Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ພິທີປິດຊຸດຝຶກອົບຮົມທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນຊຸດທີ I

ພິທີປິດຊຸດຝຶກອົບຮົມທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນຊຸດທີ I

107ຊຸດຝຶກອົບຮົມທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນຊຸດທີ I ໃຫ້ພະນັກງານນຳພາ-ພະນັກ

ງານຫຼັກແຫຼ່ງໃນກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ດຳເນີນມາແຕ່ວັນທີ 19 ກຸມພາ 2018 ແລະ ໄດ້ສຳເລັດລົງວັນທີ 26 ເມສາ 2018 ດ້ວຍຜົນສຳເລັດອັນຈົບງາມ.

ໃນຕອນແລງຂອງວັນທີ 26 ເມສາ 2018 ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດພິທີປິດຊຸດຝຶກອົບຮົມ ທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນຊຸດທີ I ຢູ່ທີ່ຫ້ອງປະຊຸມ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ໂດຍໃຫ້ກຽດເຂົ້າຮ່ວມຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ, ມີ ສະຫາຍ ປອ. ຄຳພັນ ວົງພະຈັນ, ຮອງຫົວໜ້າກົມວິຊາການ, ສະຖາບັນການເມືອງ-ການປົກຄອງແຫ່ງຊາດ, ມີບັນດາທ່ານຮອງລັດຖະມົນຕີ, ບັນດາຄະນະພັກ, ຄະນະນຳຂອງກະຊວງ, ບັນດານັກສຳມະນາກອນຈາກຫ້ອງການ, ກົມ ແລະ ສະຖາບັນພາຍໃນ ກວຕ ເຂົ້າຮ່ວມ.

ສະຫາຍ ນາງ ສຸພາລັກ ສີລາເພັດ, ຮອງຫົວໜ້າກົມຈັດຕັ້ງ ແລະ ພະນັກງານ, ຫົວໜ້າຫ້ອງການພັກ ໄດ້ຂຶ້ນຜ່ານບົດສະຫຼຸບຕີລາຄາລວມການຝຶກອົບຮົມ, ການຝຶກອົບຮົມໃນຊຸດນີ້ປະກອບດ້ວຍເອກະສານ 5 ພາກວິຊາ, 37 ບົດ ພ້ອມທັງໄດ້ສົນທະນາແລກປ່ຽນບົດຮຽນ ແລະ ປະສົບການຕົວຈິງຢ່າງກົງໄປກົງມາ, ດ້ວຍບັນຍາກາດຝົດຟື້ນ ແລະ ເຕັມໄປດ້ວຍຄວາມຮັບຜິດຊອບສູງຂອງບັນດາຜູ້ບັນຍາຍທີ່ມາຈາກ ສະຖາບັນການເມືອງການປົກຄອງແຫ່ງຊາດ ແລະ ນັກສຳມະນາກອນ ພາຍໃນ ກວຕ ຊຶ່ງໄດ້ມີຄວາມໝາຍຄວາມສຳຄັນໃຫ້ແກ່ກະຊວງ ເວົ້າລວມ, ເວົ້າສະເພາະແມ່ນ ນັກສຳມະນາກອນທີ່ເຂົ້າຮ່ວມໄດ້ມີການຍົກລະດັບຄວາມຮູ້ຄວາມສາມາດໃຫ້ສູງກວ່າເກົ່າ ສຳເລັດຕາມຄາດໝາຍ ທີ່ວາງໄວ້.

ພາຍຫຼັງຜ່ານບົດສະຫຼຸບການຝຶກອົບຮົມ, ຍັງໄດ້ມີພິທີມອບໃບຢັ້ງຢືນການຝຶກອົບຮົມແກ່ນັກສຳມະນາກອນ ທັງໝົດ 35 ສະຫາຍ, ໂດຍໃຫ້ກຽດມອບ ຂອງ ສະຫາຍ ປອ. ຄຳພັນ ວົງພະຈັນ, ຮອງຫົວໜ້າກົມວິຊາການ, ສະຖາບັນການເມືອງ-ການປົກຄອງແຫ່ງຊາດ.

ໃນໂອກາດດຽວກັນນີ້, ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກໍໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈມາຍັງ ສະຖາບັນການເມືອງ-ການປົກຄອງແຫ່ງຊາດ ທີ່ໄດ້ເອົາໃຈໃສ່ໃນການຖ່າຍທອດຄວາມຮູ້ໃຫ້ແກ່ ນັກສຳມະນາກອນ ແລະ ສະຫາຍ ຍັງໄດ້ເນັ້ນໃຫ້ບັນດານັກສຳມະນາກອນ ຈົ່ງນຳເອົາຄວາມຮູ້ຈາກການຝຶກອົບຮົມ ໃນຄັ້ງນີ້ໄປຈັດຕັ້ງຜັນຂະຫຍາຍເຂົ້າໃນໜ້າທີຂອງຕົນໃຫ້ເກີດປະສິດທິຜົນດີຂຶ້ນກວ່າເກົ່າ.

ຮູບພາບ: ບິນລີ້ ສີສຸລາດ

ບົດຂ່າວ: ບຸນທັນ ນັນທະວົງ

111112110109108