Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ລາວ-ຈີນ ເພີ່ມທະວີການຮ່ວມມືໃນຂົງເຂດ ວິທະຍາສາດ ແລະ ເຕັກໂນໂລຊີ

ລາວ-ຈີນ ເພີ່ມທະວີການຮ່ວມມືໃນຂົງເຂດ ວິທະຍາສາດ ແລະ ເຕັກໂນໂລຊີ

altໂດຍອີງຕາມການເຊື້ອເຊີນຂອງ ທ່ານ ລີຕານນິງ, ຮອງປະທານສະພາບັນດິດວິທະຍາສາດ ແຂວງກຸຍໂຈ, ສປ

ຈີນ, ຄະນະຜູ້ແທນ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ໄດ້ເດີນທາງຢ້ຽມຢາມ ແລະ ເຮັດວຽກ ຢູ່ແຂວງກຸຍໂຈ, ສປ ຈີນ ໃນລະຫວ່າງວັນທີ 24-28 ພຶດສະພາທີ່ຜ່ານມາ, ຊຶ່ງນໍາໂດຍ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ປະທານສະພາວິທະຍາສາດແຫ່ງຊາດ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລ ຊີ ສປປ ລາວ ພ້ອມດ້ວຍຄະນະ.

ໃນໂອກາດຢ້ຽມຢາມ ແລະ ເຮັດວຽກຢູ່ສ ປ ຈີນ ໃນຄັ້ງນີ້, ຄະນະຜູ້ແທນ ກະຊວງວິທະຍາສາດ ແລະ ເຕັກໂນໂລ ຊີ ສປປ ລາວ ຍັງໄດ້ເຂົ້າຮ່ວມພິທີເປີດງານວາງສະແດງ Big Data Expo 2018 ທີ່ເມືອງກຸຍຢາງ, ແຂວງກຸຍໂຈ, ສປ ຈີນ. ພ້ອມນັ້ນ, ຄະນະຍັງໄດ້ເຂົ້າຮ່ວມກອງປະຊຸມພົບປະສອງຝ່າຍ ລະຫວ່າງ ກະຊວງວິທະ ຍາສາດ ແລະ ເຕັກໂນໂລຊີ ສປປ ລາວ ແລະ ສະພາບັນດິດວິທະຍາສາດ ແຂວງກຸຍໂຈ ຊຶ່ງເປັນບາດກ້າວ ທໍາອິດທີ່ສໍາຄັນໃນການ ຊຸກຍູ້ວຽກງານການຮ່ວມມືດ້ານ ການນໍາໃຊ້ ແລະ ພັດທະນາລະບົບ Cloud ຢູ່ສປປ ລາວ ຊຶ່ງໄດ້ລົງນາມຮ່ວມກັນ ລະຫວ່າງ ກົມແຜນການ ແລະ ຮ່ວມມື (ລົງນາມຕາງໜ້າ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ) ແລະ ສະພາບັນດິດວິທະຍສາດ ແຂວງກຸຍໂຈ, ສປ ຈີນ.

ນອກນັ້ນ, ຄະນະຜູ້ແທນຈາກ ສປປ ລາວ ຍັງໄດ້ເຂົ້າຮ່ວມ ກອງປະຊຸມພົບປະກັບ ມະຫາວິທະຍາໄລແພດ ສາດ ກຸຍໂຈ ເພື່ອຢ້ຽມຊົມ ແລະ ປຶກສາຫາລືກັນ ກ່ຽວກັບຂໍ້ລິເລີ່ມ ການຮ່ວມມືຂອງສອງຝ່າຍ ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ ສປປ ລາວ ກັບມະຫາວິທະຍາໄລ ດັ່ງກ່າວ ໃນການຊ່ວຍຍົກລະດັບ ແລະ ພັດທະນາທາງດ້ານຊັບພະຍາກອນມະນຸດ ໃຫ້ແກ່ຂະແໜງວິທະຍາສາດ ແລະ ເຕັກໂນໂລຊີ ຂອງ ສປປ ລາວ. ທັງເປັນການປະຕິບັດຕາມຄວາມປະສົງຂອງ ການນໍາສອງ ພັກ-ສອງລັດ ທີ່ຈະຮ່ວມມືກັນບົນພື້ນຖານ 4 ດີຄື: ຄູ່ຮ່ວມ ມືທີ່ດີ, ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ ແລະ ສະຫາຍທີ່ດີ.

ແຫຼ່ງຂໍ້ມູນ: ຄະນະກອງເລຂາ