Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ກວຕ ຈັດກິດຈະກຳ ເນື່ອງໃນວັນປູກຕົ້ນໄມ້ ແຫ່ງຊາດ ແລະ ວັນເດັກນ້ອຍສາກົນ

ກວຕ ຈັດກິດຈະກຳ ເນື່ອງໃນວັນປູກຕົ້ນໄມ້ ແຫ່ງຊາດ ແລະ ວັນເດັກນ້ອຍສາກົນ

altກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດກິດຈະກຳ ປູກຕົ້ນໄມ້ ເນື່ອງໃນວັນ ປູກຕົ້ນໄມ້ ແຫ່ງຊາດ

ແລະ ວັນເດັກນ້ອຍສາກົນ ໃນຕອນເຊົ້າວັນທີ່ 01 ມິຖຸນາ 2018 ຢູ່ສະຖາບັນຄຸ້ມຄອງວິທະຍາສາດ ແລະ ເຕັກໂນໂລຊີ, ໂດຍໃຫ້ກຽດເຂົ້າຮ່ວມຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີ ກວຕ, ມີບັນດາທ່ານ ຮອງລັດຖະມົນຕີ, ບັນດາທ່ານຫົວໜ້າ, ຮອງຫົວໜ້າ ຫ້ອງການ, ກົມ, ສະຖາບັນ, ແລະ ພະນັກງານພາຍໃນກະຊວງ ເຂົ້າຮ່ວມຢ່າງພ້ອມພຽງ.

ການຈັດກິດຈະກໍາໃນຄັ້ງນີ້ ກໍເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ແລະ ວັນເດັກ ນ້ອຍສາກົນ ແນ່ໃສ່ເພື່ອປົກປັກຮັກສາສິ່ງແວດລ້ອມ, ສ້າງປະເທດລາວໃຫ້ກາຍເປັນພື້ນທີ່ສີຂຽວ ຕາມຍຸດທະ ສາດພັດທະນາປ່າໄມ້ຂອງລັດຖະບານ ກໍຄືຕາມທິດການພັດທະນາສີຂຽວ ແລະ ຍືນຍົງ, ພ້ອມທັງເປັນການປັບ ປຸງທັດສະນີຍະພາບ, ສ້າງສະພາບແວດລ້ອມໃຫ້ສວຍງາມ, ມີຄວາມ ຮົ່ມເຢັນ ແລະ ທັງເປັນການສ້າງໂອກາດທີ່ດີ ໃຫ້ເຍົາວະຊົນທີ່ເປັນໜໍ່ແໜ່ງຂອງປະເທດຊາດ ຮູ້ຮັກ ທຳມະຊາດ ແລະ ປົກປັກຮັກສາສິ່ງແວດລ້ອມ. ສຳລັບ ຕົ້ນໄມ້ທີ່ນຳມາປູກຢູ່ສະຖານທີ່ດັ່ງກ່າວ ປະກອບມີ: ຕົ້ນຄູນ, ຕົ້ນຈຳປາ,ໄມ້ແຕ້ ແລະ ຕົ້ນໄມ້ເນື້ອແຂງຈຳນວນ ໜຶ່ງ.

ໃນວັນດຽວກັນ ກໍໄດ້ມີການຈັດກິດຈະກຳ ແຂ່ງຂັນກິລາ ເປຕັງ ເພື່ອເປັນການສ້າງ ຂະບວນການສະເຫຼີມສະຫຼອງວັນດັ່ງກ່າວໃຫ້ມີບັນຍາກາດຝົດຟື້ນ, ທັງເປັນ ການຮັດແໜ້ນ ຄວາມສາມັກຄີພາຍໃນນຳອີກ.

ຮູບພາບ: ແສງທອງ

ຂ່າວ: ບຸນທັນ ນັນທະວົງ

altaltaltaltaltaltaltalt