Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ອົບຮົມການຕ້ານອາຊະຍາກຳຜ່ານອິນເຕີເນັດ ສຳລັບ ສປປ ລາວ

ອົບຮົມການຕ້ານອາຊະຍາກຳຜ່ານອິນເຕີເນັດ ສຳລັບ ສປປ ລາວ

 

155ເພື່ອເປັນການຊຸກຍູ້ແລກປ່ຽນ ແລະ ການຮ່ວມມື ກັບອົງການຈັດຕັ້ງປະຕິບັດກົດໝາຍຂອງ ສປປ ລາວ ໃນການ

ຈັດຕັ້ງປະຕິບັດກົດໝາຍ ອາຊະຍາກຳຜ່ານອິນເຕີເນັດ ໂດຍອິງຕາມແຜນການໂຄງການຊ່ວຍເຫຼືອລ້າຂອງຕ່າງ ປະເທດຂອງກະຊວງການຄ້າ, ສປ ຈີນ ປະຈຳປີ 2018, ໃນວັນທີ 14 ພຶດສະພາ 2018 ທີ່ຜ່ານມາຢູ່ທີ່ ມະຫາວິ ທະຍາໄລປ້ອງກັນຄວາມສະຫງົບປະຊາຊົນຈີນ, ສປ ຈີນ ໄດ້ເປີດຊຸດຝຶກອົບຮົມກ່ຽວກັບການຕ້ານອັດຊະຍາກຳ ຜ່ານອິນເຕີເນັດ ສຳລັບ ສປປ ລາວໂດຍເປັນກຽດເຂົ້າຮ່ວມຂອງທ່ານ ຊາວ ຊື່ ຈວນ, ຮອງເລຂາທິການອົງຄະ ນະພັກມະຫາວິທະຍາໄລ, ອະທິການບໍດີມະຫາວິທະຍາໄລປ້ອງກັນຄວາມສະຫງົບປະຊາຊົນຈີນ, ມີນັກສຳມະນາ ກອນຈາກກະປ້ອງກັນຄວາມສະຫງົບ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ແລະ ກະຊວງ ວິທະຍາສາດ ແລະ ເຕັກໂນໂລຊີ ສປປ ລາວ ຈຳນວນ 24 ຄົນເຂົ້າຮ່ວມ.

 

ການຝຶກອົບຮົມໃນຄັ້ງນີ້ ແມ່ນຈັດຕັ້ງປະຕິບັດໂດຍສະຖາບັນເຕັກນິກຂໍ້ມູນຂ່າວສານ ແລະ ຄວາມປອດໄພທາງອິນເຕີເນັດຂອງມະຫາໄລປ້ອງກັນຄວາມ ສະຫງົບປະຊາຊົນຈີນ ໂດຍພາຍໃຕ້ການຊີ້ນຳນຳພາຈາການພົບປະກັນລະຫວ່າງກະຊວງປ້ອງກັນຄວາມສະຫງົບຂອງ ສປປລາວ ແລະ ສປ ຈີນໃນໄລຍະຜ່ານມາ, ທັງເປັນ ການເພີ່ມທະວີຕ້ານອາຊະຍາກຳຕົວະຍົວະ, ຫຼອກລວງ ຜ່ານໂທລະຄົມມະນາຄົມ ແລະອິນເຕີເນັດ ອັນກໍ່ໃຫ້ເກີດຜົນເສຍຫາຍຢ່າງຫຼວງຫຼາຍ.ຊຸດຝຶກອົບຮົມຈະໄດ້ລົງເລິກ ຫຼັກສູດວິຊາສະເພາະ, ທັງຈະໄດ້ແລກປ່ຽນຄຳຄິດຄຳເຫັນ, ແລກປ່ຽນການທັດສະນະສຶກສາ ດ້ານວັດທະນາທຳ ລະຫວ່າງ ສປປ ລາວ ແລະ ສປ ຈີນ, ພ້ອມກັນນັ້ນ ຍັງຈະ ໄດ້ລົງພາກສະໜາມຕົວຈິງເຖິງສະພາບການຈັດຕັ້ງປະຕິບັດສະພາບຕົວຂອງປະເທດຈີນ, ການຈັດຕັ້ງປະຕິບັດໜ້າທີ່ຂອງຕຳຫຼວດ ກັບປະຊາຊົນຈີນ ນຳອີກ.

 

ທ່ານ ນາງ ຊີ ເຢັ້ນ ລີ້, ກຳມະການອົງຄະນະພັກມະຫາວິທະຍາໄລ, ຮອງອະທິການບໍດີກ່າວວ່າ: ໃນຊຸມປີທີຜ່ານມາ, ສາຍພົວພັນສອງຊາດ ລາວ-ຈີນ ໄດ້ມີການ ຂະຫຍາຍຕົວຢ່າງເປັນໄປດ້ວຍດີ, ການຮ່ວມມືສອງຝ່າຍໄດ້ສືບຕໍ່ຈັດຕັ້ງລົງເລິກຫຼາຍຂຶ້ນເປັນຕົ້ນແມ່ນ ການຮ່ວມມືດ້ານການປ້ອງກັນຄວາມສະຫງົບຕາມຊາຍແດນ, ການ ຈັດຕັ້ງປະຕິບັດກົດໝາຍຕາມລ້ອງແມ່ນ້ຳຂອງ ແລະ ອຶ່ນໆ, ໃນການຈັດຊຸດຝຶກອົບຮົມໃນຄັ້ງນີ້ກໍ່ແມ່ນການປະກອບສ່ວນເຂົ້າ ໃນການເພີ່ມທະວີການຮ່ວມມືສອງ ຝ່າຍ ແລະ ທັງເປັນພື້ນຖານອັນໜັກແໜ້ນໃນການຊຸກຍູ້ການຈັດຕັ້ງປະຕິບັດໃນການປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ.


157

156