Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ລັດຖະມົນຕີ ກວຕ ພ້ອມດ້ວຍຄະນະ ຊຸກຍູ້ວຽກງານຢູ່ ແຂວງ ຫຼວງນ້ຳທາ

ລັດຖະມົນຕີ ກວຕ ພ້ອມດ້ວຍຄະນະ ຊຸກຍູ້ວຽກງານຢູ່ ແຂວງ ຫຼວງນ້ຳທາ

altວັນທີ 7 ມິຖຸນາ ຜ່ານມານີ້, ທ່ານ ບັນດິດ ສຈ ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະ ນະພັກ

ກະຊວງ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະ ໄດ້ລົງຊຸກຍູ້ວຽກງານຢູ່ແຂວງ ຫຼວງນໍ້າທາ ໂດຍໃຫ້ການຕ້ອນຮັບຂອງ ທ່ານ ປອ. ຈັນພິທັກ ກອງຈຳປາ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງຫຼວງນ້ຳທາ ພ້ອມດ້ວຍພະນັກງານພາຍໃນ ພະແນກ.

ໂອກາດນີ້, ທ່ານ ປອ. ຈັນພິທັກ ກອງຈຳປາ ໄດ້ຂຶ້ນຜ່ານການສະຫຼຸບລາຍງານໂດຍຫຍໍ້ ການຈັດຕັ້ງປະ ຕິບັດວຽກງານ ໄລຍະຜ່ານມາ ຕໍ່ຄະນະ ແລະ ໄດ້ມີຜົນງານອັນພົ້ນເດັ່ນດ້ານວິຊາສະເພາະຂອງພະແນກ ເປັນຕົ້ນ ແມ່ນການຈັດຕັ້ງປະຕິບັດວຽກງານມາດຕະຖານ ແລະ ວັດແທກ ໄດ້ສຳເລັດກວດສອບ, ກວດທຽບ ກົງເຕີໄຟ້ຟ້າ ແລະ ກົງເຕີ ນ້ຳປະປາ ຢູ່ເທດສະບານແຂວງ; ກວດສອບ, ກວດທຽບ ແລະ ຂຶ້ນທະບຽນ ປ້ຳຈຳໜ່າຍນ້ຳມັນເຊື້ອ ໄຟ ໄດ້ 43 ປ້ຳ, ມີ 129 ຫົວຈ່າຍ; ກວດສອບ, ກວດທຽບ ແລະ ຂຶ້ນທະບຽນຊິງຊັ່ງ ປະເພດຕ່າງໆ 2.157ໜ່ວຍ, ຊິງຊັ່ງລົດໃຫຍ່ ຈຳນວນ 22 ເຄື່ອງ ແລະ ໄດ້ຕິດຕັ້ງຊິງ ສັ່ງກາງແບບດິຈິຕ໋ອນ ໃສ່ບັນດາຕະຫຼາດຕ່າງຂອງແຂວງ ແລະ ເມືອງໄດ້ທັງໝົດຈຳນວນ 84 ໜ່ວຍ; ນອກນັ້ນ, ວຽກງານຊັບສິນທາງປັນຍາ ໄດ້ຮັບຄຳຮ້ອງຂໍກວດສອບ, ຈົດທະບຽນ ແລະ ໂອນສິດເຄື່ອງໝາຍການຄ້າ ຈຳນວນ 30 ເຄື່ອງໝາຍ, ໄດ້ເອົາໃຈໃສ່ໃນການຕິດຕາມໂຄງການທົດລອງການນຳເອົາວຽກງານວິທະຍາສາດ ແລະ ເຕັກໂນໂລຊີ ຊຸກຍູ້ການຜະລິດສິນຄ້າ ຈຳນວນ 2 ໂຄງການ ທີ່ໄດ້ອະນຸມັດແລ້ວນັ້ນ ແລະ ໄດ້ຮ່ວມມືກັບສະຫະກອນຊິງນົງບໍ່ຫານ ທົດລອງຕົວແບບປູກພືດກະສິກຳ ຕາມຫຼັກ ວິຊາການ ບໍ່ຫານປະເພດຖົ່ວ ໄລຍະ 1 ແລະ ໄລຍະ 2 ຢູ່ເມືອງຫຼວງນ້ຳທາ ແລະ ເມືອງວຽງພູຄາ ສາມາດສົ່ງຜົນຜະລິດໄປ ສປ ຈີນ ໄດ້ 687 ໂຕນ ສ້າງລາຍຮັບ ໃຫ້ປະຊາຊົນໄດ້ຫຼາຍກວ່າ 1,3 ຕື້ກີບ ແລະ ຜົນງານອື່ນໆອີກ ຈຳນວນໜຶ່ງ.

ການລົງມາຊຸກຍູ້ວຽກງານໃນຄັ້ງນີ້ ຍັງໄດ້ມີການແລກປ່ຽນຄວາມຄິດຄວາມເຫັນ, ແລກປ່ຽນບົດຮຽນເຊິ່ງກັນ ແລະ ກັນ ລະຫວ່າງ ຄະນະນໍາຈາກ ກະຊວງ ວິທະຍາສາດ ແລະ ເຕັກໂນໂລຊີ ແລະ ພະແນກ ວຕ ແຂວງ.

ໃນຕອນທ້າຍ ທ່ານລັດຖະມົນຕີ ກວຕ ກໍໄດ້ໃຫ້ກຽດໂອ້ລົມ ແລະ ສະແດງຄວາມຊົມເຊີຍຕໍ່ຜົນສຳເລັດທີ່ພະແນກຍາດມາໄດ້ໃນໄລຍະຜ່ານມາ, ພ້ອມດຽວກັນ ທ່ານຍັງໄດ້ຮຽກຮ້ອງໃຫ້ພະນັກງານພາຍໃນພະແນກຮັກສາມູນເຊື້ອ ສືບຕໍ່ສ້າງຄວາມສາມັກຄີຮັກແພງ ຊ່ວຍເຫຼືອເຊິ່ງກັນ ແລະ ກັນ, ສືບຕໍ່ຍົກລະດັບຄວາມຮູ້ຄວາມສາ ມາດຂອງພະນັກງານ, ຍົກສູງພາລະບົດບາດວຽກງານ ວິທະຍາສາດ ແລະ ເຕັກໂນໂລຊີ ແລະ ນຳໃຊ້ວຽກງານດັ່ງກ່າວ ເປັນເຄື່ອງມືໃນການຈັດຕັ້ງປະຕິບັດສູ່ລວງເລິກ ໃຫ້ຕິດແທດກັບການຜະລິດຕົວຈິງ ຂອງປະຊາຊົນ ໃຫ້ຫຼາຍຂຶ້ນ.

ໃນການລົງຊຸກຍູ້ວຽກງານໃນຄັ້ງນີ້ ທ່ານລັດຖະມົນຕີ ໄດ້ມອບເຄື່ອງຈັກສໍາເນົາເອກະສານ (ຈັກກັອບປີ) ຈໍານວນ1ຊຸດ, ອຸປະກອນຮັບໃຊ້ວຽກງານ ແລະ ມອບເງິນຈຳນວນໜຶ່ງ ລວມມູນຄ່າທັງໝົດ 51 ລ້ານກວ່າກີບ ໃຫ້ແກ່ພະແນກວິທະຍາສາດ ແລະ ເຕັກໂນໂລຊີ ແຂວງ ຫຼວງນໍ້າທານຳອີກ.

ພາບ ແລະ ຂ່າວ: ບຸນທັນ ນັນທະວົງ

altaltaltaltaltaltaltaltalt