Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ກອງປະຊຸມປຶກສາຫາລື ແລະ ປະກອບຄຳເຫັນ ກ່ຽວກັບ ວຽກງານ ຊັບສີນທາງປັນຍາ, ມາດ ຕະຖານ ແລະ ວັດແທກ ຢູ່ແຂວງຜົ້ງສາລີ

ກອງປະຊຸມປຶກສາຫາລື ແລະ ປະກອບຄຳເຫັນ ກ່ຽວກັບ ວຽກງານ ຊັບສີນທາງປັນຍາ, ມາດ ຕະຖານ ແລະ ວັດແທກ ຢູ່ແຂວງຜົ້ງສາລີ

altໃນວັນທີ 3 ພະຈິກ 2017 ຜ່ານມານີ້, ຂະແໜງ ຊັບສີນທາງປັນຍາ, ມາດຕະຖານ ແລະ ວັດແທກ, ພະແນກ

ວິທະຍາສາດ ແລະ ເຕັກໂນໂລຊີ (ພວຕ) ແຂວງ ຜົ້ງສາລີ ໄດ້ເປີດກອງປະຊຸມປືກສາຫາລືກ່ຽວກັບ ວຽກງານຊັບ ສີນທາງປັນຍາ, ມາດຕະຖານ ແລະ ວັດແທກ ຂື້ນຢ່າງເປັນທາງການທີ່ຫ້ອງປະຊຸມຄະນະປະຈຳພັກແຂວງ ໂດຍ ໃຫ້ກຽດເຂົ້າຮ່ວມເປັນປະທານຂອງ ທ່ານ ຄຳຜອຍ ວັນນະສານ, ຮອງເຈົ້າແຂວງ, ຜູ້ຊີ້ນຳວຽກງານຂົງເຂດເສດ ຖະກິດ.

ຈຸດປະສົງຂອງການເປີດກອງປະຊຸມຄັ້ງນີ້ ກໍເພື່ອເຮັດໃຫ້ການພັດທະນາວຽກງານ ຊັບສິນທາງປັນຍາ, ມາດຕະຖານ ແລະ ວັດແທກ ກໍຄືການຈົດທະບຽນເຄື່ອງໝາຍການຄ້າ, ສິດທິກ່ຽວກັບລີຂະສິດ,ການຜະລິດ, ແບບອຸດສາຫະກໍາ, ການກວດກາ ມາດຕະຖານໃນການບໍລິການຕ່າງໆ ເຊັ່ນ: ປະເພດພາຫະນະ ແລະ ສີນຄ້າຫຸ້ມ ຫໍ ຕາມພາລະບົດບາດ.

ໂອກາດນີ້, ທ່ານ ທອງເລົາ ວົງອີນຄຳ, ເລຂາໜ່ວຍພັກ, ຫົວໜ້າ ພວຕ ແຂວງ ໄດ້ຜ່ານບົດສະຫຼຸບລາຍ ງານຫຍໍ້ສະພາບການເຄື່ອນໄຫວ ຈັດຕັ້ງປະຕິບັດວຽກ ງານຊັບສີນທາງປັນຍາ, ມາດຕະຖານ ແລະ ວັດແທກ ໃນໄລຍະຜ່ານມາ; ບົດສະຫຼຸບ ຍົກໃຫ້ເຫັນຜົນສຳເລັດໃນ ຫລາຍໆດ້ານ ຕໍ່ກອງປະຊຸມນີ້, ທ່ານປະທານກອງປະຊຸມ ໄດ້ຕັ້ງຄຳຖາມເຈາະຈິ້ມ ເພື່ອພ້ອມກັນຄົ້ນຄວ້າ, ປຶກສາຫາລື.

ໂອກາດດຽວກັນນັ້ນ, ແຕ່ລະພາກສ່ວນ ໄດ້ປະກອບຄໍາເຫັນ ເພື່ອຖອດຖອນບົດຮຽນດ້ານດີ ແລະ ສຸມໃສ່ແກ້ໄຂດ້ານອ່ອນ ແລະ ຂໍ້ຄົງຄ້າງໃນການຈັດຕັ້ງປະ ຕິບັດ ວຽກງານຊັບສິນທາງປັນຍາໃນຊຸມປີຕໍ່ໜ້າໃຫ້ດີຂຶ້ນກວ່າເກົ່າ.

ໃນຕອນທ້າຍຂອງກອງປະຊຸມ, ທ່ານ ຄຳຜອຍ ວັນນະສານ, ຮອງເຈົ້າແຂວງ, ຜູ້ຊີ້ນຳວຽກງານຂົງເຂດເສດຖະກິດ ກໍໄດ້ສັງລວມ ແລະ ຕີລາຄາກ່ຽວກັບກອງ ປະຊຸມຄັ້ງນີ້ວ່າ: ໃຫ້ພາກສ່ວນກ່ຽວຂ້ອງເພີ່ມທະວີກຳແໜ້ນ ບັນດາກົດໝາຍຊັບສີນທາງປັນຍາ, ມາດຕະຖານ ແລະ ວັດແທກ, ນິຕິກຳ ເພື່ອເປັນບ່ອນອີງໃນການຈັດຕັ້ງ ປະຕິບັດວຽກງານໃນຕໍ່ໜ້າ.

ກອງປະຊຸມດັ່ງກ່າວ ໄດ້ດຳເນີນໄປເປັນເວລາໜື່ງວັນຊຶ່ງມີຜູ້ເຂົ້າຮ່ວມຈາກ ຄະນະກຳມະການຄຸ້ມຄອງ, ຕິດຕາມວຽກງານຊັບສີນທາງປັນຍາ, ມາດຕະຖານ ແລະ ວັດແທກ 17 ທ່ານ ພ້ອມດ້ວຍພະນັກງານກ່ຽວຂ້ອງພາຍໃນພະແນກ.

ຂ່າວ ແລະ ຮູບ: ນ ສຸວອນ ດວງພະຈັນ

ຂະແໜງເຕັກໂນໂລຊີ ຂໍ້ມູນຂ່າວສານ ພວຕ ແຂວງຜົ້ງສາລີ

ເບີຕິດຕໍ່: 02099876612

alt