ເຜີຍແຜ່ຜົນສຳເລັດໂຄງການຄົ້ນຄວ້າ ເຄື່ອງຢອດ ເມັດເຂົ້າສຳລັບນາໂນນ

Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ເຜີຍແຜ່ຜົນສຳເລັດໂຄງການຄົ້ນຄວ້າ ເຄື່ອງຢອດ ເມັດເຂົ້າສຳລັບນາໂນນ

ເຜີຍແຜ່ຜົນສຳເລັດໂຄງການຄົ້ນຄວ້າ ເຄື່ອງຢອດ ເມັດເຂົ້າສຳລັບນາໂນນ

altສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໃນນາມ

ເປັນເຈົ້າຂອງໂຄງການ ຄົ້ນຄວ້າເຄື່ອງຢອດເມັດເຂົ້າສຳລັບນາໂນນ ຊຶ່ງໄດ້ຮັບງົບປະມານຈາກໂຄງການຄົ້ນຄວ້າ ວິທະຍາສາດ ສົກປີ 2012-2013 ໄດ້ຈັດການຝຶກອົບຮົມການທົດລອງນໍາໃຊ້ຜົນສຳເລັດຂອງ ໂຄງການຄົ້ນຄວ້າ ເຄື່ອງຢອດເມັດເຂົ້າສຳລັບນາໂນນໃນວັນທີ 5 ກຸມພາ 2018 ທີ່ຜ່ານມາ ຢູ່ ສະຖາບັນດັ່ງກ່າວ.

ຈຸດປະສົງຂອງໂຄງການຄົ້ນຄວ້ານີ້ ເພື່ອເປັນໂຄງການຕົວແບບທີ່ສາມາດຊ່ວຍຫຼຸດຜ່ອນແຮງງານ ແລະ ຂັ້ນຕອນໃນການປູກເຂົ້າ, ທັງເປັນການສົ່ງເສີມນັກວິຊາການຂອງລາວໃຫ້ມີຫົວຄິດປະດິດສ້າງ ແລະ ມີຄວາມຮູ້ ຄວາມສາມາດທາງດ້ານເຕັກນິກໃໝ່ໆ ຮັບໃຊ້ເຂົ້າໃນຂະບວນການຜະລິດ ພ້ອມທັງເປັນການສົ່ງເສີມການສ້າງ ຄວາມເຂັ້ມແຂງທາງດ້ານວິຊາການໃຫ້ແກ່ພະນັກງານທ້ອງຖິ່ນ ແລະ ຊາວກະຊິກອນ.

ທ່ານ ນາງ ໄມຕີ ວົງຄຳຊາວ, ຫົວໜ້າສະຖາບັນພະລັງງານທົດແທນ ແລະ ວັດສະດຸໃໝ່ ໃຫ້ກຽດກ່າວ ເປີດການຝຶກອົບຮົມຄັ້ງນີ້ວ່າ: ການຝຶກອົບຮົມຄັ້ງນີ້ ແມ່ນ ເຜີຍແຜ່ຜົນສຳເລັດຂອງການຄົ້ນຄວ້າໂຄງການທີ່ກ່າວ ມານັ້ນ ແລະ ຈະໄດ້ຖ່າຍທອດບົດຮຽນລວມຜ່ານການຄົ້ນຄວ້າທາງພາກທິດສະດີ, ພາກປະຕິບັດຕົວຈິງຂອງການນຳ ໃຊ້ເຄື່ອງຢອດເມັດເຂົ້າ ລວມເຖິງຂັ້ນຕອນການ ຜະລິດທີ່ມີຂັ້ນຕອນທີ່ງ່າຍ ແລະ ປະຢັດເວລາ. ການຝຶກອົບຮົມຄັ້ງນີ້ ເປີດໂອກາດໃຫ້ນັກສຳມະນາກອນ ໄດ້ແລກປ່ຽນບົດ ຮຽນເຊິ່ງກັນ ແລະ ກັນທັງພາກທິດສະດີ ແລະ ພາກປະຕິບັດຜ່ານການຄົ້ນຄວ້າໂຄງການ.

ທ່ານຫົວໜ້າສະຖາບັນ ກ່າວວ່າ: ປັດຈຸບັນ, ການເພີ່ມຂຶ້ນຂອງພົນລະເມືອງລາວ ແລະ ການຂະຫຍາຍຕົວທາງດ້ານເສດຖະກິດ ໄດ້ມີການຂະຫຍາຍຕົວຢ່າງ ວ່ອງໄວ; ປະເທດລາວ ເປັນປະເທດທີ່ອຸດົມສົມບູນທາງດ້ານຊັບພະຍາກອນທຳມະຊາດ ແລະ ສິ່ງແວດລ້ອມ ຊຶ່ງເປັນເງື່ອນໄຂສະດວກ ແລະ ເໝາະສົມທີ່ສຸດໃນປູກຝັງ, ລ້ຽງສັດ ແລະ ການຜະລິດອຸດສະຫະກຳອື່ນໆ. ສະນັ້ນ, ວຽກງານການປູກເຂົ້າກໍເປັນວຽກງານໜຶ່ງທີ່ມີຄວາມສຳຄັນ ແລະ ຂາດບໍ່ໄດ້ສຳລັບປະຊາຊົນລາວພາຍໃນປະເທດ.

ທ່ານກ່າວຕື່ມວ່າ: ປັດຈຸບັນ, ການພັດທະນາເສດຖະກິດຂອງ ສປປ ລາວ ອີງໃສ່ການກະເສດເປັນຫຼັກ ໂດຍສະເພາະ ເລີ່ມຈາກການປູກເຂົ້າເພື່ອຄ້ຳປະກັນສະ ບຽງອາຫານ ແລະ ເປັນສິນຄ້າສົ່ງຂາຍອອກຕ່າງປະເທດ, ແຕ່ພົບກັບບັນຫາການເພີ່ມຂຶ້ນຂອງປະຊາກອນທີ່ໄວຊຶ່ງຮຽກຮ້ອງຄວາມຕ້ອງການທາງດ້ານປະລິມານການບໍລິ ໂພກ ກໍສູງຂຶ້ນຕາມມາ. ດັ່ງນັ້ນ, ຈຶ່ງຕ້ອງມີການຂະຫຍາຍເນື້ອທີ່ປູກເຂົ້າເພີ່ມຂຶ້ນ, ແຕ່ໃນຕົວຈິງຈໍານວນປະຊາກອນຜູ້ປູກເຂົ້າ ຊໍ້າພັດຫຼຸດໜ້ອຍຖອຍລົງ ແລະ ຫັນໄປເຮັດ ອາຊີບອື່ນແທນ; ແຮງງານໃນວຽກງານກະສິກຳປູກເຂົ້າກໍຂາດແຄນ. ອິງຕາມການລົງເກັບກຳຂໍ້ມູນຕົວຈິງຢູ່ເຂດພາກກາງ ຄື: ແຂວງຄຳມ່ວນ, ແຂວງສະຫວັນນະເຂດ ແລະ ແຂວງອື່ນໆ ຊຶ່ງມີທ່າແຮງການປູກເຂົ້າເປັນອາຊີບ ໄດ້ປະສົບບັນຫາການຂາດແຮງງານໃນການປັກດຳຕົ້້ນກ້າ ອີກທັງເປັນນາໂນນຊຶ່ງມີຄວາມຫຍຸ້ງຍາກໃນການປັກດຳ. ສະນັ້ນ, ສະຖາບັນພະລັງງານທົດແທນ ແລະ ວັດສະດຸໃໝ່ ຈຶ່ງມີແນວຄິດສ້າງເຄື່ອງຢອດເມັດສຳລັບນາໂນນນີ້ ເພື່ອຮັບໃຊ້ຊາວກະສິກອນ ສາມາດຜະລິດເຂົ້າໄດ້ຫຼາຍຂຶ້ນ ທັງປະຢັດລາຍຈ່າຍ, ໃຊ້ແຮງງານໜ້ອຍ ແລະ ທວງທັນຕາມລະດູການຜະລິດ. ອີກດ້ານໜຶ່ງ ເປັນການສົ່ງເສີມຊາວກະສິກອນ ແລະ ປະຊາຊົນປູກເຂົ້າໃຫ້ຫຼາຍຂຶ້ນ, ຊ່ວຍ ເຂົາເຈົ້າມີລາຍຮັບເພີ່ມຂຶ້ນ ແລະ ກ້າວໄປເຖິງການຫຼຸດພົ້ນອອກຈາກຄວາມທຸກຍາກຕາມນະໂຍບາຍຂອງລັດຖະບານ.

ບັນດາສຳມະນາກອນທີ່່ມາຈາກສູນກາງ ແລະ ທ້ອງຖິ່ນ ກວ່າ 30 ຄົນ ເຂົ້າຮ່ວມການຝຶກອົບຮົມຄັ້ງນີ໊.

ພາບ ແລະ ບົດຂ່າວ: ບຸນທັນ ນັນທະວົງ

altaltalt