Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ແຂວງ ອັດຕະປື ສະເຫຼີມສະຫຼອງວັນສິ່ງ ແວດລ້ອມໂລກ

ແຂວງ ອັດຕະປື ສະເຫຼີມສະຫຼອງວັນສິ່ງ ແວດລ້ອມໂລກ

altແຂວງ ອັດຕະປື ຈັດພິທີສະເຫຼີມສະຫຼອງວັນສິ່ງ ແວດລ້ອມໂລກຄົບຮອບ 46 ປີ (ວັນທີ 5 ມິຖຸນາ 1972 ຫາ 5

ມິຖຸນາ 2018) ພາຍໃຕ້ຄຳຂວັນທີ່ວ່າ “ຫຼຸດຜ່ອນປຣາສະຕິກ ຫຼຸດຜ່ອນມົນລະຜິດ”. ພິທີດັ່ງກ່າວໄດ້ຈັດຂຶ້ນ ໃນ ວັນທີ 5 ມິຖຸນາ ທີ່ຜ່ານມານີ້, ທີ່ສະໂມສອນຫ້ອງວ່າການປົກຄອງເມືອງໄຊເສດຖາ.

ໃນໂອກາດກ່າວເປີດພິທີດັ່ງກ່າວ, ທ່ານ ອຸ່ນຫຼ້າ ໄຊຍະສິດ, ຮອງເຈົ້າແຂວງໆອັດຕະປື ໄດ້ກ່າວວ່າ: ການ ຈັດພິທີສະເຫຼີມສະຫຼອງວັນສິ່ງແວດລ້ອມໂລກຂຶ້ນ ກໍເພຶ່ອສ້າງຈິດສຳນຶກໃຫ້ທົ່ວສັງຄົມພາຍໃນ ແຂວງ ອັດຕະປື ເຫັນໄດ້ຄວາມສຳຄັນຂອງບັນຫາສິ່ງແວດລ້ອມ ທີ່ເຫັນວ່ານັບມື້ແມ່ນມີການປ່ຽນແປງໄປໃນທາງລົບ ອັນໄດ້ສ້າງ ຜົນກະທົບຕໍ່ການດຳລົງຊີວິດຂອງຄົນເຮົາໃນແຕ່ລະວັນ, ເປັນຕົ້ນແມ່ນເກີດໄພທຳມະຊາດຕ່າງໆ, ມີໄພແຫ້ງແລ້ງ, ນ້ຳຖ້ວມ ແລະ ອື່ນໆ... ຊຶ່ງສາເຫດດັ່ງກ່າວ ລ້ວນແລ້ວແຕ່ເກີດຈາກການກະທຳຂອງຄົນເຮົາ ເຊັ່ນ: ການຕັດໄມ້ ທຳລາຍປ່າ, ການຂຸດຄົ້ນຊັບພະຍາກອນທຳມະຊາດແບບຊະຊາຍ ລວມທັງການສ້າງສາພັດທະນາ ກໍ່ຄືບັນດາໂຄງ ການລົງທຶນຕ່າງໆທີ່ຂາດການປະເມີນ ຜົນກະທົບຕໍ່ສະພາບສິ່ງແວດລ້ອມ ແລະ ບັນຫາອື່ນໆ.

ການສະເຫຼີມສະຫຼອງວັນສິ່ງແວດລ້ອມໂລກປີນີ້ ແຂວງອັດຕະປືຍັງໄດ້ຈັດກິດຈະກຳການປຸກຕົ້ນໄມ້, ການແຂ່ງຂັນກິລາບານເຕະ ແລະ ກິລາເປຕັງ ເພື່ອໃຫ້ມີ ບັນຍາກາດຝົດຟື້ນ. ໃນພິທີດັ່ງກ່າວ ມີການນຳຂອງແຂວງ, ການນຳຂອງເມືອງ ພ້ອມພະແນການອ້ອມຂ້າງແຂວງ, ອ້ອມຂ້າງເມືອງ ແລະ ພາກສ່ວນທີ່ກ່ຽວ ຂ້ອງເຂົ້າຮ່ວມ ຢ່າງຫຼວງຫຼາຍ, ພະແນກວິທະຍາສາດ ແລະ ເຕັກໂນໂລຊີ ແຂວງ ອັດຕະປື ກໍ່ແມ່ນໜຶ່ງໃນຈຳນວນພະແນກການອ້ອມຂ້າງແຂວງ ທີ່ໄດ້ຮັບກຽດເຊີນເຂົ້າຮ່ວມພິທີສະເຫຼີມ ສະຫຼອງດັ່ງກ່າວ.

ຮູບພາບ ແລະ ຂ່າວ: ສຸກີ່ ໄຊປະເສີດ

altaltalt