Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ລາວ-ຈີນ ສືບຕໍ່ການຮ່ວມມືດ້ານວິທະຍາສາດ ແລະ ເຕັກໂນໂລຊີ ໄລຍະສອງ

ລາວ-ຈີນ ສືບຕໍ່ການຮ່ວມມືດ້ານວິທະຍາສາດ ແລະ ເຕັກໂນໂລຊີ ໄລຍະສອງ

18ພາຍຫຼັງສຳເລັດການຈັດຕັ້ງປະຕິບັດໂຄງການສ້າງຫ້ອງທົດລອງຮ່ວມມື ລາວ-ຈີນ ໃນໄລຍະທີ 1, ເພື່ອເປັນການສືບ

ຕໍ່ການຮ່ວມມືໃນການຄົ້ນຄວ້າ, ພັດທະນາ ແລະ ນຳໃຊ້ພະລັງງານທົດແທນໄລຍະສອງ (ປີ 2018-2021), ເພື່ອສືບຕໍ່ນໍາໃຊ້ຫ້ອງທົດລອງທີ່ມີຢູ່ແລ້ວ ໃຫ້ເປັນບ່ອນຈັດຝຶກອົບຮົມໃຫ້ແກ່ນັກຮຽນ, ນັກສຶກສາ ແລະ ຜູ້ທີ່ກ່ຽວຂ້ອງໄດ້ມານຳໃຊ້ໃຫ້ສາມາດຄົ້ນຄວ້າອອກມາເປັນຜະລິດຕະພັນອອກສູ່ສັງຄົມໄດ້ນຳໃຊ້ ແລະ ເປັນການສືບຕໍ່ຄົ້ນຄວ້າສ້າງບຸກຄະລາກອນໃນລະດັບປະລິນຍາໂທ, ປະລິນຍາເອກຮ່ວມກັນ.

ສະຖາບັນພະລັງງານທົດແທນ ແລະ ວັດສະດຸໃໝ່ (ສພວ), ກະຊວງວິທະຍາສາດ ແລະ ເຕັກໂນໂລຊີ ສປປ ລາວ (ກວຕ) ຮ່ວມກັບ ມະຫາວິທະຍາໄລສ້າງຄູຢູນນານ ສປ ຈີນ ໄດ້ຈັດພິທີເຊັນສັນຍາຮ່ວມມືຄົ້ນຄວ້າ, ພັດທະນາ ແລະ ນຳໃຊ້ພະລັງງານທົດແທນໃນໄລຍະທີ່ສອງ ຂຶ້ນໃນວັນທີ 9 ທັນວາ 2018, ທີ່ໂຮງແຮມລາວພາຊາ, ນະຄອນຫຼວງວຽງຈັນ, ໂດຍການໃຫ້ກຽດເປັນສັກຂີພິຍານຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກວຕ, ໃນການເຊັນສັນຍາຄັ້ງນີ້ຕາງໜ້າໃຫ້ຝ່າຍ ສປປ ລາວ ນຳໂດຍ ທ່ານ ນາງ ໄມຕີ ວົງຄຳຊາວ, ຫົວໜ້າ ສພວ, ຝ່າຍ ສປ ຈີນ ນໍາໂດຍ ທ່ານ ສຈ. ປອ. ຈຽງ ຢົງເຫວີນ, ອະທິການບໍດີມະຫາວິທະຍາໄລສ້າງຄູຢູນນານ, ເຂົ້າຮ່ວມພິທີດັ່ງກ່າວມີທ່ານ ຮອງລັດຖະມົນຕີ, ຫົວໜ້າຫ້ອງການ, ກົມ, ສະຖາບັນ ພາຍໃນ ກວຕ, ບັນດາແຂກຖືກເຊີນຈາກມະຫາວິທະຍາໄລແຫ່ງຊາດ, ກະຊວງພະລັງງານ ແລະ ບໍ່ແຮ່, ພ້ອມດ້ວຍພະນັກງານພາຍໃນ ສພວ ເຂົ້າຮ່ວມຢ່າງພ້ອມພຽງ.

ຈຸດປະສົງຂອງການຈັດເຊັນສັນຍາໃນຄັ້ງນີ້ແມ່ນ ເພື່ອເປັນການສືບຕໍ່ຮ່ວມມືກັນຄົ້ນຄວ້າ, ພັດທະນາ ແລະ ສົ່ງເສີມໃຫ້ສັງຄົມໄດ້ຮັບຮູ້ເຖິງຜົນປະໂຫຍດຂອງການນຳໃຊ້ພະລັງງານທົດແທນ ເຂົ້າໃນການພັດທະນາເສດຖະກິດ-ສັງຄົມ ໃຫ້ໄປຕາມທິດການພັດທະນາສີຂຽວແບບຢືນຍົງ, ເພີ່ມທະວີມູນເຊື້ອມິດຕະພາບລະຫວ່າງສອງປະເທດ ແລະ ການຮ່ວມມືດ້ານວິທະຍາສາດ ແລະ ເຕັກໂນໂລຊີ, ການພັດທະນາ ແລະ ນຳໃຊ້ພະລັງງານທົດແທນຂອງທັງສອງປະເທດ, ເນັ້ນໃສ່ການພັດທະນາ ແລະ ນຳໃຊພະລັງງານທົດແທນເປັນຫຼັກ, ເພື່ອເສີມຂະຫຍາຍຄວາມອາດສາມາດຂອງການນຳໃຊ້ພະລັງງານທົດແທນຢູ່ໃນລາວ ແລະ ເນັ້ນການສ້າງຊັບພະຍາກອນມະນຸດທີ່ມີລະດັບສູງ, ດຳເນີນການຖ່າຍທອດເຕັກໂນໂລຊີ, ຮ່ວມກັນຄົ້ນຄວ້າ ແລະ ພັດທະນາຢ່າງຕັ້ງໜ້າ, ດຳເນີນງານດ້ານອຸດສາຫະກຳພະລັງງານທົດແທນ ແລະ ການສາທິດນຳໃຊ້, ບັນລຸການນຳໃຊ້ພະລັງງານເສດຖະກິດຄາບອນຕ່ຳ ແລະ ການພັດທະນາແບບຢືນຢົງ ແລະ ມີບົດບາດສຳຄັນໃນການຊຸກຍູ້ພັດທະນາສັງຄົມ, ເສີມສ້າງຄວາມກ້າວໜ້າທາງດ້ານເຕັກໂນໂລຊີ, ເພີ່ມທະວີດ້ານການເຕີບໂຕຂອງເສດຖະກິດພາຍໃນພາກພື້ນ, ສົ່ງເສີມການຮ່ວມມື ແລະ ຊ່ວຍເຫຼືອເຊິ່ງກັານ ແລະ ກັນ.

ຮູບພາບ: ບຸນທັນ ນັນທະວົງ

ບົດຂ່າວ: ພິພາວັນ ໄຊສົງຄາມ


201719