Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ພວຕ ແຂວງຫຼວງພະບາງ ແລະ ສູນວິທະຍາ ສາດ ແລະ ເຕັກໂນໂລຊີ ສປ ຈີນ ສືບຕໍ່ສົ່ງເສີມ ການຮ່ວມມືດ້ານ ວຕ

ພວຕ ແຂວງຫຼວງພະບາງ ແລະ ສູນວິທະຍາ ສາດ ແລະ ເຕັກໂນໂລຊີ ສປ ຈີນ ສືບຕໍ່ສົ່ງເສີມ ການຮ່ວມມືດ້ານ ວຕ

altພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງຫຼວງພະບາງ ໄດ້ຕ້ອນຮັບການພົບປະ ແລະ ຢ້ຽມຢາມ

ຂອງຄະນະສູນວິທະຍາສາດ ແລະ ເຕັກໂນໂລຊີ ພູເອີ, ຊຽງໄຮ, ສປ ຈີນ ໃນວັນທີ 7 ພະຈິກ 2017 ຢູ່ ຫ້ອງປະ ຊຸມ ພວຕ ແຂວງ ຫຼວງພະບາງ. ໂອກາດນີ້, ທ່ານ ສິງຄຳ ພົມມະລັດ, ຫົວໜ້າ ພວຕ ແຂວງຫຼວງພະບາງ ໃຫ້ກຽດ ຕ້ອນຄະນະດັ່ງກ່າວ.

ຈຸດປະສົງໃນການພົບປະ ແລະ ຢ້ຽມຢາມໃນຄັ້ງນີ້ ກໍເພື່ອສືບຕໍ່ສົ່ງເສີມການຮ່ວມມືທາງດ້ານເຕັກນິກ, ວິຊາການ ແລະ ສ້າງບຸກຄະລາກອນໃຫ້ແກ່ຝ່າຍລາວ. ທັງສອງຝ່າຍ ຍັງຮ່ວມກັນເຊັນບົດບັນທຶກການຮ່ວມມື ເພື່ອເປັນການສືບຕໍ່ຈັດຕັ້ງປະຕິບັດໃຫ້ເປັນຮູບປະທໍາ ແລະ ຕ່າງຝ່າຍຕ່າງ ໄດ້ຮັບຜົນປະໂຫຍດຮ່ວມກັນ.

ຜູ້ລົງນາມໃນບົດບັນທຶກດັ່ງກ່າວ, ຕາງໜ້າ ພວຕ ແຂວງຫຼວງພະບາງ, ສປປ ລາວ ແມ່ນຫົວໜ້າພະ ແນກ ວຕ ແຂວງ ແລະ ຕາງໜ້າ ສູນວິທະຍາສາດ ແລະ ເຕັກໂນໂລຊີພູເອີ, ຊຽງໄຮ ສປ ຈີນ ແມ່ນຫົວໜ້າສູນ ວິທະຍາສາດ ແລະ ເຕັກໂນໂລຊີ.

ເຂົ້າຮ່ວມເປັນສັກຂີພິຍານໃນການລົງນາມດັ່ງກ່າວ ມີບັນດາຫົວໜ້າຂະແໜ່ງ, ພະນັກງານວິຊາການ ພາຍໃນ ພວຕ ແຂວງ ແລະ ຄະນະສູນວິທະຍາສາດ ແລະ ເຕັກໂນໂລຊີ, ສປ ຈີນ.

ຮູບ ແລະ ຂ່າວ: ພວຕ ແຂວງຫລວງພະບາງ

altaltalt