Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ກວຕ ປະກາດການແຕ່ງຕັ້ງຫົວໜ້າຫ້ອງການ, ກົມ ແລະ ສະຖາບັນ

ກວຕ ປະກາດການແຕ່ງຕັ້ງຫົວໜ້າຫ້ອງການ, ກົມ ແລະ ສະຖາບັນ

103ເພື່ອເປັນການຈັດຕັ້ງປະຕິບັດໜ້າທີ່ຂອງພັກ-ລັດ ແລະ ເຮັດພາລະກິດປ່ຽນແປງໃໝ່ຂອງພັກມີບາດກ້າວໃໝ່

ແລະ ເຂັ້ມແຂງເປັນກ້າວໆເວົ້້າລວມ, ເວົ້າສະເພາະ ອິງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຂອງ ກະຊວງວິທະຍາສາດ ແລະ ເຕັກໂນໂລຊີ (ກວຕ), ໃນຕອນແລງວັນທີ 26 ເມສາ 2014, ກວຕ ໄດ້ຈັດພິທີປະກາດການແຕ່ງຕັ້ງຫົວໜ້າຫ້ອງການ, ກົມ ແລະ ສະຖາບັນພາຍໃນ ກວຕ ທີ່ຫ້ອງປະຊຸມຂອງ ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ (ຫຼັກ14) ໂດຍໃຫ້ກຽດເຂົ້າຮ່ວມຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກກະຊວງ, ລັດຖະມົນຕີ ກວຕ.

ໂອກາດນີ້, ທ່ານ ນາງ ບຸດສະດີ ຖານະເມືອງ, ຫົວໜ້າກົມຄຸ້ມຄອງພະນັກງານ, ຄະນະຈັດຕັ້ງສູນກາງພັກ ໄດ້ຂຶ້ນຜ່ານດຳລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງ ຫົວໜ້າຫ້ອງການ, ກົມ ແລະ ສະຖາບັນພາຍໃນ ກວຕ ທັງໝົດ 5 ທ່ານຄື: ແຕ່ງຕັ້ງ ບຸນປອນ ບົວແພງ ເປັນຫົວໜ້າກົມຈັດຕັ້ງ ແລະ ພະນັກງານ ຕາມດຳລັດເລກທີ 160/ນຍ, ລົງວັນທີ 11 ເມສາ 2018; ແຕ່ງຕັ້ງທ່ານ ພຸດທະສັກ ວິຈິດຕຣາ ເປັນຫົວໜ້າຫ້ອງການ ຕາມດຳລັດເລກທີ 161/ນຍ, ລົງວັນທີ 11 ເມສາ 2018; ແຕ່ງຕັ້ງທ່ານ ວຽງທອງ ວົງທະວິໄລ ເປັນຫົວໜ້າກົມມາດຕະຖານ ແລະ ວັດແທກ ຕາມດຳລັດເລກທີ 162/ນຍ, ລົງວັນທີ 11 ເມສາ 2018; ແຕ່ງຕັ້ງທ່ານ ປອ. ຄໍາເພັດ ວົງດາລາ ເປັນຫົວໜ້າກົມແຜນການ ແລະ ຮ່ວມມື ຕາມດໍາລັດເລກທີ 163/ນຍ, ລົງວັນທີ 11 ເມສາ 2018 ແລະ ແຕ່ງຕັ້ງທ່ານ ພິມພາ ອຸດທະຈັກ ເປັນຫົວໜ້າສະຖາບັນການຄຸ້ມຄອງ ວິທະຍາສາດ ແລະ ເຕັກໂນໂລຊີ ຕາມດຳລັດເລກທີ 164/ນຍ, ລົງວັນທີ 11 ເມສາ 2018.

ໂອກາດດຽວກັນນີ້, ທ່ານ ບັນດິດ ສຈ. ບໍ່ວຽງຄຳ ໄດ້ໃຫ້ກຽດໂອ້ລົມຕໍ່ພິທີຄັ້ງນີ້ຊຶ່ງທ່ານ ໄດ້ກ່າວຍ້ອງຍໍຊົມເຊີຍ ບັນດາທ່ານທີ່ຖືກແຕ່ງຕັ້ງ ຊຶ່ງລ້ວນແລ້ວແຕ່ແມ່ນບຸກຄົນ ທີ່ມີຄວາມຮູ້ຄວາມສາມາດ, ມີປະສົບການ, ມີຜົນງານໃນຫຼາຍດ້ານທີ່ຜ່ານການບຸກບືນ-ຝຶກຝົນຫຼໍ່ຫຼອມຕົນເອງ ເຮັດໃຫ້ຕົນເອງມີການ ເຕີບໃຫຍ່ເຂັ້ມແຂງຂຶ້ນເປັນແຕ່ລະບາດກ້າວ ແລະ ໄດ້ຮັບຄວາມ ໄວ້ເນື້ອເຊື່ອໃຈ ຈາກການຈັດຕັ້ງເປັນຢ່າງດີ.

ທ່ານ ໄດ້ເນັ້ນໜັກໃຫ້ ຜູ້ທີ່ໄດ້ຮັບການແຕ່ງຕັ້ງ ແລະ ພະນັກງານ-ລັດຖະກອນ ພາຍໃນ ກວຕ ທັງໝົດຈົ່ງສືບຕໍ່ສຸມທຸກເຫື່ອແຮງ, ສະຕິປັນຍາ, ຍົກລະດັບຄວາມຮູ້ ຄວາມສາມາດ, ຮັກສາຄວາມສາມັກຄີພາຍໃນເປັນປຶກແຜ່ນ, ສືບຕໍ່ປັບປຸງແບບແຜນວິທີເຮັດວຽກ ໃຫ້ຖືກຕ້ອງ, ສອດຄ່ອງຕົວຈິງ, ຮັບປະກັນວຽກໃຫ້ສຳເລັດວ່ອງໄວ, ໂປ່ງໃສ ແລະ ມີຄຸນນະພາບ, ພ້ອມກັນສຸມເຂົ້າໃນພາລະກິດປົກປັກຮັກສາ ແລະ ສ້າງສາປະເທດຊາດ ເວົ້າລວມ, ເວົ້າສະເພາະ ແມ່ນວຽກງານໃນຂົງເຂດທີ່ຕົນເອງຮັບຜິດຊອບ ກໍຄືວຽກງານວິທະຍາສາດ ແລະ ເຕັກໂນໂລຊີ ໃຫ້ໄດ້ຮັບໝາກຜົນຍິ່ງໃຫຍ່ກວ່າເກົ່າ.

ບັນດາທ່ານຮອງລັດຖະມົນຕີ, ຄະນະພັກ, ຄະນະນໍາ ກວຕ, ຫົວໜ້າກົມຄຸ້ມຄອງພະນັກງານ, ຄະນະຈັດຕັ້ງສູນກາງພັກ ແລະ ບັນດາພະນັກງານຫຼັກແຫຼ່ງ ກວຕ ເຂົ້າຮ່ວມ ພິທີດັ່ງກ່າວ.

 

ຮູບພາບ: ບິນລີ້ ສີສຸລາດ

ບົດຂ່າວ: ບຸນທັນ ນັນທະວົງ

105100104102101106