Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ຍ້ອງຍໍນັັກຮຽນ ແລະ ຄູອາຈານ ເຂົ້າຮ່ວມແຂ່ງ ຂັນກິດຈະກໍາທາງ ດ້ານວິທະຍາສາດ ແລະ ເຕັກໂນໂລຊີ

ຍ້ອງຍໍນັັກຮຽນ ແລະ ຄູອາຈານ ເຂົ້າຮ່ວມແຂ່ງ ຂັນກິດຈະກໍາທາງ ດ້ານວິທະຍາສາດ ແລະ ເຕັກໂນໂລຊີ

altກະຊວງວິທະຍາສາດ ແລະ ເຕັກໂນໂລຊີ (ກວຕ) ຈັດພິທີຍ້ອງຍໍນັັກຮຽນ ແລະ ຄູອາຈານ ເຂົ້າຮ່ວມແຂ່ງ ຂັນກິດ

ຈະກຳວິທະຍາສາດ ແລະ ເຕັກໂນໂລຊີ ພາຍໃຕ້ໂຄງການຕັ້ງຄ້າຍ ແລະ ກອງປະຊຸມສຳມະນາກ່ຽວກັບນັກຮຽນ ທີ່ມີພອນສະຫວັນທາງດ້ານວິທະຍາສາດ ຄັ້ງທີ 9 ໃນວັນທີ 8 ກຸມພາ 2018 ທີ່ຜ່ານມາ ຊຶ່ງໄດ້ຮັບກຽດການເຂົ້າ ຮ່ວມຂອງ ທ່ານ ຫຸມພັນ ອິນທະຣາດ, ຮອງລັດຖະມົນຕີ ກວຕ; ທ່ານ ປອ. ຄໍາເພັດ ວົົງດາລາ, ຮັກສາການຫົວ ໜ້າກົມແຜນການ ແລະ ຮ່ວມມື, ບັນດາຫົວໜ້າກົມ, ສະຖາບັນ, ຜູ້ອໍານວຍການໂຮງຮຽນກຽດຕິສັກ ນານາຊາດ ແລະ ພໍ່ແມ່-ຜູ້ປົກຄອງ.

ກິດຈະກຳໂຄງການຕັ້ງຄ້າຍ ແລະ ກອງປະຊຸມສຳມະນາກ່ຽວກັບນັກຮຽນທີ່ມີພອນສະຫວັນທາງດ້ານ ວິທະຍາສາດ ຄັ້ງທີ 9 (9th ASEAN+3 Student Camp and Teacher Workshop for the Gifted in Science) ໄດ້ຈັດຂຶ້ນໃນລະຫວ່າງວັນທີ 5-12 ມັງກອນ 2018 ທີ່ຜ່ານມາຢູ່ ເມືອງຊູວອນ, ສ. ເກົາຫຼີ ມີນັກຮຽນ ແລະ ຄູອາຈານເຂົ້າຮ່ວມຈາກ 9 ປະເທດ ຄື: ລາວ, ກໍາປູເຈຍ, ອິນໂດເນເຊຍ, ຟີລິບປີນ, ສິງກະໂປ, ໄຕ້ຫວັນ, ໄທ, ຫວຽດນາມ, ສ ເກົາຫຼີ ແລະ ສປ ຈີນ ທັງໝົດ 114 ຄົນ, ນັກຮຽນ 77 ຄົນ, ຄູນໍາພາ ແລະ ຜູ້ສັງເກດການ 37 ຄົນ. ສຳລັບ ສປປ ລາວ ມີຜູ້ເຂົ້າຮ່ວມ 10 ຄົນ ຈາກ ກວຕ 1 ຄົນ, ນັກຮຽນ 8 ຄົນ ແລະ ຄູນໍາພາ 1 ຄົນຈາກ ໂຮງຮຽນ ກຽດຕິສັກ ນານາຊາດ.

ຈຸດປະສົງຂອງໂຄງການດັ່ງກ່າວ ແມ່ນເປີດໂອກາດສ້າງສາຍພົວພັນອັນດີ ແລະ ການສ້າງເຄືອຂ່າຍນັກຄົ້ນຄວ້າກັບບັນດານັກຮຽນໃນຂົງເຂດພາກພຶ້ນ, ແລກ ປ່ຽນຂໍ້ມູນຂ່າວສານ ແລະ ບົດຮຽນດ້ານການຄົ້ນຄວ້າວິທະຍາສາດ, ກໍ່ສ້າງ ແລະ ສົ່ງເສີມພັດທະນາຊັບພະຍາກອນມະນຸດດ້ານການຄົ້ນຄວ້າວິທະຍາສາດ, ຍົກລະດັບ ຄວາມຮູ້ຄວາມສາມາດ, ສ້າງຈິດສໍານຶກ ແລະ ແຮງຈູງໃຈນ້ອງນັກຮຽນທີ່ຈະກ້າວເຂົ້າໄປເປັນນັກຄົ້ນຄວ້າວິທະຍາສາດ ແລະ ເຕັກໂນໂລຊີໃນອະນາຄົດ.

ຜ່ານການເຂົ້າຮ່ວມກິດຈະກຳດັ່ງກ່າວ, ນັກຮຽນຈາກ ສປປ ລາວ ສາມາດຍາດມາໄດ້ 2 ຫຼຽນຄຳ ມີທ້າວ ວິນລ່ຽມ ສະເໜ່ຫາ ບຣີນ ແລະ ທ້າວ ເດດວາລັບ ຟາແມນ; 3 ຫຼຽນເງິນ ມີທ້າວ ເພັດມີໄຊ ດວງດາລາ, ທ້າວ ນັນທະວຸດ ທອງອຸດົມສະກຸນ ແລະ ທ້າວ ວຸດທິພົງ ສຸລິວົງ ແລະ 3 ຫຼຽນທອງ ມີທ້າວ ສຸພາກອນ ວົງດາລາ, ທ້າວ ອາລິຍະ ຣາຊະພົນ ແລະ ທ້າວ ວົງສະຫວັນ ສີດາໄຊ.

ພາບ ແລະ ຂ່າວ: ບຸນທັນ ນັນທະວົງ

altaltaltaltaltalt