Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ທ່ານ ຮອງລັດຖະມົນຕີ ກວຕ ໃຫ້ທິດ ຊີ້ນຳວຽກງານ ຢູ່ແຂວງຄຳມ່ວນ

ທ່ານ ຮອງລັດຖະມົນຕີ ກວຕ ໃຫ້ທິດ ຊີ້ນຳວຽກງານ ຢູ່ແຂວງຄຳມ່ວນ

altໃນວັນທີ 25 ມິຖຸນາ 2018, ທ່ານ ບຸນຕີ ທະມິດ, ຮອງລັດຖະມົນຕີກະຊວງ ວິທະຍາສາດ ແລະ ເຕັກໂນ ໂລຊີ

(ກວຕ) ພ້ອມຄະນະ ໄດ້ເຄື່ອນໄຫວຊຸກຍູ້ວຽກງານ ທີ່ແຂວງ ຄຳມ່ວນໂດຍມີທ່ານ ນາງ ໄພບູນ ໄຊຍະກຸມມານ, ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງຄໍາມ່ວນພ້ອມດ້ວຍອ້າຍນ້ອງພາຍໃນພະແນກ ໃຫ້ການຮັບຕ້ອນທ່ານ ຮອງລັດຖະມົນຕີ ແລະ ຄະນະ.

ໂອກາດນີ້, ທ່ານ ຄຳແດງ ສີບຸນເຮືອງ, ຮອງຫົວໜ້າພະແນກ ໄດ້ລາຍງານກ່ຽວກັບສະພາບການເຄື່ອນ ໄຫວຈັດຕັ້ງປະຕິບັດວຽກງານຕໍ່ທ່ານຮອງລັດຖະມົນຕີໄດ້ຮັບຊາບ. ພວຕ ປະກອບມີ 4 ຂະແໜງການ ຄື: ຫ້ອງ ການຈັດຕັ້ງ - ບໍລິຫານ, ຂະແໜງເຕັກໂນໂລຊີ - ນະວັດຕະກຳ, ຂະແໜງເຕັກໂນໂລຊີ- ຂໍ້ມູນຂ່າວສານ, ຂະແໜງ ຊັບສິນທາງປັນຍາ ມາດຕະຖານ ແລະ ວັດແທກ. ການເຄື່ອນໄຫວວຽກງານວິຊາສະເພາະເປັນຕົ້ນ ວຽກງານຊັບ ສິນທາງປັນຍາ, ມາດຕະຖານ ແລະ ວັດແທກ ໄດ້ສົມທົບກັບຫຼາຍພາກສ່ວນ ກວດກາຄຸນນະພາບນ້ຳມັນເຊຶ້ອໄຟ ຕາມປ້ຳ ແລະ ສາງນ້ຳມັນທົ່ວແຂວງໄດ້67 ປ້ຳ 4 ສາງ. ຜ່ານການກວດກາ ສາມາດກວດພົບປ້ຳຈ່າຍນ້ຳມັນເຊຶ້ອໄຟ ທີ່ບໍ່ໄດ້ຄຸນນະພາບ 2 ປ້ຳ; ສົມທົບກັບພາກສ່ວນທີ່ກ່ຽວ ຂ້ອງລົງກວດກາປະເພດສິນຄ້າໝົດອາຍຸ, ສິນຄ້າປອມແປງ ແລະ ສິນຄ້າບໍ່ໄດ້ຄຸນນະພາບຕາມຮ້ານ ແລະ ທ້ອງ ຕະຫຼາດ. ຜ່ານກວດການ ສາມາດພົບ ແລະ ຢຶດສິນຄ້າປະ ເພດເຄື່ອງສຳອາງບໍ່ໄດ້ຄຸນນະພາບຈຳນວນໜຶ່ງ; ລົງກວດສອບມາດຕະຖານຊີງຊັ່ງເອເລັກໂຕນິກ ຕາມໂຮງສີ ເຂົ້າທັນສະໄໝໃນທົ່ວແຂວງ, ກວດສອບບໍລິມາດສຸທິນ້ຳດື່ມ ຕາມໂຮງງານໄດ້ທັງໝົດ53 ຂະໜາດບັນຈຸເທົ່າກັບ100 % ຂອງຈຳນວນໂຮງງານໃນທົ່ວແຂວງ.

ຄະນະກວດກາ ຍັງໄດ້ລົງກວດສອບມານຕະຖານຊິງຊັ່ງຕາມທ້ອງຕະຫຼາດ ແລະ ຮ້ານໄດ້ທັງໝົດ 1825 ໜ່ວຍ, ສາມາດກວດຊິ່ງຊັ່ງທີ່ບໍ່ໄດ້ມາດຕະຖານ41 ໜ່ວຍ.

ໂອກາດທີ່ທ່ານຮອງລັດຖະມົນຕີ ເຄື່ອນໄຫວວຽກຢູ່ທ້ອຖິ່ນຄັ້ງນີ້, ທ່ານ ໄດ້ໃຫ້ທິດຊີ້ນຳໃນການເຄື່ອນໄຫວຈັດຕັ້ງປະຕິບັດວຽກງານ ຂອງອ້າຍນ້ອງພະນັກງານ ໂດຍ ທ່ານ ເນັ້ນໃຫ້ໂຄສະນາເຜີຍແຜ່ນິຕິກຳ ກ່ຽວກັບຂົງເຂດວຽກງານວິທະຍາສາດ ແລະ ເຕັກໂນໂລຊີ ໃຫ້ກວ້າງຂວາງເພຶ່ອໃຫ້ບັນດາຫົວໜ່ວຍທຸລະກິດ, ຜູ້ປະກອບ ການ, ຜູ້ສະໜອງ, ຜູ້ຊົມໃຊ້ໃຫ້ມີຄວາມເຂົ້າໃຈຮັບຮູ້ເລິກເຊິ່ງເຖິງຄວາມສຳຄັນຂອງວຽກງານດັ່ງກ່າວ. ເຮັດໃຫ້ການຊື້ - ຂາຍ, ການອຸປະໂພກ - ບໍລິໂພກແລະການບໍລິ ການທາງດ້ານສິນຄ້າຖືກຕ້ອງຕາມລະບຽບການ.

ຂ່າວ ແລະ ຮູບພາບ: ພອນສະຫວັນ ພົມມະນີ

altaltalt