Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ລັດຖະມົນຕີ ກວຕ ຕ້ອນຮັບການເຂົ້າຢ້ຽມ ຂໍ່ານັບຂອງ ເອກອັກຄະລັດຖະທູດ ແຫ່ງຣາຊະ ອານາຈັກໄທ ຄົນໃໝ່ ປະຈຳ ສປປ ລາວ

ລັດຖະມົນຕີ ກວຕ ຕ້ອນຮັບການເຂົ້າຢ້ຽມ ຂໍ່ານັບຂອງ ເອກອັກຄະລັດຖະທູດ ແຫ່ງຣາຊະ ອານາຈັກໄທ ຄົນໃໝ່ ປະຈຳ ສປປ ລາວ

altທ່ານ ບັນດີດ ສຈ. ບໍ່ວຽງຄຳ ວົງດາລາ, ກໍາມະ ການສູນກາງພັກ, ລັດຖະມົນຕີ ກະຊວງວິທະຍາສາດ ແລະ

ເຕັກໂນໂລຊີ (ກວຕ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ກຽດຕິຄູນ ຊາດປະເສີດ, ເອກອັກຄະລັດຖະ ທູດ ແຫ່ງ ຣາຊະອານາ ຈັກໄທ ປະຈຳ ສປປ ລາວ ໃນຕອນບ່າຍຂອງວັນທີ 06 ມິຖຸນາ 2018, ທີ່ຫ້ອງຮັບແຂກ ກວຕ.

ໂອກາດດັ່ງກ່າວ, ທ່ານ ບັນດີດ ສຈ. ບໍ່ວຽງຄຳ ວົງດາລາ ໄດ້ກ່າວສະແດງຄວາມຍິນດີຕ້ອນຮັບ ແລະ ເປັນກຽດໃນການຕ້ອນຮັບການຢ້ຽມຂໍ່ານັບຂອງ ທ່ານເອກອັກຄະລັດຖະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ ເນື່ອງໃນໂອກາດມາດໍາລົງຕໍາແໜ່ງໃໝ່. ທ່ານ ຍັງກ່າວເຖິງສະພາບການຮ່ວມມືໃນໄລຍະຜ່ານມາ ລະຫວ່າງ ສອງຝ່າຍ ສປປ ລາວ ແລະ ຣາຊະອານາຈັນໄທ ເປັນບ້ານໃກ້ເຮືອນຄຽງທີ່ມີສາຍສໍາພັນກັນມາຍາວ ນານ, ໃນໄລຍະຜ່ານມາສອງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ແລະ ຣາຊະອານາຈັກໄທ ແມ່ນໄດ້ ມີການພົບປະ ແລະ ຮ່ວມມືກັນໃນຫຼາຍດ້ານ ເຊັ່ນ: ການຈັດກອງປະຊຸມພົບປະ ລະຫວ່າງ ສອງກະຊວງ ວິທະຍາສາດ ແລະ ເຕັກໂນໂລຊີ ສປປ ລາວ ແລະ ຣາຊະອານາຈັກໄທ, ໄດ້ມີການສົ່ງຄະນະວິຊາການພົບປະແລກ ປ່ຽນບົດຮຽນນໍາກັນ, ການສຶກສາຄົ້ນຄວ້າ ແລະ ກໍ່ສ້າງຍົກລະດັບວິຊາສະເພາະໃຫ້ແກ່ວິຊາການຈໍານວນໜຶ່ງ. ພ້ອມດຽວກັນນັ້ນ, ທ່ານຍັງກ່າວສະເໜີຕໍ່ ທ່ານເອກອັກ ຄະລັດຖະທູດ ໃນການສືບຕໍ່ຮັກສາມູນເຊື້ອ ແລະ ໃຫ້ການຊ່ວຍເຫຼືອໃນການປະສານການພົວພັນຮ່ວມມືໃນຂົງເຂດ ວຽກງານວິທະຍາສາດ ແລະ ເຕັກໂນໂລຊີ ລະຫວ່າງ ສປປ ລາວ ແລະ ຣາຊະອານາຈັກໄທໃນຕໍ່ໜ້າ.

ໂອກາດດຽວກັນນີ້, ທ່ານ ກຽດຕິຄູນ ຊາດປະເສີດ, ເອກອັກຄະລັດຖະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ ຍັງໄດ້ກ່າວສະແດງຄວາມຍິນດີຢ່າງ ຍິງທີ່ຈະຮ່ວມມືການປະສານງານຕໍ່ຄວາມສຳພັນ ແລະ ການຮ່ວມມືໃນຂົງເຂດວຽກງານ ວິທະຍາສາດ ແລະ ເຕັກໂນໂລຊີ ລະຫວ່າງສອງຝ່າຍໃຫ້ນັບມື້ນັບຫຼາຍຂຶ້ນ.


ຂ່າວໂດຍ: ແສງທອງ ວັນນະທໍາ

ຮູບພາບ: ບາລະຄອນ ສຸວັນນະພາສີ

altalt