Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ໜ່ວຍສະຫະພັນແມ່ຍິງ ພະແນກ ວ ຕ ແຂວງ ສະຫວັນນະເຂດ ເປີດກອງປະຊຸມໃຫຍ່ ຄັ້ງທີ II

ໜ່ວຍສະຫະພັນແມ່ຍິງ ພະແນກ ວ ຕ ແຂວງ ສະຫວັນນະເຂດ ເປີດກອງປະຊຸມໃຫຍ່ ຄັ້ງທີ II

alt

ໃນວັນທີ 26 ທັນວາ 2017, ໜ່ວຍສະຫະພັນ ແມ່ຍິງພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ

ສະຫວັນນະເຂດ ໄດ້ຈັດກອງປະຊຸມໃຫຍ່ ຄັ້ງທີ II ຂື້ນຢ່າງເປັນທາງການ ໂດຍການໃຫ້ກຽດເປັນປະທານຮ່ວມ ຂອງທ່ານ ທັນໃດ ຈັນຊົມພູ, ຮອງເລຂາພັກພະແນກ, ຫົວໜ້າ ພວຕ ແລະ ທ່ານ ນາງ ແກ້ວພອນ ເກດຕະວົງ, ຮອງປະທານສະຫະພັນແມ່ຍິງ ແຂວງສະຫວັນນະເຂດ.

ໂອກາດນີ້, ທ່ານ ນາງ ດາລາຄໍາ ລິນຊົມພູ, ປະທານໜ່ວຍສະຫະພັນແມ່ຍິງ ພວຕ ຄົນເກົ່າ ໄດ້ຂຶ້ນ ຜ່ານຂໍ້ຕົກລົງການຈັດກອງປະຊຸມຄັ້ງນີ້ ແລະ ສະເໜີບົດລາຍງານການເມືອງ ແລະ ທິດທາງແຜນການຕໍ່ໜ້າຂອງ ໜ່ວຍສະຫະພັນແມ່ຍິງ ພວຕ.

ບົດລາຍງານການເມືອງ ໄດ້ຍົກໃຫ້ເຫັນສະມາຊິກໜ່ວຍສະຫະພັນແມ່ຍິງພາຍໃນພະແນກ ໄດ້ສຸມໃສ່ ຈັດຕັ້ງປະຕິບັດຂໍ້ແຂ່ງຂັນຢ່າງຕັ້ງໜ້າ ໃນການຍົກລະດັບຄວາມຮູ້ ແລະ ຄວາມສາມາດ ດ້ານຕ່າງໆ, ວຽກງານວິຊາ ສະເພາະ ແລະ ການຝຶກຝົນເປັນພົນລະເມືອງດີ, ສຶກສາ ອົບຮົມເອື້ອຍນ້ອງພາຍໃນໜ່ວຍໃຫ້ມີຄວາມຕື່ນຕົວ ແລະ ຮັກສາໄວ້ມູນເຊື້ອອັນດີງາມ. ຜ່ານການເຄື່ອນໄຫວຂອງໜ່ວຍສະຫະພັນແມ່ຍິງ ພວຕ ແຂວງໃນໄລຍະຜ່ານມາ, ສະມາຊິກສະຫະພັນແມ່ຍິງ ຈຳນວນ 07 ສະຫາຍ ໄດ້ຮັບໃບຍ້ອງຍໍເປັນສະມາຊິກແມ່ຍິງຜູ້ມີຜົນງານດີເດັ່ນ.

ໂອກາດຽວກັນນີ້, ກອງປະຊຸມ ໄດ້ປ່ອນບັດເລືອກຕັ້ງເອົາຄະນະໜ່ວຍສະຫະພັນແມ່ຍິງພະແນກຊຸດໃໝ່ ຊຶ່ງມີຜູ້ລົງຮັບສະໝັກ ຈຳນວນ 5 ສະຫາຍ, ເລືອກເອົາ 3 ສະຫາຍ. ຜ່ານການປ່ອນບັດດັ່ງກ່າວ, ສະຫາຍ ນາງ ຄຳປະສົງ ຄຳມຸງຄຸນ ໄດ້ຮັບເລືອກເປັນປະທານໜ່ວຍສະຫະພັນແມ່ຍິງຄົນໃໝ່, ສະຫາຍ ນາງ ຄຸນມີ ນາມປັນຍາ ເປັນຮອງປະທານໜ່ວຍ ແລະ ສະຫາຍ ນາງ ອຳພາພອນ ວໍລະທຳນຽມ ເປັນຜູ້ກວດກາ.

ເຂົ້າຮ່ວມກອງປະຊຸມຄັ້ງນີ້ ມີບັນດາອົງການຈັດຕັ້ງມະຫາຊົນພາຍໃນພະແນກ ພ້ອມທັງແຂກທີ່ຖືກເຊີນ ແລະ ສະມາຊິກສະຫະພັນແມ່ຍິງພາຍໃນໜ່ວຍ ເຂົ້าຮ່ວມຢ່າງພ້ອມພຽງ.

ພວຕ ແຂວງ ສະຫວັນນະເຂດ

altaltalt