Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ໜ່ວຍພັກ ພວຕ ແຂວງ ຫຼວງພະບາງ ເລື່ອນສະມາຊິກພັກ

ໜ່ວຍພັກ ພວຕ ແຂວງ ຫຼວງພະບາງ ເລື່ອນສະມາຊິກພັກ

altຕອນເຊົ້າວັນທີ 20 ທັນວາ 2017 ທີ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງຫຼວງ

ພະບາງ ໄດ້ຈັດພິທີເລື່ອນສະມາຊິກພັກສໍາຮອງ ຂຶ້ນເປັນສະມາຊິກພັກສົມບູນ ແລະ ຮັບເອົາມະຫາຊົນຜູ້ກ້າວ ໜ້າເຂົ້າເປັນສະມາຊິກພັກສໍາຮອງ ໂດຍການເປັນປະທານຂອງ ສະຫາຍ ສິງຄໍາ ພົມມະລັດ, ເລຂາໜ່ວຍພັກ, ຫົວໜ້າພະແນກ ວິທະຍາສາດ ແລະ ເຕັກໂນໂລຊີ.

ພິທີດັ່ງກ່າວ ໄດ້ຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ 4 ສະຫາຍ ແລະ ເລື່ອນສະ ມາຊິກພັກສໍາຮອງຂຶ້ນເປັນສົມບູນ 4 ສະຫາຍ ພາຍຫຼັງທີ່ເລຂາໜ່ວຍພັກ ພວຕ ແຂວງ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການເລື່ອນສະມາຊິກພັກສໍາຮອງຂຶ້ນເປັນສົມບູນ ແລະ ຮັບເອົາມະຫາຊົນ ກ້າວໜ້າເຂົ້າເປັນສະມາຊິກພັກສໍາຮອງ. ການຮັບມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ແລະ ເລື່ອນ ສະມາຊິກພັກສຳຮອງຂຶ້ນເປັນສະມາຊິກສົມບູນ ເປັນການປະຕິບັດຕາມກົດລະບຽບຂອງ ພັກປະຊາຊົນປະຕິວັດ ລາວ.

ໂອກາດນີ້, ສະຫາຍ ສິງຄໍາ ພົມລະລັດ, ເລຂາໜ່ວຍພັກ ພວຕ ທ່ານໄດ້ເນັ້ນສະມາຊິກພັກທຸກສະຫາຍເອົາໃຈໃສ່ຄົ້ນຄວ້າຮໍ່າຮຽນກົດລະບຽບຂອງພັກ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນ, ຕັ້ງໜ້າເຮັດລ້ອນໜ້າທີ່ທີ່ການຈັດມອບໝາຍໃຫ້.

ຕອນບ່າຍຂອງວັນດຽວກັນ, ຄະນະຮັບຜິດຊອບພິທີ ໄດ້ຈັດພິທີມອບບັດສະມາຊິກພັກໃຫ້ສະມາຊິກສົມບູນ ແລະ ມອບໃບຢັ້ງຢືນເປັນໜ່ວຍພັກແຂງ-ຮູ້ນໍາພາ ຮອບດ້ານ ຄັ້ງທີ I ປະຈໍາປີ 2016 ໃຫ້ແກ່ໜ່ວຍພັກ ພວຕ ແຂວງ ຫຼວງພະບາງ ເພື່ອເປັນການຕີລາຄາ ແລະ ຈັດປະເພດໜ່ວຍພັກຜ່ານການເຄື່ອນໄຫວໃນໄລຍະຜ່ານມາ.

ຜູ້ເຂົ້າຮ່ວມພິທີຄັ້ງນີ້ ຍັງໄດ້ຮັບຟັງບົດສະຫຼຸບ ແລະ ທິດທາງແຜນການສູ້ຊົນຂອງພະແນກ.

ໂອກາດດຽວກັນນີ້, ສະຫາຍ ບົວທອງ ແພງສະຫວັນ, ຮອງເລຂາພັກແຂວງ ໄດ້ມີຄໍາເຫັນໂດຍ ຮຽກຮ້ອງໃຫ້ສະມາຊິກພັກທຸກສະຫາຍ ຈົ່ງເພີ່ມທະວີການສຶກ ສາອົບຮົມທາງດ້ານການເມືອງແນວຄິດ, ເຊື່ອມຊຶມແນວທາງນະໂຍບາຍຂອງພັກ ກົດໝາຍຂອງລັດຢ່າງເລິກເຊິ່ງ ແລະ ປະຕິບັດໜ້າທີ່ຂອງຕົນໃຫ້ບັນລຸຜົນສໍາເລັດ.

ເຂົ້າຮ່ວມພິທີຄັ້ງນີ້ ມີສະຫາຍ ບົວທອງ ແພງສະຫວັນ, ຮອງເລຂາພັກແຂວງ, ຕາງໜ້າຄະນະຈັດຕັ້ງແຂວງ ແລະ ຕາງໜ້າກຸ່ມເສດຖະກິດ ພ້ອມດ້ວຍສະມາ ຊິກພັກສໍາຮອງ, ສົມບູນ ແລະ ພະນັກງານທັງໝົດ ຈໍານວນ 30 ສະຫາຍ.

ຂ່າວ ແລະ ຮູບ: ພວຕ ແຂວງ ຫຼວງພະບາງ

alt

alt

alt