Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກົມວິທະຍາສາດ ສະຫຼຸບການຈັດຕັ້ງປະຕິບັດ ວຽກງານ 2017

ກົມວິທະຍາສາດ ສະຫຼຸບການຈັດຕັ້ງປະຕິບັດ ວຽກງານ 2017

altກົມວິທະຍາສາດ, ກະຊວງວິທະຍາສາດ ແລະ ເຕັກ ໂນໂລຊີ (ກວຕ) ສະຫຼຸບການຈັດຕັ້ງປະຕິບັດວຽກງານ 2017

ໃນວັນທີ 4 ເມສາ 2018 ໂດຍການເປັນກຽດເຂົ້າຮ່ວມຂອງທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະການ ສູນກາງພັກ, ລັດຖະມົນຕີ ກວຕ.

ທ່ານ ກອງໄຊສີ ພົມມະໄຊ, ຫົວໜ້າກົມວິທະຍາສາດ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດການ ເຄື່ອນໄຫວວຽກງານປີ 2017 ຊຶ່ງໄດ້ຮັບໝາກຜົນຫຼາຍດ້ານ ເຊັ່ນ: ສຳເລັດການປັບປຸງກວດແກ້ຮ່າງດຳລັດການຮັບ ຮອງປະກາດໃຊ້ຮ່າງຍຸດທະສາດ, ສຳເລັດການປັບປຸງຮ່າງຍຸດທະສາດການພັດທະນາວິທະ ຍາສາດ ແລະ ເຕັກໂນ ໂລຊີ ຂອງ ສປປ ລາວ ຮອດປີ 2025 ແລະ ວິໄສທັດຮອດປີ 2030 ແລະ ໄດ້ສະໜອງຂໍ້ມູນດັ່ງກ່າວໃຫ້ກົມ ແຜນການ-ຮ່ວມມື ແລະ ກົມຊັບສິນທາງປັນຍາ, ສຳເລັດການຄົ້ນຄວ້າບັນດາຫົວຂໍ້ນິຕິກຳລຸ່ມກົດ ໝາຍວ່າດ້ວຍ ວິທະຍາສາດ ແລະ ເຕັກໂນໂລຊີ, ສຳເລັດການສຶກສາຂໍ້ມູນເອກະສານທີ່ກ່ຽວຂ້ອງ ໃສ່ຮ່າງກົດໝາຍວ່າດ້ວຍ ຄວາມປອດໄພທາງລັງສີ-ນິວເຄຼຍ ສະບັບເບື້ອງຕົ້ນ ເພື່ອນຳ ສະເໜີຜ່ານຄະນະຮັບຜິດຊອບກົດໝາຍ ວ່າດ້ວຍ ຄວາມປອດໄພທາງລັງສີ-ນິວເຄຼຍ, ສຳເລັດປະສານສົມທົບກັບ ພະແນກວິທະຍາສາດ ແລະ ເຕັກໂນໂລຊີ ແຂວງ ເພື່ອຫັນ ເອົາວຽກກົມລົງສົມທົບວິຊາການກັບຂະແໜງ ວຽກວິທະຍາສາດ ຢູ່ພະແນກ ວຕ ທ້ອງຖິ່ນ ເພື່ອຄົ້ນຄວ້າຊອກຫາວິທີການຊຸກຍູ້, ສົ່ງເສີມ ແລະພັດທະນານໍາໃຊ້ຜົນສໍາ ເລັດທາງດ້ານວິທະຍາສາດ ເຂົ້າໃນເຂດພັດ ທະນາຂອງແຕ່ລະທ້ອງຖິ່ນ, ໄດ້ປະສານຮ່ວມມືກັບອົງການຈັດຕັ້ງສາກົນ ເຊັ່ນ: ອົງການປາລຳມະນູສາກົນ (IAEA) ນັບແຕ່ປີ 2014 ຈຳນວນ 6 ໂຄງການ ລວມເປັນ ມູນຄ່າ 842,700 ໂອເຣີ (ປະມານ 1 ຕື້ກວ່າກີບ) ແລະ ຜົນງານອື່ນໆອີກ.

ທ່ານ ກ່າວຕື່ມວ່າ: ສຳລັບວຽກງານໃນຕໍ່ໜ້າ, ກົມວິທະຍາສາດ ຈະສືບຕໍ່ ແລະ ເອົາໃຈໃສ່ຫຼາຍໜ້າວຽກ ເຊັ່ນ: ຈະສືບຕໍ່ຄົ້ນຄວ້າເຊື່ອມຊຶມມະຕິກອງປະຊຸມ ໃຫຍ່ຄັ້ງທີ X ຂອງພັກ, ມະຕິກອງປະຊຸມໃຫຍ່ຂອງອົງຄະນະພັກກະຊວງ ແລະ ຂອງໜ່ວຍພັກກົມວິທະຍາສາດ ເພື່ອນຳມາເປັນທິດທາງຈັດຕັ້ງປະຕິບັດ ແລະ ຜັນຂະ ຫຍາຍ ເປັນແຜນງານ, ໂຄງການ ແລະ ວຽກລະອຽດ ຂອງແຕ່ລະພະແນກ. ສືບຕໍ່ອອກແຮງສຶກສາອົບຮົມການເມືອງແນວຄິດ ໃຫ້ແກ່ພະນັກງານ-ລັດຖະກອນ ເພື່ອໃຫ້ ກຳແໜ້ນ, ເຂົ້າໃຈຕໍ່ໜ້າທີຄວາມຮັບຜິດຊອບ ແລະ ກົດໝາຍລັດຖະກອນແຫ່ງ ສປປ ລາວ ແນ່ໃສ່ດຳເນີນວຽກວິຊາການ ໃຫ້ຖືກຕ້ອງສອດຄ່ອງ ກັບແຜນພັດທະນາ ວຕ ແລະ ແຜນການປະຈໍາປີ ຂອງ ກະຊວງວາງອອກ, ສືບຕໍ່ສ້າງ ແລະ ປັບປຸງກົດໝາຍວ່າດ້ວຍຄວາມປອດໄພທາງລັງສີ-ນິວເຄຼຍ ແລະ ດຳລັດວ່າດ້ວຍການສະເຫລີມສະ ຫລອງ ສັບປະດາວິທະຍາສາດ ໃຫ້ສຳເລັດຕາມແຜນທີ່ກຳນົດໄວ້ ເພື່ອນຳເຂົ້າຜ່ານກອງປະຊຸມສະພາ ພິຈາລະນາຮັບຮອງ ແລະ ປະກາດໃຊ້, ສືບຕໍ່ຄົ້ນຄວ້າ ສະເໜີ ຮ່າງນິຕິກໍາລຸ່ມກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ ແລະ ການສະເໜີຈັດພິມປື້ມກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ ແລະ ແຜນລົງໂຄສະນາ ເຜີຍແຜ່ກົດໝາຍດັ່ງກ່າວ ດ້ວຍຫຼາຍຮູບການໂຄສະນາ ຢູ່ສະຖາບັນກົດໝາຍ ແລະ ຂະແໜງການຕ່າງໆຂັ້ນສູນກາງ ແລະ ທ້ອງຖິ່ນ, ສືບຕໍ່ປະສານງານ ແລະ ເປັນ ກອງເລຂາ ໃນການຈັດຕັ້ງຜັນຂະຫຍາຍໂຄງການເຕັກນິກ-ວິຊາການ ກັບ ອົງການ IAEA ເພື່ອຊຸກຍູ້ການຈັດຕັ້ງປະຕິບັດໂຄງການຮ່ວມມືດັງກ່າວ ສົກປີ 2016-2017 ແລະ ສືບຕໍ່ຕິດຕາມຜົນການພິຈາລະນາ ຮັບຮອງເອົາໂຄງການເຕັກນິກ-ວິຊາການສຳລັບສົກປີ 2018-2019 ຈາກອົງການ IAEA ແລະ ວຽກງານອື່ນໆອີກ.

ບັນດາທ່ານຮອງລັດຖະມົນຕີ, ບັນດາຫົວໜ້າຫ້ອງການ, ກົມ, ສະຖາບັນ ແລະ ພະນັກງານກົມດັ່ງກ່າວ ເຂົ້່າຮ່ວມກອງປະຊຸມສະຫຼຸບວຽກງານປີ 2017.


ພາບ ແລະ ຂ່າວ: ບຸນທັນ ນັນທະວົງ

altaltaltalt