Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ພະນັກງານ-ລັດຖະກອນ ກວຕ ເຊື່ອມຊຶມເອກະ ສານກໍ່ສ້າງພັກ, ຄຸ້ມຄອງພະນັກງານ ແລະ ວຽກງານກວດກາ

ພະນັກງານ-ລັດຖະກອນ ກວຕ ເຊື່ອມຊຶມເອກະ ສານກໍ່ສ້າງພັກ, ຄຸ້ມຄອງພະນັກງານ ແລະ ວຽກງານກວດກາ

altພະນັກງານ-ລັດຖະກອນ ພາຍໃນ ກະຊວງວິທະຍາ ສາດ ແລະ ເຕັກໂນໂລຊີ (ກວຕ) ໄດ້ເຊື່ອມຊຶມເອ ກະສານ

ກ່ຽວກັບວຽກງານກໍ່ສ້າງພັກ-ພະນັກງານ ແລະ ວຽກງານກວດກາ ໃນວັນທີ 23 ກຸມພາ 2018 ທີ່ສະຖາບັນ ການຄຸ້ມຄອງວິທະຍາສາດ ແລະ ເຕັກໂນໂລຊີ ພາຍໃຕ້ການເປັນປະທານຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ.

ການເຊື່ອມຊຶມເອກະສານຄັ້ງນີ້ ເພື່ອປະຕິບັດຕາມການແຈ້ງການຂອງຄະນະກວດກາສູນກາງພັກ ກ່ຽວ ກັບການຜັນຂະຫຍາຍເນື້ອໃນຈິດໃຈ ຂອງກອງປະຊຸມກວດກາ ທົ່ວປະເທດປະຈຳປີ 2017.

ເອກະສານຕ່າງໆທີ່ນຳມາເຜີຍແຜ່ຢູ່ກອງປະຊຸມຄັ້ງນີ້ ປະກອບດ້ວຍ ຄຳສັ່ງຂອງກົມການເມືອງສູນກາງ ພັກ ວ່າ ດ້ວຍການເພີ່ມທະວີວຽກງານກໍ່ສ້າງໜ່ວຍພັກປອດໃສເຂັ້ມແຂງ, ໜັກແໜ້ນ, ສະບັບເລກທີ 01/ກມສພ, ລົງ ວັນທີ 3 ມັງກອນ 2018; ເອກະສານມະຕິຂອງກົມການ ເມືອງສູນກາງພັກ ວ່າດ້ວຍມາດຕະຖານຂອງກຳນົດ ພະນັກງານ-ຄຸ້ມຄອງ, ສະບັບເລກທີ 030/ກມສພ, ລົງວັນທີ 3 ມັງກອນ 2018;ເອກະສານມະຕິຂອງກົມການ ເມືອງສູນກາງພັກ ວ່າດ້ວຍການຄຸ້ມຄອງພະນັກງານ, ສະບັບເລກທີ 031/ກມສພ, ລົງວັນທີ 3 ມັງກອນ 2018; ເອກະສານມະຕິຂອງກົມການເມືອງສູນກາງພັກ ວ່າດ້ວຍການສ້າງແຜນກຳນົດພະນັກງານ-ຄຸ້ມຄອງ, ສະບັບເລກທີ 032/ກມສພ, ລົງວັນທີ 3 ມັງກອນ 2018; ເອກະສານບົດເເນະນຳເພີ່ມເຕີມຂອງຄະນະກວດກາ ສູນການພັກ ກ່ຽວກັບສິດຕົກລົງວິໄນຂັ້ນກ່າວເຕືອນ, ປ່ຽນແປງ ຫຼື ລົບລ້າງຮູບການ ວິໄນຂອງຄະນະກວດກາຂັ້ນ ເມືອງ ແລະ ທຽບເທົ່າຂຶ້ນໄປ, ສະບັບເລກທີ 05/ຄກສພ, ລົງວັນທີ 5 ມັງກອນ 2018; ເອກະສານຂໍ້ກໍານົດຂອງຄະນະກວດກາສູນການພັກ ວ່າດ້ວຍການຕິດຕາມ, ກວດກາການຈັດຕັ້ງປະຕິບັດ, ສະບັບເລກທີ 05/ຄກສພ, ລົງວັນທີ 5 ມັງກອນ 2018; ເອກະສານແຈ້ງການເເນະນຳເພີ່ມເຕີມ ຂອງຄະນະກວດກາສູນກາງພັກ ກ່ຽວກັບ ການຂະຫຍາຍເນື້ອໃນຈິດໃຈຂອງ ກອງປະຊຸມ ວຽກງານກວດກາ ທົ່ວປະເທດ, ສະບັບເລກທີ 25/ຄກສພ, ລົງວັນທີ 5 ມັງກອນ 2018; ເອກະສານສະຫຼຸບການເຄື່ອນ ໄຫວວຽກງານກວດກາປີ 2017 ແລະ ທິດທາງແຜນການປີ 2018 ຂອງຄະນະກວດກາສູນກາງ ແລະ ບົດໂອ້ລົມຂອງທ່ານ ບຸນທອງ ຈິດມະນີ, ກໍາມະການກົມການ ເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າຕ້ານການສໍ້ລາດບັງຫຼວງຂັ້ນສູນກາງ ຕໍ່ວຽກງານກວດກາທົ່ວປະເທດປະຈຳປີ 2017.

ການເຜີຍແຜ່ເອກະສານຕ່າງໆດັ່ງທີ່ກ່າວມານັ້ນ ເພື່ອໃຫ້ພະນັກງານ ກວຕ ໄດ້ເຊື່ອມຊຶມ ບັນດາເນື້ອໃນເອກະສານ ແລ້ວນຳໄປຜັນຂະຫຍາຍ ແລະ ຈັດຕັ້ງປະຕິບັດຕາມ ໜ້າທີ່ຂອງຕົນໃຫ້ປາກົດຜົນເປັນຈິງ.

ຄະນະພັກ-ຄະນະນຳຂອງກະຊວງ, ບັນດາສະມາຊິກພັກ ແລະ ພະນັກງານຫຼັກແຫ່ງ ພາຍໃນ ກວຕ 200 ກວ່າຄົນ ເຂົ້າຮ່ວມກອງປະຊຸມຄັ້ງນີ້.


ຮູບພາບ: ບາລະຄອນ ສຸວັນນະພາສີ

ບົດຂ່າວ: ບຸນທັນ ນັນທະວົງ

altaltaltaltaltalt