Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວທ້ອງຖິ່ນ ໜ່ວຍພັກ ພວຕ ແຂວງຜົ້ງສາລີ ສຳເລັດກອງ ປະຊຸມສ້າງໜ່ວຍພັກເຂັ້ມແຂງ-ຮູ້ນໍາພາ ຮອບດ້ານ

ໜ່ວຍພັກ ພວຕ ແຂວງຜົ້ງສາລີ ສຳເລັດກອງ ປະຊຸມສ້າງໜ່ວຍພັກເຂັ້ມແຂງ-ຮູ້ນໍາພາ ຮອບດ້ານ

altລະຫວ່າງວັນທີ 1-2 ພະຈິກ 2017 ນີ້, ໜ່ວຍພັກ ພວຕ ແຂວງຜົ້ງສາລີ ໄດ້ສຳເລັດການຕີລາຄາ ແລະ ຈັດແບ່ງ

ປະເພດສະມາຊິກ ແລະ ໜ່ວຍພັກ ປະຈຳປີ 2017 ຢູ່ຫອ້ງປະຊຸມ ພວຕ ແຂວງ ໂດຍພາຍໃຕ້ການເປັນປະທານ ຂອງທ່ານ ທອງເລົາ ວົງອີນຄຳ, ເລຂາໜ່ວຍພັກ, ຫົວໜ້າ ພວຕ ແຂວງ.

ຈຸດປະສົງຂອງກອງປະຊຸມໃນຄັ້ງນີ້ ເປັນການຕີລາຄາຈັດແບງປະເພດສະມາຊິກພັກ, ໜ່ວຍພັກເຂັ້ມ ແຂງ-ຮູ້ນຳພາຮອບດ້ານປະຈຳປີ 2017 ຕາມ 4 ເຂັ້ມແຂ່ງ 5 ເນື້ອໃນຂອງສະມາຊິກ ແລະ ໜ່ວຍພັກ.

ທ່ານ ທອງເລົາ ວົງອີນຄຳ, ເລຂາໜ່ວຍພັກ, ຫົວໜ້າ ພວຕ ໄດ້ແນະນໍາວິທີການດຳເນີນ ແລະ ຕີລາຄາ ຈັດແບ່ງປະເພດໜ່ວຍພັກ, ສະມາຊິກພັກເຂັ້ມແຂງ - ຮູ້ນຳພາຮອບດ້ານປະຈຳປີ 2017 ເພື່ອໃຫ້ສະມາຊິກພັກ ພາຍໃນໜ່ວຍຮັບຊາບ ແລະ ເປັນບ່ອນອີງໃນການຕີລາຄາສະມາຊິກພັກ ແລະ ໜ່ວຍພັກໃນຄັ້ງນີ້. ຈາກນັ້ນ, ສະມາຊີກພັກແຕ່ລະສະຫາຍ ໄດ້ຜ່ານໃບສຳຫຼວດຂອງຕົນໂດຍຍົກໃຫ້ເຫັນດ້ານດີ, ດ້ານອ່ອນ ພ້ອມທັງກຳນົດຄະ ແນນໃຫ້ຕົນເອງໃນແຕ່ລະດ້ານ. ໂອກາດນີ້, ບັນດາສະມາຊິກພັກແຕ່ລະສະຫາຍ ໄດ້ໃຫ້ໝູ່ເພື່ອນຕຳນິສົ່ງຂ່າວເພື່ອ ກໍ່ສ້າງຊ່ວຍເຫຼືອເຊິ່ງກັນ ແລະ ກັນດ້ວຍຄວາມຈີງໃຈ ພ້ອມທັງກຳນົດຄະແນນທີ່ສົມເຫດສົມຜົນ.

ການດຳເນີນກອງປະຊຸມຕີລາຄາ ແລະ ປະເມີນຜົນຄັ້ງນີ້ຊຶ່ງນອກຈາກຕີລາຄາ ແລະ ປະເມີນຜົນແຕ່ລະສະຫາຍສະມາຊິກພັກແລ້ວ ຍັງໄດ້ດຳເນີນຕີລາຄາໜ່ວຍ ພັກຕາມ 4 ເຂັ້ມແຂ່ງ 5 ເນື້ອໃນ ພ້ອມທັງຜ່ານທິດທາງແຜນການສູ້ຊົນ ການກໍ່ສ້າງໜ່ວຍພັກເຂັ້ມແຂ່ງ-ຮູ້ນຳພາຮອບດ້ານປະຈຳປີ 2018.

ໃນຕອນທ້າຍ, ທ່ານເລຂາໜ່ວຍພັກ ໄດ້ສະຫຼູບສັງລວມຜ່ານການຕີລາຄາຈັດແບງປະເພດໃນຄັ້ງນີ້ວ່າ: ສະມາຊິກພັກແຕ່ລະສະຫາຍ ຈົ່ງເພີ່ມທະວີການສືກສາ ອົບຮົມທາງດ້ານການເມືອງ-ນຳພາແນວຄິດ, ຍົກລະດັບທິດສະດີການເມືອງ, ຈັດຕັ້ງເຊື່ອມຊຶມແນວທາງນະໂຍບາຍຂອງພັກ ມະຕິຄຳສັ່ງຂອງຂັ້ນເທີງ, ກົດລະບຽບຂອງ ພັກ, ກົດໝາຍຂອງລັດ ຢ່າງເລິກເຊິງ; ເພີ້ມທະວີຄວາມສາມັກຄີທັງພາຍໃນ ແລະ ພາຍນອກໃຫ້ກ້ວາງຂວາງ. ສະມາຊິກພັກແຕ່ລະສະຫາຍ ຈົ່ງພ້ອມກັນຈັດຕັ້ງປະຕິ ບັດໜ້າທີ່ຂອງຕົນໃຫ້ບັນລຸຜົນສໍາເລັດ, ພັດທະນາວຽກງານຂອງຕົນ ກໍຄືວຽກງານພາຍໃນພະແນກໃຫ້ຂະຫຍາຍຕົວຍິ່ງໆຂື້ນ.

ເຂົ້າຮ່ວມກອງປະຊຸມເປັນເວລາ 2 ວັນຄັ້ງນີ້ ມີຄະນະຈັດຕັ້ງ ແລະ ກວດກາແຂວງ, ຄະນະໂຄສະນາອົບຮົມແຂວງ ພ້ອມດ້ວຍສະມາຊິກພັກ ພາຍໃນພະແນກ ທັງໝົດ 15 ທ່ານ, ຍີງ 4 ທ່ານ.

ຂ່າວ ແລະ ຮູບ: ນາງ ສຸວອນ ດວງພະຈັນ

ຂະແໜງ ເຕັກໂນໂລຊີ ຂໍ້ມູນຂ່າວສານ

ພວຕ ແຂວງ ຜົ້ງສາລີ

alt