ງານວາງສະແດງ ເຕັກໂນໂລຊີການສື່ສານຂໍ້ມູນ ຂ່າວສານ Lao ICT EXPO 2018

Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ງານວາງສະແດງ ເຕັກໂນໂລຊີການສື່ສານຂໍ້ມູນ ຂ່າວສານ Lao ICT EXPO 2018

ງານວາງສະແດງ ເຕັກໂນໂລຊີການສື່ສານຂໍ້ມູນ ຂ່າວສານ Lao ICT EXPO 2018

altງານວາງສະແດງເຕັກໂນໂລຊີ ການສື່ສານຂໍ້ມູນຂ່າວສານ Lao ICT EXPO 2018 ໄຂຂຶ້ນຢ່າງເປັນ ທາງການ

ທີ່ສູນການຄ້າລາວ-ໄອເຕັກ ໃນວັນທີ 24 ມັງກອນ 2018 ພາຍໃຕ້ຫົວຂໍ້: “ພ້ອມກັນກ້າວໄປສູ່ ການຫັນເປັນ ສັງຄົມ ດິຈິຕອນ” ຊຶ່ງໄດ້ຮັບກຽດການເຂົ້າຮ່ວມເປີດງານໂດຍ ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ແລະ ທ່ານ ປອ. ທັນສະໄໝ ກົມມະສິດ, ລັດຖະມົນຕີ ກະຊວງໄປສະນີ, ໂທລະ ຄົມມະນາຄົມ ແລະ ການສື່ສານ.

ທ່ານ ທັນສະໄໝ ກົມມະສິດ ກ່າວວ່າ: ການຈັດງານວາງສະແດງຄັ້ງນີ້ ກໍເພື່ອໃຫ້ທຸກພາກສ່ວນໃນ ສັງຄົມ ໄດ້ສຳພັດຕົວຈິງຂອງການພັດທະນາເຕັກໂນໂລຊີ ສື່ສານ ຂໍ້ມູນຂ່າສານຢູ່ ສປປ ລາວ ຊຶ່ງມີຫຼາຍພາກສ່ວນ ໄດ້ນຳມາວາງສະແດງ ແລະ ລ້ວນແລ້ວແຕ່ມີການບໍລິການ ແລະ ນຳໃຊ້ຕົວຈິງຢູ່ ສປປ ລາວ ເຊັ່ນ: ດ້ານໂທລະ ຄົມມະນາຄົມ, ດ້ານຮາດແວ ແລະ ຊອບແວ ຂອງຄອມພິວເຕີ, ເຕັກໂນໂລຊີ ຮັກສາຄວາມປອດໄພ, ລະບົບ ໂປຣແກຣມຮັບໃຊ້ ແລະ ສົ່ງເສີມການນຳໃຊ້ ໄອຊີທີ, ການບໍລິຫານ, ເອັສເອັມອີ (SME) ແລະ ສະຕາດອັບ (Start Up), ການຄ້, ການເງິນ, ການຜະລິດກະສິກຳ, ການສຶກສາ ແລະ ອື່ນໆອີກ. ນອກຈາກສິ່ງທີ່ກ່າວ ມາແລ້ວ ຍັງມີການນຳເອົານະວັດຕະກຳໃໝ່ ອອກມາວາງສະ ແດງນຳອີກ, ສະນັ້ນ, ການວາງສະແດງໃນຄັ້ງນີ້ ເປັນເວທີສຳຄັນໃນການສ້າງໂອກາດໃຫ້ແກ່ຜູ້ປະກອບການ, ຜູ້ຜະລິດ, ຜູ້ຊົມໃຊ້ ແລະ ຜູ້ຄຸ້ມຄອງເຕັກໂນໂລຊີ ຂໍ້ມູນຂ່າວ ສານ ໄດ້ແລກປ່ຽນບົດຮຽນເຊິ່ງກັນ ແລະ ກັນ ທັງຈະເປັນການພົວພັນຮ່ວມມືດ້ານການຄ້າ ແລະ ການພັດ ທະນາຮ່ວມກັນອີກ.

ທ່ານ ກ່າວວ່າ: ການພັດທະນາ ໄອຊີທີ ຢູ່ ສປປ ລາວ ກໍມີການຂະຫຍາຍຕົວຢ່າງແຂງແຮງຊຶ່ງເຫັນໄດ້ຈາກຈຳນວນຜູ້ໃຫ້ບໍລິການ ແລະ ຜູ້ຊົມໃຊ້ ເພິ່ມຂຶ້ນ ຢ່າງຕໍ່ເນື່ອງ ເຊັ່ນ: ອັດຕາຜູ້ຊົມໃຊ້ໂທລະສັບມືຖື ມີເຖິງ 100%, ຈຳນວນຜູ້ປະກອບການເພີ່ມຂຶ້ນຫລາຍກວ່າ 5.000 ບໍລິສັດ; ດ້ານພຶ້ນຖານໂຄງລ່າງ ມີການຂະຫຍາຍ ຕົວຢ່າງຕໍ່ເນື່ອງ, ສັນຍານໂທລະສັບມືຖືກວມ 91% ຂອງໝູ່ບ້ານໃນຂອບເຂດທົ່ວປະເທດ ແລະ ການຂະຫຍາຍບໍລິມາດການເຊື່ອມໂຍງເຄືອຂ່າຍອິນເຕິເນັດ ກໍນັບມື້ ນັບຫຼາຍຂຶ້ນ.

ໃນໂອກາດວາງສະແດງດັ່ງກ່າວ ຍັງມີບັນດາກອງປະຊຸມ ແລະ ສຳມະນາທີ່ໜ້າສົນໃຈໂດຍສະເພາະແມ່ນ ກອງປະຊຸມສົນທະນາຜູ້ບໍລິຫານ ໄອຊີທີ ອາຊຽນ ຄັ້ງທີ 6, ກອງປະຊຸມສົນທະນາ ຜູ້ປະກອບການ ໄອຊີທີ ອາຊີ-ປາຊີຟິກ, ກອງປະຊຸມສົນທະນາ ດິຈິຕອນ ລາວ ທີ່ມີສຳມະນາກອນຈາກບັນດາປະເທດສະມາຊິກອາຊຽນ. ພ້ອມນັ້ນ ກໍມີກິດຈະກຳທີ່ໃຫ້ທັງຄວາມຮູ້ ແລະ ຄວາມມ່ວນຊື່ນແກ່ຜູ້ເຂົ້າຮ່ວມງານ ເຊັ່ນ: ການແຂ່ງຂັນກິລາ ດິຈິຕອນ (e-Sport), ການສົ່ງເສີມເອັສເອັມອີ (SME) ແລະ ສະຕາດອັບ (Start Up) ຊຶ່ງສະເໜີໂດຍນັກພັດທະນາລາວ ທີ່ໄດ້ຮັບລາງວັນການແຂ່ງຂັນຜະລິດຕະພັນ ໄອຊີທີ ຂອງ ສປປ ລາວ ແລະ ລາງວັນໃນລະດັບ ອາຊຽນປີ 2017 (Lao ICT Award 2017 ແລະ ASEAN CIT Award 2017), ການສົ່ງເສີມການນຳໃຊ້ ໄອຊີ ທີ່ມີປະໂຫຍດຂອງໄວໜຸ່ມທີ່ສະເໜີໂດຍ ຜູ້ຊະນະ ເລີດຈາການແຂ່ງຂັນບົດຄວາມ (ພາຍໃຕ້ໂຄງການ APT Young Professionals and Students Programme) ໃນຫົວຂໍ້ ຜົນກະທົບຂອງສື່ສັງຄົມອອນລາຍ ຢູ່ ສປປລາວ ແລະ ບັນດາກິດຈະກຳຕ່າງໆ.

ເຂົ້າຮ່ວມໃນພິທີເປີດງານຄັ້ງນີ້ ມີບັນດາແຂກຖືກເຊີນຈາກກະຊວງ, ອົງການທຽບເທົ່າ, ສະຖາບັນການສຶກສາ ແລະ ບັນດາບໍລິສັດຕ່າງໆ 200 ກວ່າຄົນ.


ຂ່າວ ແລະ ຮູບ: ບຸນທັນ ນັນທະວົງ

altaltalt