Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ລັດຖະມົນຕີ ກວຕ ຕ້ອນຮັບການເຂົ້າຢ້ຽມຂ່ຳ ນັບອະທິການບໍດີ ມະຫາວິທະຍາໄລສ້າງຄູ ຢູນນານ

ລັດຖະມົນຕີ ກວຕ ຕ້ອນຮັບການເຂົ້າຢ້ຽມຂ່ຳ ນັບອະທິການບໍດີ ມະຫາວິທະຍາໄລສ້າງຄູ ຢູນນານ

altທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ໃຫ້

ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ສຈ. ດຣ. ຈຽງ ຢົງເຫວິນ, ອະທິການບໍດີມະຫາວິທະຍາໄລ ສ້າງຄູ ຢູນນານ, ສປ ຈີນ ໃນຕອນບ່າຍຂອງ ວັນທີ 9 ມັງກອນ 2018 ນີ້.

ທ່ານ ອະທິການບໍດີມະຫາວິທະຍາໄລ ມະຫາວິທະຍາໄລດັ່ງກ່າວ ເຂົ້າຢ້ຽມຂໍ່ານັບທ່ານ ລັດຖະມົນຕີ ເພື່ອລາຍງານສະພາບການຈັດຕັ້ງປະຕິບັດການຮ່ວມມື ລະຫວ່າງ ກວຕ ແລະ ມະຫາວິທະຍາໄລ ສ້າງຄູ ຢູນນານ ໃນຂະນະນີ້ ເຊັ່ນ: ວຽກງານພະລັງງານທົດແທນ ແລະ ວັດສະດຸໃໝ່; ທັງສອງຝ່າຍ ຈະໄດ້ປຶກສາຫາລືກັນກ່ຽວ ກັບການຮ່ວມມືໃນອະນາຄົດ ເຊັ່ນ: ການສ້າງຊັບພະຍາກອນມະນຸດໃຫ້ແກ່ ສປປ ລາວ; ການສ້າງໂຮງຮຽນວິຊາ ຊີບ ຢູ່ ສປປ ລາວ; ສືບຕໍ່ຂະຫຍາຍຜົນຂອງການຄົ້ນຄວ້າໃຫ້ສາມາດນຳໃຊ້ເຂົ້າໃນຊີວິດປະຈຳວັນໃຫ້ຫຼາຍຂຶ້ນ ໂດຍສະເພາະແມ່ນ ການນຳໃຊ້ເຕົາປະຢັດ, ຜະລິດຕະພັນພະລັງງານທົດແທນ ແລະ ເຄື່ອງເຮັດນ້ຳຮ້ອນໃຫ້ໄດ້ ມາດຕະຖານ ຂອງ ສປປ ລາວ.

ໂອກາດດຽວກັນ, ທ່ານ ລັດຖະມົນຕີ ໄດ້ຊົມເຊີຍຕໍ່ຜົນງານທີ່່ມະຫາວິທະຍາໄລ ໃຫ້ການຮ່ວມມືໃນໄລຍະຜ່ານມາ ໂດຍສະເພາະແມ່ນ ການພັດທະນາຊັບ ພະຍາກອນມະນຸດ, ການຮ່ວມມືດ້ານການຄົ້ນຄວ້າ ແລະ ສາມາດນຳຜົນສຳເລັດຂອງການຄົ້ນຄວ້າໄປຊ່ວຍບັນດາໂຮງໝໍ, ໂຮງຮຽນຢູ່ຫຼາຍແຫ່ງ. ຜົນສຳເລັດດັ່ງກ່າວ ເປັນ ສ່ວນໜຶ່ງຂອງການຮ່ວມມືລະຫວ່າງລາວ-ຈີນ ເວົ້າລວມ, ເວົ້າສະເພາະ ແມ່ນການຮ່ວມມື ລະຫວ່າງ ກວຕ ແລະ ມະຫາວິທະຍາໄລສ້າງຄູ ຢູນນານ.

ທ່ານກ່າວຕື່ມອີກວ່າ: ວຽກງານວິທະຍາສາດ ແລະ ເຕັກໂນໂລຊີ ເປັນວຽກງານທີ່ມີຄວາມສຳຄັນຕໍ່ການຈັດຕັ້ງປະຕິບັດ “ໜຶ່ງແລວທາງໜຶ່ງເສັ້ນທາງ” ຂອງ ສປ ຈີນ ແລະ ທັງເປັນການຈັດຕັ້ງປະຕິບັດ ສາຍພົວພັນ ລະຫວ່າງ ລາວ-ຈີນ ທີ່ເປັນສາຍພົວພັນຄູ່ຮ່ວມຍຸດທະສາດຮອບດ້ານ ໄດ້ມີການເຕີບໃຫຍ່ຂະຫຍາຍຕົວຂຶ້ນຢ່າງ ບໍ່ຢຸດຢັ້ງ ຊຶ່ງທັງສອງພັກ ແລະ ລັດຖະບານຂອງສອງປະເທດ ລາວ-ຈີນ ກໍໄດ້ໃຫ້ຄວາມສຳຄັນເປັນຢ່າງສູງຕໍ່ການພັດທະນາ ໃນຂົງເຂດ ວິທະຍາສາດ ແລະ ເຕັກໂນໂລຊີ ໃຫ້ເປັນກຳລັງແຮງຂັບເຄື່ອນໃຫ້ການພັດທະນາປະເທດ ກໍຄືການຫັນປະເທດເປັນອຸດສາຫະກຳ ແລະ ຫັນເປັນທັນສະໄໝເທື່ອລະກ້າວ ແລະ ນຳຜົນປະໂຫຍດສູງສຸດ ມາສູ່ປະຊາຊົນ ສອງຊາດ ລາວ-ຈີນ.

ບົດຂ່າວ: ບຸນທັນ ນັນທະວົງ

altaltalt