Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ຍົກລະດັບຄວາມສາມາດດ້ານການ ຄຸ້ມຄອງວິ ທະຍາສາດ ແລະ ເຕັກໂນໂລຊີ

ຍົກລະດັບຄວາມສາມາດດ້ານການ ຄຸ້ມຄອງວິ ທະຍາສາດ ແລະ ເຕັກໂນໂລຊີ

altສະຖາບັນການຄຸ້ມຄອງວິທະຍາສາດ ແລະ ເຕັກໂນ ໂລຊີ, ກະຊວງວິທະຍາສາດ ແລະ ເຕັກໂນໂລຊີ (ກວຕ)

ແລະ ສະຖາບັນຍຸດທະສາດ ແລະ ນະໂຍບາຍວິທະຍາສາດ ແລະ ເຕັກໂນໂລຊີ, ສສ ຫວຽດນາມ ຈັດພິທີເປີດຊຸດ ເຝິກອົບຮົມ ກ່ຽວກັບການຍົກລະດັບຄວາມອາດສາມາດດ້ານການຄຸ້ມຄອງວິທະຍາສາດ ແລະ ເຕັກໂນໂລຊີ ຂຶ້ນ ວັນທີ 5 ກຸມພາ ທີ່ ສູນເຝິກອົບຮົມພະນັກງານວິທະຍາສາດ ແລະ ເຕັກໂນໂລຊີ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ພາຍໃຕ້ການເປັນປະທານຂອງທ່ານ ບຸນຕີ ທະມິດ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ.

ທ່ານ ຮອງລັດຖະມົນຕີ ກວຕ ໃຫ້ກຽດກ່າວເປີດຊຸດຝຶກອົບຮົມຄັ້ງນີ້ວ່າ: ການຝຶກອົບຮົມຄັ້ງນີ້ ມີ ຄວາມໝາຍສຳຄັນ ເພາະວ່າ ມີຂຶ້ນໃນມື້ດຽວກັນກັບການຈັດຕັ້ງພິທີມອບ-ຮັບ ໂຄງການສ້າງສູນຝຶກອົບ ຮົມ ພະນັກງານຄຸ້ມຄອງວິທະຍາສາດ ແລະ ເຕັກໂນໂລຊີ. ສໍາລັບວຽກວິທະຍາສາດ ຂອງປະເທດເຮົາ ຍັງຢູ່ໃນໄລຍະ ເປັນບາດລ້ຽວໃໝ່ ໃນການບໍາລຸງສ້າງ, ຍົກລະດັບວິ ຊາການ-ວິຊາສະເພາະດ້ານຂົງເຂດວຽກງານວິທະຍາສາດ ແລະ ເຕັກໂນໂລຊີ ໂດຍສະເພາະຂົງເຂດວຽກງານເຕັກໂນໂລຊີ ແລະ ນະວັດຕະກໍາ ຈະໄດ້ຮັບຂໍ້ມູນຮຽນຮູ້ ແລະ ແລກປ່ຽນບົດຮຽນເຊິ່ງກັນ ແລະ ກັນ, ເປັນການສ້າງ ແລະ ປູກຈິດສໍານຶກ ຈາກບັນດານັກວິທະຍາສາດ ນັກຄົ້ນຄວ້າ ເພື່ອພ້ອມກັນສຸມສະຕິປັນຍາ ກໍາລັງແຮງອັນສໍາຄັນ ເຂົ້າໃນການຄົ້ນຄວ້າ-ພັດທະນາ ວິທະຍາສາດ ແລະ ເຕັກໂນໂລຊີ. ການພັດທະນາເຕັກໂນໂລຊີ ແລະ ນະວັດຕະກໍາ ຢູ່ ສປປ ລາວ ນັບມື້ນັບໄດ້ຮັບການຍົກລະດັບສູງຂຶ້ນ ທັງດ້ານປະລິມານ ແລະ ຄຸນນະພາບ, ເປັນການ ຈັດຕັ້ງປະຕິບັດ ແລະ ຜັນຂະຫຍາຍມະຕິ X ຂອງພັກ, ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ VIII ແລະ ແຜນພັດທະນາວິທະ ຍາສາດ ແລະ ເຕັກໂນໂລຊີ ເພື່ອໃຫ້ບັນລຸຕາມຈຸດປະສົງ ແລະ ເປົ້າໝາຍທີ່ວາງໄວ້.

ຕະຫຼອດໄລຍະການຝຶກອົບຮົມຄັ້ງນີ້, ບັນດານັກສໍາມະນາກອນ ໄດ້ຮັບຟັງການນຳສະເໜີຫົວຂໍ້ຕ່າງໆ ເຊັ່ນ: ບົດບາດ ແລະ ຄວາມສໍາຄັນຂອງວຽກງານ ວິທະ ຍາສາດ ແລະ ເຕັກໂນໂລຊີ, ໜ້າທີ່ ແລະ ບົດບາດ ຂອງເຕັກໂນໂລຊີ ແລະ ນະວັດຕະກໍາ, ການຜັນຂະຫຍາຍແຜນພັດທະນາ ແລະ ແຜນຍຸດທະສາດ, ແຜນພັດທະນາ ວຽກງານເຕັກໂນໂລຊີ ແລະ ນະວັດຕະກໍາ 2016-2020 ແລະ ການນໍາສະເໜີໂດຍລວມກ່ຽວກັບດັດສະນີ ນະວັດຕະກໍາ ທົ່ວໂລກ.

ເຂົ້າຮ່ວມການຝຶກອົບຮົມຄັ້ງນີ້ ມີສໍາມະນາກອນ 50 ຄົນ. ສ່ວນວິທະຍາກອນ ມີທັງລາວ ແລະ ຈາກ ສສ ຫວຽດນາມ.

ຂ່າວ ແລະ ຮູບ: ນາງ ທັດສະນີ ພົງບັນດິດ

altaltaltaltalt