Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ກວຕ ຕິດຕາມກວດກາ-ປະເມີນ ແລະ ຊຸກຍູ້-ສົ່ງເສີມ ໂຄງການຄົ້ນຄວ້າວິທະຍາສາດ ຢູ່ແຂວງພາກກາງ ແລະ ພາກໃຕ້

ກວຕ ຕິດຕາມກວດກາ-ປະເມີນ ແລະ ຊຸກຍູ້-ສົ່ງເສີມ ໂຄງການຄົ້ນຄວ້າວິທະຍາສາດ ຢູ່ແຂວງພາກກາງ ແລະ ພາກໃຕ້

altຄະນະຜູ້ແທນ ກະຊວງວິທະຍາສາດ ແລະ ເຕັກໂນໂລຊີ ນໍາໂດຍ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ກໍາມະ

ການສູນກາງພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ), ປະທານສະພາວິທະຍາ ສາດແຫ່ງຊາດ ພ້ອມດ້ວຍຄະນະເດີນທາງຢ້ຽມຢາມ ແລະ ເຮັດວຽກຢູ່ແຂວງພາກກາງ ແລະ ພາກໃຕ້.

ໃນຕອນເຊົ້າຂອງວັນທີ 9 ມີນາ 2018 ນີ້, ຄະນະຜູ້ແທນກວຕໄດ້ລົງຕິດຕາມກວດກາ-ປະເມີນ ແລະ ຊຸກຍູ້-ສົ່ງເສີມໂຄງການຄົ້ນຄວ້າວິທະຍາສາດຢູ່ ພະແນກວິທະຍາສາດ ແລະ ເຕັກໂນໂລຊີ ແຂວງບໍລິຄໍາໄຊ ໂດຍ ພາຍໃຕ້ການເປັນປະທານຂອງ ທ່ານ ບັນດິດ ສຈ. ບໍ່ວຽງຄໍາວົງດາລາ, ລັດຖະມົນຕີກວຕ, ປະທານສະພາວິ ທະຍາສາດແຫ່ງຊາດ, ມີຄະນະປະເມີນໂຄງການຄົ້ນຄວ້າວິທະຍາສາດ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງບໍລິຄໍາໄຊ ພ້ອມດ້ວຍຄະນະຮັບຜິດຊອບໂຄງການຄົ້ນຄວ້າວິທະຍາສາດເຂົ້າຮ່ວມ.

ໃນກອງປະຊຸມຄະນະ ໄດ້ຮັບຟັງການລາຍງານກ່ຽວກັບຄວາມຄືບໜ້າຂອງ ໂຄງການຄົ້ນຄວ້າວິທະຍາ ສາດຈາກ ທ່ານ ສິງຄໍາ ສຸວັນຄໍາ, ຮອງຫົວໜ້າ ພວຕ ແຂວງບໍລິຄໍາໄຊ ຊຶ່ງເປັນໂຄງການທີ່ທາງພວຕ ແຂວງ ບໍລິຄໍາໄຊ ໄດ້ຮັບການອະນຸມັດໂຄງການສ້າງເວັບໄຊ ພວຕ ແຂວງບໍລິຄໍາໄຊ”. ໂຄງການດັ່ງກ່າວແມ່ນໜຶ່ງໃນໂຄງ ການຄົ້ນຄວ້າວິທະຍາສາດທີ່ໄດ້ຮັບການອະນຸມັດ ໃນສົກປີ 2012-2013 ມີໄລຍະໂຄງການ1 ປີ, ມູນຄ່າໃນການຈັດຕັ້ງປະຕິບັດໂຄງການທັງໝົດ 255.200.000 ກີບ. ຜ່ານການດໍາເນີນໂຄງການແມ່ນໄດ້ມີການຈັດຕັ້ງ ປະຕິບັດບັນດາກິດຈະກໍາຕ່າງໆ ທີ່ຕິດພັນກັບແຜນຂອງໂຄງການເຊັ່ນ: ປະກອບວິຊາການຄົ້ນຄວ້າ, ປະກອບອຸປະກອນ ທາງດ້ານເອເລັກໂຕຣນິກໃຫ້ແກ່ບັນດາເມືອງ ກຸ່ມເປົ້າໝາຍ, ໄດ້ມີການຈັດຝຶກອົບຮົມໃຫ້ແກ່ບັນດາຫ້ອງການວິທະຍາສາດ ແລະ ເຕັກໂນໂລຊີ ເມືອງເປົ້າໝາຍ ແລະ ບັນດາ ກິດຈະກໍາອື່ນໆ.

ຜ່ານການປະເມີນຜົນການຄົ້ນຄວ້າໃນຄັ້ງນີ້ ຄະນະປະເມີນໄດ້ມີທິດໃຫ້ໂຄງການດັ່ງກ່າວ ເອົາໃຈໃສ່ຈັດຕັ້ງປະຕິບັດບັນດາກິດຈະກໍາຂອງໂຄງການໃຫ້ສໍາເລັດ ຕາມໄລຍະເວລາຂອງໂຄງການທີ່ໄດ້ກໍານົດໄວ້ ພ້ອມທັງເນັ້ນໃຫ້ສຸມໃສ່ຄົ້ນຄວ້າພັດທະນາເວັບໄຊຂອງ ໂຄງການໃຫ້ໄດ້ຮັບປະສິດທິຜົນຕາມເປົ້າໝາຍ.

ໃນໂອກາດດຽວກັນນີ້, ທ່ານຂັນແກ້ວສອນສັກສິດ, ຫົວໜ້າພະແນກວິທະຍາສາດແລະເຕັກໂນໂລຊີ (ພວຕ) ແຂວງບໍລິຄໍາໄຊຍັງໄດ້ລາຍງານຄວາມຄືບໜ້າ ການຈັດຕັ້ງປະຕິບັດໜ້າທີ່ວຽກງານຂອງ ພວຕ ແຂວງບໍລິຄໍາໄຊ ໃນໄລຍະຜ່ານມາ. ທ່ານໃຫ້ຮູ້ວ່າ: ພວຕໄດ້ລົງກວດສອບໝໍ້ນັບໄຟຟ້າ ແລະນໍ້າປະປາທຸກສອງປີແມ່ນ ຈະໄດ້ລົງກວດກາເທື່ອໜຶ່ງ, ໂດຍໄດ້ສ້າງບົດບັນທຶກຄວາມເຂົ້າໃຈຮ່ວມກັບລັດວິສາຫະກິດໄຟຟ້າ ແລະ ນຳ້ປະປາສາຂາແຂວງ, ການລົງປະຕິບັດຕົວຈິງນັ້ນທາງພວຕໄດ້ ສົບທົບກັບພາກສ່ວນທີ່ກ່ຽວຂ້ອງລົງກວດກາ 3% ຂອງຈໍານວນໝໍ້ນັບໄຟຟ້າ ແລະ ນໍ້າປະປາ ໃນກໍລະນີຫາກກວດພົບວ່າ ໜ່ວຍໃດບໍ່ໄດ້ມາດຕະຖານທາງພວຕຈະແຈ້ງ ໃຫ້ພາກສ່ວນທີ່ກ່ຽວຂ້ອງລົງປ່ຽນແທນໂດຍຜູ້ຊົມໃຊ້ບໍ່ໄດ້ເສຍຄ່າ, ໃນກໍລະນີຜູ້ຊົມໃຊ້ຮ້ອງຮຽນຫຼື ສະເໜີ ມາທາງພວຕກໍຈະລົງກວດກາໃຫ້ຕາມການສະເໜີ. ນອກຈາກ ນັ້ນຍັງໄດ້ມີການກວດການໍ້າມັນນໍາເຂົ້າ ແລະ ກວດກາຕາມປໍ້າພາຍໃນແຂວງຊຶ່ງການກວດນໍ້າມັນນໍາເຂົ້າປະກອບມີ 2 ຈຸດຄື: ຈຸດກວດກາດ່ານສາກົນນໍ້າພາວ-ເກົາແຈວ ແລະ ຈຸດກວດກາດ່ານສາກົນ ປາກຊັນ-ບຶງການ ທັງນີ້ກໍເພື່ອຍົກສູງຄຸນນະພາບ ແລະ ປະສິດທິຜົນຂອງນໍ້າມັນເຊື້ອໄຟ. ຜ່ານການເກັບກໍາຂໍ້ມູນໃນປີ 2017 ທົ່ວ ແຂວງບໍລິຄໍາໄຊ ມີປໍ້ານໍ້າມັນເຊື້ອໄຟທັງໝົດ 102 ປໍ້າ, ມີ 284 ຕູ້ຈ່າຍ, ມີ 535 ຫົວຈ່າຍ, ໃນນັ້ນນໍ້າມັນກາຊວນ 271 ຫົວຈ່າຍ, ແອັດຊັງ 264 ຫົວຈ່າຍ, ຈໍານວນ ສາງມີ 9 ສາງ.

ໃນກອງປະຊຸມຍັງໄດ້ມີການແລກປ່ຽນບົດຮຽນເຊິ່ງກັນ ແລະ ກັນ ລະຫວ່າງ ຄະນະຜູ້ແທນຈາກ ກະຊວງວິທະຍາສາດ ແລະ ເຕັກໂນໂລຊີ ແລະ ພະນັກງານ ພາຍໃນພວຕແຂວງດັ່ງກ່າວຢ່າງກົງໄປກົງມາ.

ຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມຂອງ ທ່ານ ລັດຖະມົນ ກວຕ ຊຶ່ງທ່ານໄດ້ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້ ພ້ອມທັງເນັ້ນໜັກ ໃຫ້ອ້າຍນ້ອງພະນັກງານພາຍໃນພະແນກດັ່ງກ່າວ ເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານຕາມພາລະບົດບາດຂອງຕົນ ພ້ອມນັ້ນ ທ່ານຍັງໄດ້ຊີ້ນໍາໃຫ້ເອົາໃຈໃສ່ໃນ 3 ບັນຫາຫຼັກຄື: ວຽກງານທາງດ້ານການກໍສ້າງບຸກຄະລາກອນ, ການປັບປຸງແບບແຜນວິທີເຮັດວຽກ ແລະ ສືບຕໍ່ຮັກສາຄວາມສາມັກຄີຂອງອ້າຍນ້ອງພະນັກງານພາຍ ໃນພະແນກ. ໃນໂອກາດດັ່ງກ່າວທ່ານລັດຖະມົນຕີກວຕຍັງໄດ້ຕາງໜ້າຄະນະມອບຄອມພິວເຕີແລັບທັອບຈໍານວນ 1 ໜ່ວຍ, ຊຸດເຄື່ອງສຽງຫ້ອງປະຊຸມ 1 ຊຸດເພື່ອປະກອບເຂົ້າໃນການຈັດຕັ້ງປະຕິບັດວຽກງານຂອງພະແນກດັ່ງກ່າວ.

ພາບ ແລະ ຂ່າວໂດຍ: ບິນລີ້ສີສຸລາດ

altaltaltaltalt