Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ທ່ານ ລັດຖະມົນຕີ ກວຕ ຕ້ອນຮັບການເຂົ້າ ຢ້ຽມຂ່ຳນັບຂອງ ຫົວໜ້າ ບໍລິສັດ ຫົວເຫວີຍ ເຕັກໂນໂລຊີ (ລາວ)

ທ່ານ ລັດຖະມົນຕີ ກວຕ ຕ້ອນຮັບການເຂົ້າ ຢ້ຽມຂ່ຳນັບຂອງ ຫົວໜ້າ ບໍລິສັດ ຫົວເຫວີຍ ເຕັກໂນໂລຊີ (ລາວ)

altທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ຕ້ອນຮັບ

ການເຂົ້າຢ້ຽມຂໍ່ານັບຂອງ ທ່ານ Wang Qi. ປະທານ ບໍລິສັດ ຫົວເຫວີຍເຕັກໂນໂລຊີ (ລາວ) ຈໍາກັດຜູ້ດຽວພ້ອມ ຄະນະ ໃນຕອນແລງຂອງວັນທີ 28 ມີນາ 2018 ທີ່ຫ້ອງຮັບແຂກ ກວຕ.

ໂອກາດນີ້, ທ່ານປະທານ ບໍລິສັດ ດັ່ງກ່າວ ໄດ້ສະແດງຄວາມຂອບໃຈຕໍ່ທ່ານ ລັດຖະມົນຕີ ກວຕທີ່ໄດ້ ໃຫ້ກຽດຕ້ອນຮັບ ທ່ານ ແລະ ຄະນະ ແລະ ກ່າວເຖິງຈຸດປະສົງທີ່ເຂົ້າຢ້ຽມຂ່ຳນັບ ທ່ານລັດຖະມົນຕີ ໃນຄັ້ງນີ້ ວ່າ ເພື່ອແນະນຳກ່ຽວກັບ ບໍລິສັດ ຫົວເຫວີຍເຕັກໂນໂລຊີ (ລາວ) ຈຳກັດຜູ້ດຽວ ແລະ ເພື່ອເຂົ້າໃຈທິດຊີ້ນໍາ, ວິໄສທັດ ແລະ ແຜນພັດທະນາ ຂອງ ກວຕ ດ້ານໄອທີ ແລະ ເພື່ອເປັນການປຶກສາຫາລືກ່ຽວກັບການຮ່ວມມືດ້ານ ໄອທີ ຊຶ່ງບໍລິສັດ ຫົວເຫວີຍ ເປັນບໍລິສັດໜຶ່ງທີ່ມີຊື່ສຽງ ບໍ່ສະເພາະຢູ່ໃນ ສປ ຈີນ ແຕ່ຍັງມີຊື່ສຽງຢູ່ໃນລະດັບໂລກ. ບໍລິສັດ ຍັງໃຫ້ຄວາມສຳຄັນຕໍ່ການໃຫ້ບໍລິການແກ່ລູກຄ້າດ້ານ ໄອທີ, ການແກ້ໄຂບັນຫາຕ່າງໆດ້ານໄອທີ, ການພັດ ທະນາບຸກຄະລາກອນ, ການຄຸ້ມຄອງລະບົບໄອທີ.

ທ່ານປະທານ ກ່າວຕື່ມອີກວ່າ: ບໍລິສັດ ແລະ ກວຕ ແມ່ນມີພື້ນຖາານອັນດຽວກັນ ແລະ ມີຫຼາຍຂໍ້ທີ່ສາມາດຮ່ວມມືນຳກັນໄດ້ ໂດຍສະເພາະ ແມ່ນວຽກງານ ທາງດ້ານໄອທີ. ທ່ານປະທານ ບໍລິສັດ ໄດ້ສະເໜີຕໍ່ ທ່ານລັດຖະມົນຕີ ກວຕ ຊ່ວຍໃຫ້ການສະໜັບສະໜູນ ເພື່ອເຮັດໃຫ້ສອງຝ່າຍສາມາດຮ່ວມມືກັນໄດ້. ທ່ານປະທານ ໄດ້ຮຽນເຊີນ ທ່ານລັດຖະມົນຕີ ກວຕ ຢ້ຽມຢາມ ບໍລິສັດ ຫົວເຫວີຍເຕັກໂນໂລຊີ ຢູ່ ສປ ຈີນ ອີກດ້ວຍ.

ໂອກາດດຽວກັນນີ້, ທ່ານ ລັດຖະມົນຕີ ສະແດງຄວາມຍິນດີຕ້ອນຮັບ ທ່ານປະທານ ບໍລິສັດ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ພົບປະຄັ້ງນີ້. ທ່ານກ່າວວ່າ: ການດໍາເນີນວຽກງານຂອງບໍລິສັດຫົວເຫວີຍ ຢູ່ ສປປ ລາວ, ກວຕ ມີຄວາມຍິນດີໃຫ້ການສະໜັບສະໜູນ ແລະ ຍິນດີໃຫ້ການຮ່ວມມື ຊຶ່ງ ກວຕ ມີ ກົມເຕັກໂນໂລຊີ ດິຈິຕ໋ອນ, ສະຖາບັນຄອມພິວເຕີ ແລະ ເອເຫຼັກໂຕຼນິກ ທີ່ເຮັດວຽກກ່ຽວກັບ ໄອທີ ແລະ ສູນຂໍ້ມູນ (Data Centre). ນອກຈາກວຽກງານດັ່ງກ່າວແລ້ວ, ກວຕ ຍັງມີຫຼາຍວຽກທີ່ສາມາດຮ່ວມມືນຳກັນໄດ້; ການປະສານສົມທົບກັນ ຍັງມີຫຼາຍຮູບແບບ ແລະ ເຕັກໂນໂລຊີໃໝ່ ຂອງບໍລິສັດຫົວເຫວີຍ ສາມາດຮ່ວມມືນຳກັນໄດ້ ຕາມແນວທາງຂອງ ພັກ-ລັດ ທີ່ເວົ້າວ່າ: ລາວ-ຈີນ ເປັນປະເທດເພື່ອນບ້ານທີ່ຮັກແພງກັນ ທີ່ປະກອບມີ 4 ດີ ຄື: ເປັນເພື່ອນບ້ານທີ່ດີ, ເປັນສະຫາຍທີ່ດີ, ເປັນບ້ານໃກ້ ເຮື່ອນຄຽງທີ່ດີ ແລະ ເປັນຄູ່ຮ່ວມພັດທະນາທີ່ດີ; ພວກເຮົາ ຈະພ້ອມກັນເພື່ອເຮັດແນວໃດ ໃຫ້ການຈັດຕັ້ງປະຕິບັດໜຶ່ງແລວ ໜຶ່ງເສັ້ນທາງຊຶ່ງເປັນນະໂຍບາຍຂອງ ທ່ານປະທານ ສີຈິນຜິງ, ປະທານປະເທດ ແຫ່ງ ສປ ຈີນ ວາງອອກໃຫ້ປະສົບຜົນສຳເລັດ.

ຂ່າວ ແລະ ຮູບພາບ: ບາລະຄອນ ສຸວນັນນະພາສີ

altalt