Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ຮ່ວມມືເພື່ອສຶກສາຄວາມເປັນໄປໄດ້ ການສ້າງ ເຂດພັດທະນາຊອບແວ

ຮ່ວມມືເພື່ອສຶກສາຄວາມເປັນໄປໄດ້ ການສ້າງ ເຂດພັດທະນາຊອບແວ

altພິທີເຊັນບົດບັນທຶກຄວາມເຂົ້າໃຈ ລະຫວ່າງ ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ແລະ ບໍລິສັດ

Lao Net Communication ວ່າດ້ວຍໂຄງການຮ່ວມມືພັດທະນາ Software Park ແລະ ບໍລິການລະບົບ Cloud ຢູ່ ສປປ ລາວ ຈັດຂຶ້ນວັນທີ 3 ເມສາ 2018 ທີ່ໂຮງແຮມດອນຈັນພາເລດ.

ຮ່ວມລົງນາມໃນພິທີດັ່ງກ່າວມີ ທ່ານ ແກ້ວນະຄອນ ໄຊສຸລຽນ, ຫົວໜ້າກົມເຕັກໂນໂລຊີດິຈິຕ໋ອນ, ທ່ານ ປອ. ຄໍາເພັດ ວົງດາລາ, ຮັກສາການຫົວໜ້າກົມແຜນການ ແລະ ຮ່ວມມື, ກວຕ ແລະ ທ່ານ ມາດານ (Ma Dan), ຜູ້ອໍານວຍການບໍລິສັດ Lao Net Communication ໂດຍມີ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະການ ສູນກາງພັກ, ລັດຖະມົນຕີກະຊວງ ກະຊວງວິທະຍາສາດ ແລະ ເຕັກໂນໂລຊີ, ມີບັນດາຮອງລັດຖະ ມົນຕີ, ບັນດາຫົວໜ້າຫ້ອງການ, ກົມ, ສະຖາບັນ ພ້ອມດ້ວຍພະນັກງານ ວິຊາການ ທັງພາກລັດ ແລະ ພາກເອ ກະຊົນເຂົ້າຮ່ວມ ເປັນສັກຂີພິຍານ.

ຈຸດປະສົງໃນບົດບັນທຶກເຂົ້າໃຈສະບັບນີ້ ແມ່ນເພື່ອຮ່ວມກັນສຶກສາຄົ້ນຄວ້າເຖິງຄວາມເປັນໄປໄດ້ ໃນ ການຮ່ວມມືສ້າງເຂດພັດທະນາຊອບແວ ຫຼື ເອີ້ນວ່າ software park ເພື່ອສ້າງເປັນພື້ນຖານໂຄງລ່າງສໍາຄັນ ໃນການຊຸກຍູ້ສົ່ງເສີມການພັດທະນາອຸດສາຫະກຳຊອບແວ (Software industry) ຢູ່ ສປປ ລາວ. ພ້ອມດຽວກັນນັ້ນ, ກໍເປັນການສ້າງເງື່ອນໄຂອໍານວຍຄວາມສະດວກ ໃຫ້ແກ່ການຄົ້ນຄວ້າພັດທະນາລະບົບ Cloud Computing ເປັນຕົ້ນ: Lao Net Communication Enterprise Cloud ແລະ Big Data Management System ນອກນີ້, ທັງສອງຝ່າຍກໍຈະ ຮ່ວມກັນສຶກສາຄົ້ນຄວ້າເຖິງຄວາມເປັນໄປໄດ້ ໃນການພັດທະນາລະ ບົບຊໍາລະສະສາງແບບອອນລາຍ (Online Payment Platform) ລະບົບຊື້ຂາຍແບບອອນລາຍ (Online Shopping Platform) ແລະ ລະບົບລາຍເຊັນດິຈີຕ໋ອນ (Digital Signature System ) ເພື່ອແນ່ໃສ່ຊຸກຍູ້ສົ່ງເສີມການເຮັດທຸລະກຳທາງເອເລັກໂຕຣນິກ ໃນ ສປປ ລາວ ໃຫ້ມີປະສິດຜົນ ແລະ ມີຄວາມປອດໄພສູງ.


ຂ່າວ ແລະ ຮູບພາບ: ບຸນທັນ ນັນທະວົງ

altaltaltalt