Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ກໍາຈັດສິນຄ້າລະເມີດເຄື່ອງໝາຍການຄ້າ ຢູ່ແຂວງຜົ້ງສາລີ

ກໍາຈັດສິນຄ້າລະເມີດເຄື່ອງໝາຍການຄ້າ ຢູ່ແຂວງຜົ້ງສາລີ

altວັນທີ 31 ຕຸລາ 2017 ນີ້, ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງຜົ້ງສາລີ ໄດ້ຈັດກອງ ປະຊຸມ

ປຶກສາຫາລຶກ່ຽວກັບ ວຽກງານການກວດກາສີນຄ້າລະເມີດເຄື່ອງໝາຍການຄ້າ, ສະກັດກັ້ນການຜະລິດ ແລະ ຈຳໜ່າຍສີນຄ້າ ແປ້ງນົວກາຈອງ “RACHA CHOOROS” (ສີນຄ້າປອມ) ພາຍໃຕ້ການເປັນປະທານຂອງທ່ານ ຄຳສານ ໄຊຍະວົງ, ຮອງຫົວໜ້າ ພວຕ ແຂວງ, ຜູ້ຊີ້ນຳວຽກງານ ຊັບສິນທາງປັນຍາ, ມາດຕະຖານ ແລະ ການວັດ ແທກ.

ທ່ານ ວິລະວັນ ຂຸນວິໄຊ, ຫົວໜ້າຂະແໜງຊັບສິນທາງປັນຍາ, ມາດຕະຖານ ແລະ ການວັດແທກ ໄດ້ສະເໜີຈຸດປະສົງໃນການເຮັດວຽກ ຂອງບໍລິສັດພູວຽງຈຳກັດຜູ້ດຽວ. ທາງບໍລິສັດ ໄດ້ອະທີບາຍແຈ້ງ ກຽ່ວກັບ ສິນຄ້າລະເມີດເຄື່ອງໝາຍການຄ້າ, ເພື່ອສະກັດກັ້ນການຜະລິດ ແລະ ຈຳໜ່າຍສີນຄ້າ ແປ້ງນົວກາຈອງ “RACHA CHOOROS ” (ສີນຄ້າປອມ) ທີ່ມີຈຳໜ່າຍຕາມຕະຫຼາດ ໃນເຂດເທດສະບານເມືອງຜົ້ງສາລີ. ສີນຄ້າດັ່ງກ່າວ ໄດ້ສົ່ງຜົນສະທ້ອນຫຼາຍດ້ານຕໍ່ສັງຄົມ ແລະ ຍັງເປັນການຂັດກັບລະບຽບກົດໝາຍໂດຍສະເພາະແມ່ນ ກົດໝາຍວ່າ ດ້ວຍຊັບສີນທາງປັນຍາ ມາດຕາ 57, ມາດຕາ 62, ມາດຕາ 117, ມາດຕາ 120 ແລະ ມາດຕາ 121. ດັ່ງນັ້ນ, ເພື່ອເຮັດໃຫ້ບັນຫາດັ່ງກ່າວໄດ້ຮັບການແກ້ໄຂ ໃຫ້ຖືກຕ້ອງ ຕາມລະບຽບກົດໝາຍ, ພວຕ ແຂວງ ຈຶ່ງໄດ້ປະສານສົມທົບກັບຄະນະກຳມະການຄຸ້ມຄອງ ແລະ ພາກສ່ວນທີ່ກ່ຽວຂ້ອງ ເຄື່ອນໄຫວກວດກາຕົວຈີງຢູ່ຕະຫຼາດ ເມືອງ ຜົ້ງສາລີ. ການເຄື່ອນໄຫວກວດກາຄັ້ງນີ້ ສັງເກດເຫັນວ່າ ບາງຮ້ານຍັງມີສີນຄ້ານຳເຂົ້າຈາກປະເທດເພື່ອນ ບ້ານທີ່ບໍ່ຖືກຕ້ອງຕາມກົດໝາຍອີກດ້ວຍ.

ເຂົ້າຮ່ວມໃນຄະນະກວດກາສິນຄ້າປອມຄັ້ງນີ້ ມີ ທ່ານ ພູວຽງ ອີນທະວົງ, ອໍານວຍການ ບໍລີສັດພູວຽງຈຳກັດພູດຽວ ພ້ອມດ້ວຍຄະນະ, ພະນັກງານຈາກກົມ ຊັບສີນທາງປັນຍາ, ກວຕ; ຄະນະກຳມະການຈາກພະແນກການທີ່ກຽ່ວຂ້ອງ ເຊັ່ນ: ພະແນກ ອຸດສາຫະກຳ ແລະ ການຄ້າແຂວງ, ຕຳຫຼວດປ້ອງກັນເສດຖະກິດແຂວງ, ພະນັກງານທີ່ກ່ຽວຂ້ອງຂັ້ນເມືອງ ແລະ ແຂວງ ທັງໝົດ 12 ທ່ານ, ຍີງ 2 ທ່ານ.

ຂ່າວ ແລະ ຮູບ: ນາງ ສຸວອນ ດວງພະຈັນ

ຂະແໜງເຕັກໂນໂລຊີ ຂໍ້ມູນຂ່າວສານ

ພວຕ ແຂວງຜົ້ງສາລີ

altaltalt