Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ເຊັນສັນຍາ ໂຄງການກໍ່ສ້າງສູນຢັ້ງຢືນມາດຕະຖານ ແລະ ກວດກາຄຸນນະພາບ ແຫ່ງຊາດ

ເຊັນສັນຍາ ໂຄງການກໍ່ສ້າງສູນຢັ້ງຢືນມາດຕະຖານ ແລະ ກວດກາຄຸນນະພາບ ແຫ່ງຊາດ

altພິທີເຊັນສັນຍາ ກໍ່ສ້າງສູນຢັ້ງຢືນມາດຕະຖານ ແລະ ຄຸນນະພາບ ແຫ່ງຊາດ ລະຫວ່າງ ຫ້ອງການ ກະຊວງ

ວິທະຍາສາດ ແລະ ເຕັກໂນໂລຊີ (ກວຕ) ກັບ ບໍລິສັດ ລືໄຊ ໄຊຊະນະ ກໍ່ສ້າງ ຈຳກັດ ໄດ້ຈັດຂຶ້ນໃນຕອນ ແລງວັນທີ 05 ມີນາ 2018 ທີ່ໂຮງແຮມ ແລນມາກ, ນະຄອນຫຼວງວຽງຈັນ ຊຶ່ງໄດ້ຮັບກຽດການເຂົ້າຮ່ວມມ ເປັນສັກຂີພິຍານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີ ກວຕ ແລະ ທ່ານ ຮອງລັດຖະມົນຕີ ກວຕ.

ໂອກາດນີ້, ທ່ານ ວຽງທອງ ວົງທະວິໄລ, ຮັກສາການຫົວໜ້າກົມມາດຕະຖານ ແລະ ວັດແທກ ໄດ້ຂຶ້ນລາຍງານກ່ຽວກັບຄວາມເປັນມາຂອງໂຄງການ ແລະ ການກະກຽມເຊັນສັນຍາຄັ້ງນີ້ ອີງຕາມບົດບັນ ທຶກຄວາມເຂົ້າໃຈກ່ຽວກັບການຮ່ວມມື ການພັດທະນາພື້ນຖານໂຄງລ່າງ ເຊັ່ນ: ອາຄານຫ້ອງການ, ຫ້ອງທົດ ລອງ ແລະ ລະບົບສິ່ງອຳນວຍຄວາມສະດວກຕ່າງໆຂອງ ສູນຢັ້ງຢືນມາດຕະຖານ ແລະ ກວດກາຄຸນນະພາບ ແຫ່ງຊາດ, ສະບັບລົງວັນທີ 12 ກັນຍາ 2017 ແລະ ຜ່ານການດໍາເນີນໜ້າວຽກຕ່າງໆ ນັບແຕ່ເດືອນ ກັນຍາ 2017 ເປັນຕົ້ນມາ.

ສັນຍາຮັບເໝົາກໍ່ສ້າງດັ່ງກ່າວ ປະກອບດ້ວຍວຽກຫຼັກຄື: ການສຳຫຼວດເນື້ອທີ່ດິນປຸກສ້າງ, ການອອກແບບອາຄານ, ການວິເຄາະທາງດ້ານເຕັກນິກ (ດິນ-ນໍ້າ-ລົມ-ໄຟ), ການວາງແຜນຜັງ, ເຕັກນິກລວມ, ການດຳເນີນຜ່ານແບບ ແລະ ຂໍອະນຸມັດ, ການປະເມີນມູນຄ່າໂຄງການ ແລະ ຊອກຫາແຫຼ່ງທືນ, ການຄັດເລືອກ ບໍລິສັດທີ່ປຶກສາ-ແຫຼ່ງສະໜອງວັດສະດຸກໍ່ສ້າງ, ລະບົບສິ່ງອໍານວຍຄວາມສະດວກ, ລະບົບຄວາມປອດໄພ (ຮົ້ວ), ສວນສີຂຽວ ແລະ ໜ້າວຽກຍ່ອຍອື່ນໆ.

ໂຄງການກໍ່ສ້າງສູນຢັ້ງຢືນມາດຕະຖານ ແລະ ຄຸນນະພາບ ແຫ່ງຊາດ ຫລັງນີ້ ຕັ້ງຢູ່ຖະໜົນທ່າງ່ອນ, ບ້ານດ່ານຊ້າງ, ເມືອງໄຊທານີ, ນະຄອນຫຼວງວຽງຈັນ, ຊຶ່ງມີເນື້ອທີ່ທັງໝົດ 19.920 ຕາແມັດ, ອາຄານສູງ 5 ຊັ້ນ, ເນື້ອທີ່ໃຊ້ສອຍ 4.300 ຕາແມັດ. ໄລຍະເວລາການກໍ່ສ້າງແມ່ນ 1 ປີ 10 ເດືອນ, ຈະເລີ່ມຕົ້ນກໍ່ສ້າງໃນ ເດືອນມີນາ 2018 ແລະ ສໍາເລັດການກໍ່ສ້າງໂຄງການໃນທ້າຍເດືອນ ທັນວາ 2019. ມູນຄ່າການກໍ່ສ້າງປະມານ 38 ຕື້ກວ່າກີບ ໂດຍນໍາໃຊ້ແຫຼ່ງທຶນຈາກການປະກອບ ສ່ວນຂອງບັນດາບໍລິສັດຮ່ວມມື ຊຶ່ງທາງບໍລິສັດໄດ້ຜ່ານການປະມູນມາແລ້ວ.

ຜູ້ລົງນາມໃນສັນຍາໂຄງການກໍ່ສ້າງດັ່ງກ່າວ, ຕາງໜ້າ ຫ້ອງການ ກວຕ ແມ່ນ ທ່ານ ວຽງທອງ ວົງທະວິໄລ, ຮັກສາການຫົວໜ້າ ກົມມາດຕະຖານ ແລະ ວັດແທກ ແລະ ຕາງໜ້າ ບໍລິສັດ ແມ່ນ ທ່ານ ຂັນທອງລືໄຊ ອິນທະວົງ, ປະທານບໍລິສັດ ລືໄຊ ໄຊຊະນະ ກໍ່ສ້າງຈຳກັດ.

ເຂົ້າຮ່ວາມເປັນສັກຂີພິຍານໃນພິທີລົງນາມຄັ້ງນີ້ ຍັງມີບັນດາຫົວໜ້າຫ້ອງການ, ກົມ, ສະຖາບັນ, ພາຍໃນ ກວຕ ແລະ ພະນັກງານທັງສອງຝ່າຍ.

ບົດຂ່າວ ແລະ ພາບ: ນ. ທັດສະນີ ພົງບັນດິດ

alt