Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ກວຕ ຈັດກິດຈະກຳປູກຈິດສຳນຶກດ້ານວິທະ ຍາສາດໃຫ້ນ້ອງນັກຮຽນ

ກວຕ ຈັດກິດຈະກຳປູກຈິດສຳນຶກດ້ານວິທະ ຍາສາດໃຫ້ນ້ອງນັກຮຽນ

altກະຊວງວິທະຍາສາດ ແລະ ເຕັກໂນໂລຊີ (ກວຕ) ຈັດກິດຈະກຳປູກຈິດສຳນຶກໃຫ້ນ້ອງນັກຮຽນ ເນື່ອງໃນ ໂອກາດ

ສະເຫຼີມສະຫຼອງວັນເດັກນ້ອຍສາກົນ 1 ມິຖຸນາ, ວັນປູກຕົ້ນໄມ້ແຫ່ງຊາດ ແລະ ວັນຢຸດຕິ ການໃຊ້ແຮງງານເດັກ 12 ມິຖຸນາ ຂຶ້ນໃນວັນທີ 31 ພຶດສະພາ 2018, ທີ່ສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ, ບ້ານດ່ານຊ່າງ ເມືອງໄຊທານີ, ນະຄອນຫຼວງວຽງຈັນ, ໂດຍການເຂົ້າຮ່ວມຂອງ ທ່ານ ລັດສະໝີ ພັນທະວົງ, ຮັກ ສາການຫົວໜ້າສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ.

ຈຸດປະສົງຂອງການຈັດກິດຈະກຳໃນຄັ້ງນີ້, ກໍເພື່ອໃຫ້ນັອງນັກຮຽນ-ຮຽນຮູ້ ການຄົ້ນຄວ້າ ວິເຄາະ, ວິໄຈ ກ່ຽວກັບການປົກປັກຮັກສາສິ່ງແວດລ້ອມ ລວມທັງສັດນາໆພັນປະເພດຕ່າງໆໃນ ສປປ ລາວ. ກິດຈະກຳ ໃນຄັ້ງນີ້ ນ້ອງນັກຮຽນຍັງໄດ້ຢ້ຽມຊົມສະຖານທີ່ສຳຄັນ ຂອງ ກະຊວງວິທະຍາສາດ ແລະ ເຕັກໂນໂລຊີ ຄື: ຫ້ອງທົດລອງ ສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ; ຫ້ອງທົດລອງຫ້ອງການສະພາວິທະຍາສາດ ແຫ່ງຊາດ; ສູນພິິພິທະພັນວິທະຍາສາດ ແລະ ເຕັກໂນໂລຊີ; ສູນບໍລິການຂໍ້ມູນຂ່າວສານເອເລັກໂຕຣນິກ (Data center); ແລະ ຫ້ອງທົດລອງສະຖາບັນພະລັງງານທົດແທນ ແລະ ວັດສະດຸໃໝ່.

ໃນໂອກາດດຽວກັນນີ້, ທ່ານ ລັດສະໜີ ພັນທະວົງ ໄດ້ກ່າວວ່າ: ເພື່ອເປັນການສະເຫຼີມສະຫຼອງວັນເດັກນ້ອຍ ສາກົນ ແລະ ວັນປູກຕົ້ນໄມ້ແຫ່ງຊາດ, ກວຕ ຈຶ່ງໄດ້ຈັດກິດຈະກຳປູກຈິດສຳນຶກສົ່ງເສີມສິດທິເດັກ, ເພື່ອໃຫ້ເດັກ ຮຽນຮູ້ນຳໃຊ້ເຕັກໂນໂລຊີແບບໃໝ່ໆ, ຮຽນຮູ້ອຸປະກອບການວັດແທກ, ຄົ້ນຄວ້າ, ວິເຄາະ, ວິໄຈ ຈາກນັກວິຊາການ ເພື່ອໃຫ້ນ້ອງນັກຮຽນໄດ້ເຂົ້າໃຈວຽກງານວິຊາສະເພາະດ້ານນີ້ອີກຕື່ມ. ພ້ອມນັ້ນ, ຍັງໃຫ້ພວກເຂົາເຈົ້າໄດ້ຮຽນຮູ້ ກ່ຽວກັບ ວຽກງານວິທະຍາສາດ ແລະ ເຕັກໂນໂລຊີ ການສຶກສາຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າມາໝູນໃຊ້ໃນຊີວິດປະຈໍາວັນອີກດ້ວຍ.

ໃນການຢ້ຽມຊົມສະຖານທີຕ່າງໆ ນ້ອງໆນັກຮຽນຍັງໄດ້ຮັບຟັງການບັນຍາຍຈາກວິທະຍາກອນທີ່ກ່ຽວຂ້ອງ ໃນແຕ່ລະສະຖານທີ່ດ້ວຍບັນຍາການຝົດຟື້ນ. ພາຍໃນກິດຈະກຳໃນຄັ້ງນີ້, ຍັງມີການມອບຂອງຂວັນໃຫ້ນ້ອງນັກຮຽນ ອີກດ້ວຍ. ເຂົ້າຮ່ວມກິດຈະກໍາດັ່ງກ່າວ ມີບັນດາພະນັກງານ ກວຕ, ຄູອາຈານ ແລະ ນ້ອງໆນັກ ຮຽນ ມາຈາກໂຮງຮຽນ ມັດທະຍົມສົມບູນ ມິດຕະພາບ ລາວ-ຫວຽດນາມ ຈຳນວນ 30 ກວ່າຄົນ.

ບົດຂ່າວ: ທັດສະນີ ພົງບັນດິດ

ຮູບພາບ: ພະແນກຂ່າວສານ ແລະ ປະຊໍາພັນ

altaltaltalt