວາງ ໄດ້ ເນັ້ນ ໜັກຕໍ່ສະມາຊິກພັກໃໜ່ ໃຫ້ສຶບຕໍ່ຝຶກຝົນຫຼໍ່ຫຼອມຕົນ, ຊອກຮູ້ ແລະ ຄົ້ນຄວ້າຮໍ່າຮຽນຄວາມຮູ້ທາງດ້ານວິທະຍາ ສາດ ແລະ ເຕັກໂນໂລຊີ, ກຳໄດ້ເລິກເຊິ່ງເອກະສານແນວ ທາງນະໂຍບາຍຂອງພັກ, ມີສະຕິລະວົງຕົວຕໍ່ກົນອຸບາຍທີ່ບໍ່ດີ, ປະກົດການຫໍ້ທໍ້ຕ່າງໆ, ສ້າງຕົນເອງໃຫ້ມີຄວາມ ໜັກແໜ້ນ, ເປັນແບບຢ່າງຮອບດ້ານ ແລະ ປະກອບສ່ວນ ຢ່າງຕັ້ງໜ້າໃນການເຮັດໜ້າທີ່ປ້ອງກັນພັກ.

ທ່ານ ຍັງໄດ້ເນັ້ນໃຫ້ສະມາຊິກພັກທຸກສະຫາຍ ເອົາໃຈໃສ່ຄົ້ນຄວ້າຮໍ່າຮຽນກົດລະບຽບຂອງພັກ, ປະພຶດຕົນໃຫ້ເປັນແບບຢ່າງນຳໜ້າໃຫ້ແກ່ແກ່ມະຫາຊົນ ໃຫ້ ສົມກັບວ່າເປັນສະມາຊິກພັກປະຊາຊົນປະຕິວັດລາວ.

ສະມາຊິກພັກສົມບູນ ແລະ ສໍາຮອງພາຍໃນໜ່ວຍພັກ ພວຕ ຈຳນວນ 13 ສະຫາຍ ເຂົ້າຮ່ວມພິທີຄັ້ງນີ້.

ຂ່າວ ແລະ ພາບ: ພວຕ ແຂວງຊຽງຂວາງ

altaltalt