Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກະຊວງວິທະຍາສາດ ແລະ ເຕັກໂນໂລຊີ ຈັດປາຖະກະຖາ 2 ວັນປະຫວັດສາດ

ກະຊວງວິທະຍາສາດ ແລະ ເຕັກໂນໂລຊີ ຈັດປາຖະກະຖາ 2 ວັນປະຫວັດສາດ

altເພື່ອເປັນການທົບທວນຄືນ 2 ວັນປະຫວັດສາດ ທີ່ສໍາຄັນຂອງຊາດ ໃຫ້ແກ່ອ້າຍນ້ອງພະນັກງານພາຍໃນ ກະຊວງ

ວິທະຍາສາດ ແລະ ເຕັກໂນໂລຊີ ໄດ້ເຊື່ອມຊຶມ ແລະ ກໍາໄດ້ເຖິງສະພາບການຂອງການປະຕິວັດໃນເມື່ອກ່ອນ ໂດຍສະເພາະ ແມ່ນການຜ່າວົງປິດລ້ອມຂອງກອງພັນທີ 2 ແລະ ການໂຕນຄຸກຢ່າງມະຫັດສະຈັນຂອງບັນດາຜູ້ ນໍາພັກ ທັງເຫັນໄດ້ເຖິງຄວາມເສຍສະຫຼະ ໂດຍພາຍໃຕ້ການນໍາພາອັນສະຫຼາດສ່ອງໃສຂອງບັນດາທ່ານຜູ້ນໍາ ກໍຄື ນັກປະຕິວັດໃນຮຸ່ນກ່ອນ.

ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດປາຖະກະຖາ 2 ວັນປະຫວັດສາດ ຄື:ວັນຜ່າວົງປິດ ລ້ອມຂອງກອງພັນທີ 2 ວິລະຊົນ ຄົບຮອບ 59 ປີ (18 ພຶດສະພາ 1959-18 ພຶດສະພາ 2018) ແລະ ວິລະກໍາ ໂຕນຄຸກຢ່າງມະຫັດສະຈັນ ຂອງບັນດາຜູ້ນໍາພັກ ຄົບຮອບ 58 ປີ (24 ພຶດສະພາ 1960-24 ພຶດສະພາ 2018) ໃນວັນທີ 18 ພຶດສະພາ ຜ່ານມາ, ໂດຍໃຫ້ກຽດເຜີຍແຜ່ຂອງ ທ່ານ ພົ.ຈ ອ່ອນຈັນ ເພັດຊະລາດ, ພະນັກງານປະ ຕິວັດອາວຸໂສບຳນານ, ອາດີດຫົວໜ້າໄອຍະສານທະຫານສູງສຸດ, ກະຊວງປ້ອງກັນປະເທດ, ມີບັນດາຄະນະພັກ -ຄະນະນຳກະຊວງ ແລະ ພະນັກງານລັດຖະກອນ ພາຍໃນກະຊວງເຂົ້າຮ່ວມ 150 ກວ່າຄົນ.

ໂອກາດນີ້, ທ່ານ ພົ.ຈ ອ່ອນຈັນ ເພັດຊະລາດໄດ້ຍົກໃຫ້ເຫັນຄວາມໝາຍສຳຄັນກ່ຽວກັບປະຫວັດຄວາມເປັນມາ ການຜ່າວົງປິດລ້ອມຂອງກອງພັນທີ 2 ຊຶ່ງໄດ້ສ່ອງແສງໃຫ້ເຫັນວ່າ ການນຳພາຂອງພັກ ຖືກຕ້ອງສະຫລາດສ່ອງໃສ ຂະບວນການຕໍ່ສູ້ຂອງພວກເຮົາແມ່ນເປັນທຳ, ແມ່ນໄຊຊະນະອັນໃຫຍ່ຫຼວງ ຂອງກຳລັງ ປະກອບອາວຸດເຮົາທີ່ຢູ່ໃຕ້ການນຳພາຂອງພັກ, ເປັນເຫດການປະຫວັດສາດອັນສຳຄັນຂອງຊາດຂອງພັກ, ຂອງກອງທັບເຮົາ ແລະ ເປັນບົດຮຽນອັນລໍ້າຄ່າທີ່ສຸດ ໃຫ້ແກ່ ຂະບວນການຕໍ່ສູ້ ຂອງກອງທັບແລະ ປະຊາຊົນເຮົາຍາດເອົາໄຊຊະນະໃນໄລຍະຕໍ່ມາ, ກອງພັນທີ 2 ໄດ້ເສີມຂະຫຍາຍມູນເຊື້ອຕໍ່ສູ້ບໍ່ຍອມຈຳນົນຂອງບັນພະບູລຸດ ແລະ ປະຊາຊົນລາວຜູ້ຮັກຊາດ, ມີຄວາມບໍລິສຸດຜຸດຜ່ອງ, ຄວາມຈົງຮັກພັກດີແລະ ຄວາມສາມັກຄີເປັນຈິດໜຶ່ງໃຈດຽວ.

ພ້ອມນີ້ ທ່ານຍັງໄດ້ຍົກໃຫ້ເຫັນເຖິງສາເຫດການໂຕນຄຸກຢ່າງມະຫັດສະຈັນ ຂອງບັນດາຜູ້ນໍາໄປສູ່ຖານທີ່ໝັ້ນປະຕິວັດຢ່າງປອດໄພ ຍ້ອນການນຳພາອັນສະ ຫຼາດສ່ອງໃສ ແລະ ປີຊາສາມາດຂອງປະທານໄກສອນ ພົມວິຫານແລະ ສູນກາງພັກ, ຍ້ອນນໍ້າໃຈຮັກຊາດອັນແຮງກ້າຂອງບັນດາຜູ້ນຳເຮົາ ທີ່ມີຄວາມກ້າຫານ, ຕັດສິນໃຈ ຕໍ່ສູ້ຍອມເສຍສະຫຼະມີຄວາມປີຊາສາມາດຂົນຂວາຍ, ສຶກສາອົບຮົມສາລະວັດທະຫານ, ເຮັດໃຫ້ສັດຕູກາຍເປັນມິດສະຫາຍຮ່ວມຕາຍນຳກັນ.

ບົດຂ່າວ: ບຸນທັນ ນັນທະວົງ

altaltalt