Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ເຊື່ອມຊຶມມະຕິກອງປະຊຸມຄົບຄະນະບໍລິຫານ ງານສູນກາງພັກ ຄັ້ງທີ 5 ສະໄໝທີ X

ເຊື່ອມຊຶມມະຕິກອງປະຊຸມຄົບຄະນະບໍລິຫານ ງານສູນກາງພັກ ຄັ້ງທີ 5 ສະໄໝທີ X

altວັນທີ 16 ພະຈິກ 2017 ທີ່ກະຊວງວິທະຍາສາດ ແລະ ເຕັກໂນໂລຊີ (ກວຕ), ຄະນະພັກ ແລະ ສະມາ ຊິກພັກ

ກວຕ ໄດ້ເຊື່ອມຊຶມມະຕິກອງປະຊຸມຄົບຄະນະຄັ້ງທີ 4 ແລະ 5 ຂອງຄະນະບໍລິຫານງານສູນກາງພັກ ສະໄໝທີ X ຊຶ່ງໃຫ້ກຽດເຜີຍແຜ່ໂດຍ ສະຫາຍ ບໍ່ວຽງຄໍາ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນ ຕີ ກວຕ.

ການເຊື່່ອມຊຶມມະຕິດັ່ງກ່າວ ກໍເພື່ອເຮັດໃຫ້ຄະນະພັກ, ສະມາຊິກພັກ ມີຄວາມເຂົ້າໃຈ, ກໍາແໜ້ນ ແລະ ເປັນເອກະພາບສູງຕໍ່ບັນດາເນື້ອໃນສຳຄັນຂອງ ມະຕິກອງປະຊຸມຄະນະບໍລິຫານງານສູນກາງພັກຄົບຄະນະ ຄັ້ງທີ 5 ສະໄໝທີ X ເພື່ອຫັນມະຕິດັ່ງກ່າວ ເປັນທິດທາງ, ວຽກງານ ແລະ ເປັນແຜນປະຕິບັດງານລະອຽດຂອງ ອົງຄະ ນະພັກແຕ່ລະຂັ້ນ, ຍົກສູງຄວາມເປັນເຈົ້າການ ແລະ ຄວາມສາມາດໃນການນຳພາທົ່ວພັກ, ທົ່ວກໍາລັງປະກອບອາ ວຸດ ແລະ ທົ່ວປວງຊົນຈັດຕັັ້ງປະຕິບັດໃຫ້ມີຜົນສໍາເລັດຢ່າງຈົບງາມ; ເພື່ອສຶກສາອົບຮົມ, ຍົກສູງຫຼັກໝັ້ນການເມືອງ ຂອງພະນັກງານ, ສະມາຊິກພັກ ແລະ ປະຊາຊົນບັນດເຜົ່າ ໃຫ້ມີຄວາມເດັດດ່ຽວໜຽວແໜ້ນ, ບໍ່ຫວັ່ນໄຫວຄອນ ແຄນຕໍ່ສະພາບການຕ່າງໆ ແລະ ສືບຕໍ່ຜັນຂະຫຍາຍໝາກຜົນເບື້ອງຕົ້ນ ຂອງການດໍາເນີນຊີວິດການເມືອງປົວແປງທົ່ວພັກ ປີ 2017 ໂດຍຕິດພັນກັບການປັບປຸງ, ບູລະ ນະກົງຈັກການຈັດຕັ້ງຕ່າງໆ, ປັບປຸງລະບອບນຳພາ, ແບບແຜນວິທີເຮັດວຽກ ແລະ ແບບແຜນດຳລົງຊີວິດ, ແກ້ໄຂປະກົດການຫຍໍ້ທໍ້ໃນການຈັດຕັ້ງ ກໍຄື ໃນຖັນແຖວ ສະມາຊິກພັກ ແລະ ພະນັກງານ.

ການເຊື່ອມຊຶມມະຕິຄັ້ງນີ້, ສະຫາຍ ເລຂາຄະນະພັກ ກວຕ ໄດ້ຍົກໃຫ້ເຫັນເຖິງຈຸດສຳຄັນຂອງມະຕິກອງປະຊຸມຄົບຄະນະຄັ້ງທີ 5 ຂອງຄະນະບໍລິຫານງານສູນ ກາງພັກ ສະໄໝທີິ X, ມະຕິ 26/ຄລສພ ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່ ແລະ ເອກະສານສົ່ງເສີມວິສາຫະກິດຂະໜາດ ນ້ອຍ ແລະ ກາງ.

ສະຫາຍເລຂາຄະນະພັກ ກ່າວວ່າ: ກອງປະຊຸມຄົບຄະນະຂອງຄະນະບໍລິຫານງານສູນພັກ ຄັ້ງທີ 5 ສະໄໝທີ X ໄດ້ຕີລາຄາຜົນຂອງການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມສູນກາງຄົບຄະນະຄັ້ງທີ 4 ຂອງຄະນະບໍລິຫານງານສູນກາງພັກສະໄໝທີ X ໃນການຈັດຕັ້ງປະຕິບັດແຕ່ລະຂົງເຂດວຽກງານ; ທິດທາງ ລວມ ແລະ ໜ້າທີ່ຈຸດສຸມໃນຕໍ່້ໜ້າ.

ເຂົ້າຮ່ວມຮັບຟັງການເຜີຍແຜ່ ແລະ ເຊື່ອມຊຶມມະຕິຄັ້ງນີ້ ມີບັນດາສະຫາຍຄະນະພັກ ແລະ ສະມາຊິກພັກ ພາຍໃນ ກວຕ.

ພາບ ແລະ ຂ່າວ: ນາງ ທັດສະນີ ພົງບັນດິດ

altaltalt