Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ຍ່າງເພື່ອສຸຂະພາບ ເນື່ອງໂອກາດວັນສະເຫຼີມ ສະຫຼອງວັນຊັບສິນທາງປັນຍາ ໂລກຄົບຮອບ 18 ປີ

ຍ່າງເພື່ອສຸຂະພາບ ເນື່ອງໂອກາດວັນສະເຫຼີມ ສະຫຼອງວັນຊັບສິນທາງປັນຍາ ໂລກຄົບຮອບ 18 ປີ

altວັນທີ 26 ເມສາ 2018, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຮ່ວມກັບ ສູນກາງສະຫະພັນ ແມ່ຍິງ

ລາວ ຈັດກິດຈະກຳຍ່າງເພື່ອສຸຂະພາບ ເນື່ອງໃນໂອກາດ ສະເຫຼີມສະຫຼອງວັນຊັບສິນທາງປັນຍາໂລກ 26 ເມສາ ຄົບຮອບ 18 ປີ (26/4/2000-26/4/2018) ພາຍໃຕ້ຄຳຂວັນທີ່ອົງການຊັບສິນທາງປັນຍາໂລກວາງອອກວ່າ: “ແມ່ຍິງ ສ້າງນະວັດຕະກຳ ແລະ ປະດິດຄິດແຕ່ງ ເປັນພະລັງແຫ່ງການປ່ຽນແປງ” ຂຶ້ນທີ່ສວນປະຕູໄຊ, ນະຄອນ ຫຼວງ ວຽງຈັນ.

ໃຫ້ກຽດເຂົ້າຮ່ວມການຍ່າງເພື່ອສຸຂະພາບຄັ້ງນີ້ ມີທ່ານ ໄຊສົມພອນ ພົມວິຫານ, ປະທານສູນກາງແນວ ລາວສ້າງຊາດ; ທ່ານ ຈັນສະໝອນ ຈັນຍາລາດ, ລັດຖະມົນຕີ ກະຊວງປ້ອງກັນປະເທດ; ທ່ານ ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາ ກົນປະຈໍາ ສປປ ລາວ.

ທ່ານ ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ກ່າວໃນໂອກາດເປີດພິທີການຍ່າງເພື່ອສຸຂະພາບຄັ້ງນີ້ວ່າ: ປັດຈຸບັນ, ແມ່ຍິງທີ່ເປັນກໍາລັງຂັບເຄື່ອນໃຫ້ແກ່ການປ່ຽນແປງໃໝ່ ໄດ້ສ້າງຜົນງານອັນໂດດເດັ່ນຕ່າງໆ ໃນຂົງເຂດ ວິທະຍາສາດ ແລະ ເຕັກໂນໂລຊີ, ທຸລະກິດ, ສິລະປະກໍາ, ວັດທະ ນະທໍາ, ການເມືອງ ແລະ ສັງຄົມ ບໍ່ສະເພາະແຕ່ ຢູ່ ສປປ ລາວ ແຕ່ໃນລະດັບສາກົນອີກດ້ວຍ.

ສູນກາງສະຫະພັນແມ່ຍິງລາວ ໄດ້ຈັດກິດຈະກຳການເຄື່ອນໄຫວ, ຊີ້ນໍາ-ນໍາພາ ປຸກລະດົມຂະບວນການ ຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນແມ່ ຍິງລາວ ທົ່ວປະເທດຄັ້ງທີ VII ຢ່າງເປັນຂະບວນຟົດຟື້ນ ເຮັດໃຫ້ ແມ່ຍິງລາວສາມາດ ສ້າງນະວັດຕະກຳ ແລະ ປະດິດຄິດແຕ່ງ ແລະ ກາຍເປັນພະລັງແຫ່ງການປ່ຽນແປງ ໃໝ່ຮອບດ້ານຂອງປະເທດ.” ການປົກປ້ອງຊັບສິນທາງປັນຍາຂອງແມ່ຍິງລາວ ກໍຍັງມີສິ່ງທ້າທາຍບໍ່ໜ້ອຍ. ສະນັ້ນ, ເພື່ອສົ່ງເສີມແມ່ຍິງລາວໃນການເຄື່ອນໄຫວຄົ້ນຄວ້າ ວິທະຍາສາດ ແລະ ເຕັກໂນໂລຊີ, ປະດິດຄິດແຕ່ງ, ອຸທິດມັນສະໝອງ, ສະຕິປັນຍາປະກອບສ່ວນຊຸກຍູ້, ສົ່ງເສີມການຜະລິດເປັນສິນຄ້າຕິດພັນກັບການແກ້ໄຂຄວາມ ທຸກຍາກ ແລະ ເສີມສ້າງຊັບສິນທາງປັນຍາ, ພັດທະນາເສດຖະກິດ-ສັງຄົມ ແລະ ວັດທະນະທຳແບບຍືນຍົງ.

ກວຕ ໄດ້ຮ່ວມກັບສະຫະພັນແມ່ຍິງ ຈັດສຳມະນາສ້າງຄວາມເຂົ້າໃຈກ່ຽວກັບຊັບສິນທາງປັນຍາ ໃຫ້ກັບແມ່ຍິງ ແລະ ຈະສືບຕໍ່ຮ່ວມມື ສົ່ງເສີມສ້າງຄວາມເຂົ້າ ໃຈກ່ຽວກັບຊັບສິນທາງປັນຍາ ໃຫ້ເປັນບາດກ້າວໜຶ່ງຂອງການພັດທະນາການເປັນຢູ່ທີ່ດີຂອງແມ່ຍິງ.

ທ່ານລັດຖະມົນຕີ ໄດ້ຮຽກຮ້ອງມາຍັງ ບັນດານັກຄົ້ນຄວ້າວິທະຍາສາດ, ນັກປະດິດສ້າງ, ນັກປະດິດແຕ່ງ, ນັກຮຽນຮູ້ປັນຍາຊົນເພດຍິງ ແລະ ທຸກຊັ້ນຄົນພາຍ ໃນປະເທດເຮົາ ຈົ່ງໄດ້ສຸມສະຕິປັນຍາ ເຂົ້າໃນການນຳໃຊ້ ແລະ ພັດທະນາ ຊັບສິນທາງປັນຍາ ໃຫ້ກ້າວຂຶ້ນຢ່າງບໍ່ຢຸດຢັ້ງ ເພື່ອຊຸກຍູ້ສົ່ງເສີມການຜະລິດເປັນສິນຄ້າ, ສ້າງເສດ ຖະກິດພູມປັນຍາ ແລະ ສ້າງເງື່ອນໄຂໃນການຫັນປະເທດເປັນອຸດສາຫະກຳແລະ ທັນສະໄໝຕາມມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາເສດຖະ ກິດ-ສັງຄົມ 5 ປີ ຄັ້ງທີ VIII ທີ່ພັກ ແລະ ລັດວາງອອກ, ຊຸກຍູ້ ແລະ ສົ່ງເສີມຊັບສິນທາງປັນຍາເພື່ອພັດທະນາເສດຖະກິດ-ສັງຄົມ ຂອງປະເທດໃຫ້ຂະຫຍາຍຕົວແບບ ຍືນຍົງຢ່າງໜັກແໜ້ນ.

ໂອກາດດຽວກັນນີ້, ທ່ານ ຟຼານຊິດສ ກູຣີ, ຜູ້ອຳນວຍການໃຫຍ່ຂອງອົງການອົງການຊັບສິນທາງປັນຍາໂລກ ໄດ້ສົ່ງສານ ເຖິງ ສປປ ລາວ ທີ່ພວມສະເຫຼີມສະ ຫຼອງວັນຊັບສິນທາງປັນຍາໂລກປີນີ້ວ່າ: ຫົວຂໍ້ໃນປີນີ້ເປັນເລື່ອງທີ່ສຳຄັນທີ່ສຸດ. ສະນັ້ນ, ມື້ນີ້ຈຶ່ງໄດ້ມາເຕົ້າໂຮມກັນເພື່ອສະເຫຼີມສະຫຼອງ ຄວາມສະຫຼຽວສະຫຼາດ ແລະ ຜົນສຳເລັດຂອງແມ່ຍິງທີ່ເປັນນັກປະດິດສ້າງ ແລະ ປະດິດຄິດແຕ່ງ ໃນທົ່ວໂລກ. ອີງຕາມສະຖິຕິທີ່ມີຢູ່ໃນປັດຈຸບັນ ໄດ້ຊີ້ໃຫ້ເຫັນວ່າ ລະດັບການມີສ່ວນຮ່ວມ ຂອງແມ່ຍິງ ໃນການສ້າງນະວັດຕະກຳ ແລະ ປະດິດຄິດແຕ່ງ ຍັງຢູ່ໃນລະດັບຕໍ່າຊຶ່ງສິ່ງນີ້ ແມ່ນບໍ່ເປັນ ທຳຕໍ່ແມ່ຍິງ ແລະ ສ້າງຄວາມຂາດດຸນໃຫ້ແກ່ໂລກ. ສະນັ້ນ, ມີຄວາມຈໍາເປັນ ຕ້ອງມີຄະນະປະຕິບັດງານສະເພາະ ເພື່ອເຮັດໜ້າທີ່ໃນການແກ້ໄຂ ສິ່ງທ້າທາຍຕ່າງໆ ທີ່ກຳລັງປະເຊີນໜ້າຢູ່ໃນປັດຈຸບັນ.

ທ່ານ ກ່າວວ່າ: ໃນກໍລະນີຂອງນະວັດຕະກຳ, ຖ້າເຮົາເອົາຕົວຢ່າງຂອງການນໍາໃຊ້ສົນທິສັນຍາວ່າດ້ວຍການຮ່ວມມືສິດທິບັດ ຂອງອົງການຊັບສິນທາງປັນຍາໂລກ ໃນປີ 1995 ຈະເຫັນໄດ້ວ່າ ມີພຽງແຕ່ 17% ຂອງຄໍາຮ້ອງຂໍຮັບສິດທິ ບັດຂອງສາກົນ ທີິ່ໄດ້ຍື່ນຜ່ານລະບົບ ດັ່ງກ່າວ ເປັນຜົນງານການປະດິດສ້າງຂອງແມ່ຍິງ ຈາກນັກ ປະດິດສ້າງທັງໝົດ ຂອງໂລກ. ປັດຈຸບັນ ມີໜຶ່ງສ່ວນສາມຂອງຄຳຮ້ອງຂໍຮັບສິດທິບັດທັງໝົດ ຂອງສາກົນ ທີ່ປະກອບມີຢ່າງໜ້ອຍສຸດແມ່ນແມ່ຍິງໜຶ່ງຄົນທີ່ເປັນນັກ ປະດິດສ້າງຜົນງານ ໄດ້ເຂົ້າຮ່ວມສ້າງສັນຜົນງານນຳ. ຕົວເລກດັ່ງກ່າວ ຍັງຖືວ່າຕໍ່າກວ່າລະດັບດຸນດ່ຽງທີ່ປະສົງຢາກໃຫ້ເປັນ.

ຊັບສິນທາງປັນຍາ ເກີດຂຶ້ນກໍເພື່ອສົ່ງເສີມນະວັດຕະກຳ ແລະ ການປະດິດຄິດແຕ່ງ ທີ່ກະຕຸກຊຸກຍູ້ໃຫ້ມີການ ພັດທະນາທາງດ້ານຄຸນນະພາບຂອງຊີວິດ, ສົ່ງເສີມໃຫ້ເສດຖະກິດຂະຫຍາຍຕົວ ແລະ ແກ້ໄຂສິ່ງທ້າທາຍຕ່າງໆ ທີ່ກຳລັງປະສົບພົບພໍ້ ເຊັ່ນ: ບັນຫາໂລກຮ້ອນ, ພະລັງງານສະອາດ, ສະຖຽນລະພາບຂອງ ອາຫານ ແລະ ສຸຂະພາບ ເປັນຕົ້ນ. ເພື່ອແກ້ໄຂສິ່ງທ້າທາຍເຫຼົ່ານີ້ ຕ້ອງນໍາໃຊ້ຜົນປະໂຫຍດຈາກສະຕິປັນຍາຂອງມວນມະນຸດທັງໝົດໃນໂລກ. ການຂາດ ການມີສ່ວນຮ່ວມຈາກ ແມ່ຍິງ ໝາຍເຖິງລະດັບຂອງນະວັດຕະກຳ ແລະ ການປະດິດຄິດແຕ່ງ ກໍຈະຖືກຜົນກະທົບໃນດ້ານລົບ ແລະ ຈະບໍ່ໄດ້ຮັບຜົນປະໂຫຍດຢ່າງເຕັມສ່ວນຈາກນະວັດຕະກໍາ ແລະ ການປະດິດຄິດແຕ່ງ.

ເຂົ້າຮ່ວມການຍ່າງເພື່ອສຸຂະພາບຄັ້ງນີ້ ຍັງມີ ຄະນະພັກ, ຄະນະກົມ, ຫ້ອງການ ພາຍໃນ ກວຕ, ເອກະຊົນ ແລະ ນັກຮຽນ.

ບົດຂ່າວ: ນ. ທັດສະນີ ພົງບັນດິດ

ຮູບພາບ: ບຸນທັນ ນັນທະວົງ

altaltaltaltaltaltaltaltaltalt