Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວການເຄື່ອນໄຫວຂອງອົງຄະນະພັກ ຮັບມະຫາຊົນກ້າວໜ້າ ເຂົ້າເປັນສະມາຊິກພັກ ສຳຮອງ

ຮັບມະຫາຊົນກ້າວໜ້າ ເຂົ້າເປັນສະມາຊິກພັກ ສຳຮອງ

altໜ່ວຍພັກຫ້ອງການ, ໜ່ວຍກົມເຕັກໂນໂລຊີ ແລະ ນະວັດຕະກຳ ແລະ ໜ່ວຍພັກ ສະຖາບັນເຕັກໂນໂລຊີ ຄອມ

ພິວເຕີ ແລະ ເອເລັກໂຕຣນິກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ຈັດພິທີຮັບເອົາມະຫາຊົນກ້າວ ໜ້າ ເຂົ້າເປັນສະມາຊິກພັກສຳຮອງ ໃນວັນທີ 16 ພະຈິກ 2017 ໂດຍການໃຫ້ກຽດເຂົ້າຮ່ວມຂອງ ສະຫາຍ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ.

ໃນພິທີດັ່ງກ່າວ, ບັນດາສະຫາຍເລຂາໜ່ວຍພັກແຕ່ລະໜ່ວຍ ໄດ້ຂື້ນຜ່ານມະຕິຕົກລົງຂອງຄະນະພັກ ກວຕ ວ່າດ້ວຍການຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງທັງໝົດ ຈຳນວນ 8 ສະຫາຍ ຊຶ່ງປະ ກອບມີ ໜ່ວຍພັກຫ້ອງການ 2 ສະຫາຍ, ໜ່ວຍກົມເຕັກໂນໂລຊີ ແລະ ນະວັດຕະກຳ 4 ສະຫາຍ ແລະ ໜ່ວຍ ພັກສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກ 2 ສະຫາຍ.

ໂອກາດນີ້, ສະຫາຍ ເລຂາຄະນະພັກ ກວຕ ກ່າວ ຊົມເຊີຍບັນດາໜ່ວຍພັກຮາກຖານແຕ່ລະໜ່ວຍ ທີ່ ໄດ້ສ້າງສະມາຊິກພັກສຳຮອງໃໝ່ ຊຶ່ງຊ່ວຍໃຫ້ໜ່ວຍພັກມີ ການເຕີບໃຫຍ່ຂະຫຍາຍຕົວ ເພື່ອກະກຽມຄວາມພ້ອມ ຮັບມືກັບວຽກງານໃໝ່ ແລະ ກ່າວ ຍ້ອງຍໍມະຫາຊົນກ້າວໜ້າ ທີ່ໄດ້ກ້າວເຂົ້າເປັນສະມາຊິກພັກສຳຮອງໃນຄັ້ງນີ້ ແລະ ໃຫ້ທິດຊີ້ນໍາຕໍ່ສະມາຊິກພັກໃໝ່ ຈົ່ງສືບຕໍ່ຝຶກຝົນ ຫຼໍ່ຫຼອມຕົນເອງຮອບດ້ານ ເພື່ອສໍາເລັດໜ້າທີ່ທີ່ການຈັດຕັ້ງມອບໝາຍໃຫ້.

ເຂົ້າຮ່ວມພິທີດັ່ງກ່າວ ມີບັນດາເລຂາໜ່ວຍພັກຫ້ອງການ, ກົມ, ສະຖາບັນ, ຕາງໜ້າສາມອົງການຈັດຕັ້ງມະຫາຊົນ ກວຕ ແລະ ບັນດາສະມາຊິກພັກພາຍໃນ ກົມກ່ຽວຂ້ອງ.

ພາບ ແລະ ບົດຂ່າວ: ບຸນທັນ ນັນທະວົງ

altaltaltaltaltaltaltaltalt