Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້

Home ຂ່າວສານ ຂ່າວທ້ອງຖິ່ນ ພວຕ ແຂວງເຊກອງ ລົງຕິດຕາມ, ກວດກາ ແລະ ກວດສອບຄຸນນະພາບນ້ຳມັນເຊື້ອໄຟ

ພວຕ ແຂວງເຊກອງ ລົງຕິດຕາມ, ກວດກາ ແລະ ກວດສອບຄຸນນະພາບນ້ຳມັນເຊື້ອໄຟ

altໃນວັນທີ 15-20 ຕຸລາ 2017 ຜ່ານມານີ້, ພະແນກ ວິທະຍາສາດ ແລະ ເຕັກໂນໂລຊີ (ພວຕ) ແຂວງ ເຊກອງ

ສົມທົບກັບກົມມາດຕະຖານ ແລະ ວັດແທກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ເຄື່ອນໄຫວ ຈັດຕັ້ງປະຕິບັດການຕິດຕາມ, ກວດກາ ແລະ ກວດສອບຄຸນນະພາບນ້ຳມັນເຊື້ອໄຟຕາມສະຖານ ທີ່ບໍລິການປ້ຳ ນ້ຳມັນເຊື້ອໄຟແຫ່ງຕ່າງໆ ໃນທົ່ວແຂວງເຊກອງ.

ໂອກາດດັ່ງກ່າວ, ທ່ານ ເຫລັກໄຫລ ສີວິໄລ, ຄະນະປະຈໍາພັກແຂວງ, ຮອງເຈົ້າແຂວງໆເຊກອງ, ຜູ້ຊີ້ນຳຂົງເຂດເສດຖະກິດ ກໍຄືວຽກງານວິທະຍາສາດ ແລະ ເຕັກໂນໂລຊີຂັ້ນແຂວງພ້ອມດ້ວຍບັນດາທ່ານການ ນຳຈາກພະແນກການທີ່ກ່ຽວຂ້ອງ ກໍໄດ້ຮ່ວມໃນການຕິດຕາມ ແລະ ສັງເກດການກ່ຽວກັບການບໍລິການກວດ ສອບຄຸນນະພາບນ້ຳມັນເຊື້ອໄຟ ຂອງ ພວຕ ແຂວງກັບກົມມາດຕະຖານ ແລະ ວັດແທກ, ກວຕ ຢູ່ປໍ້ານ້ຳມັນປີ ໂຕຣລາວ, ບ້ານໂມ, ເມືອງລະມາມ, ແຂວງເຊກອງ.

ຈຸດປະສົງຂອງການຕິດຕາມ, ກວດກາ ແລະ ກວດສອບຄຸນນະພາບໃນຄັ້ງນີ້ ກໍເພື່ອເຄຸ້ມຄອງການບໍລິ ການນ້ຳມັນເຊື້ອໄຟໃຫ້ຖືກຕ້ອງສອດຄ່ອງຕາມລະບຽບ ກົດໝາຍຢ່າງເຂັ້ມງວດ, ຮັບປະກັນຄຸນພາບນໍ້າມັນເຊື້ອໄຟ ຕາມມາດຕະຖານແຫ່ງຊາດ, ສ້າງຄວາມໝັ້ນໃຈຕໍ່ປະຊາ ຊົນໃນແຂວງເຊກອງ ໄດ້ນຳໃຊ້ນ້ຳມັນເຊື້ອໄຟທີ່ມີຄຸນ ນະພາບ, ໄດ້ມາດຕະຖານ, ປາສະຈາກສິ່ງປົນເປື້ອນ, ເຮັດໃຫ້ຍານພາຫະນະ ແລະ ເຄື່ອງກົນຈັກຕ່າງໆ ມີອາຍຸການ ນຳໃຊ້ທີ່ຍາວນານ.

ການກວດສອບໃນຄັ້ງນີ້ ໄດ້ກວດສອບຫາສານປົນເປື້ອນ, ປະລິມານຄວາມໜຽວເຈືອປົນ, ປະລິມານທາດຊືນ, ປະລິມານເຖົ່າ, ສີ, ລັກສະນະທີ່ເປັນກົດ, ຈຸດຂຸ້ນໄສ ແລະ ການກັ່ນອຸ່ນຫະພູມຕ່າງໆ.

ຜ່ານການຕິດຕາມ, ກວດກາ ແລະ ກວດສອບບັນດາປ້ຳນ້ຳມັນເຊື້ອໄຟແຫ່ງຕ່າງໆ ຈຳນວນ 22 ປ້ຳ ທີ່ເປີດໃຫ້ບໍລິການເຫັນວ່າຄຸນນະພາບຂອງນໍ້າມັນເຊື້ອໄຟ ທີ່ນຳມາຈຳໜ່າຍແມ່ນໄດ້ມາດຕະຖານແຫ່ງຊາດ, ບໍ່ພົບສານປົນເປື້ອນໃດໆ ແລະ ການບໍລິການຖືກຕ້ອງຕາມມາດຕະຖານເຕັກນິກທຸກຢ່າງ. ດັ່ງນັ້ນ, ພວຕ ແຂວງ ຮ່ວມ ກັບກົມມາດຕະຖານ ແລະ ວັດແທກ, ກວຕ ຈຶ່ງໄດ້ເຮັດບົດບັນທຶກເພື່ອເປັນການຢັ້ງຢືນ ແລະ ເປັນບ່ອນອີງໃນການດໍາເນີນກິດຈະການໃນຂັ້ນຕໍ່ໄປ.

ຮູບ ແລະ ຂ່າວ: ບຸດດີພົມພິທັກ

altaltaltaltaltalt