Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ການປະເມີນຄວາມຕ້ອງການ ພັດທະນາເຕັກ ໂນໂລຊີ ແລະ ນະວັດຕະກຳ ໃນຂົງເຂດການ ຜະລິດ

ການປະເມີນຄວາມຕ້ອງການ ພັດທະນາເຕັກ ໂນໂລຊີ ແລະ ນະວັດຕະກຳ ໃນຂົງເຂດການ ຜະລິດ

altໃນຕອນເຊົ້າວັນທີ 14 ກັນຍາ 2017 ຢູ່ຫ້ອງປະຊຸມ ພະແນກວິທະຍາສາດ ແລະ ເຕັກໂນໂລຊີ ນະຄອນ ຫຼວງ

ວຽງຈັນ, ພາກສ່ວນທຸລະກິດການຜະລິດ ໄດ້ຈັດກອງປະຊຸມສຳມະນາກ່ຽວກັບການປະເມີນຄວາມຕ້ອງການ ພັດທະນາເຕັກໂນໂລຊີ ແລະ ນະວັດຕະກຳ ເພື່ອເກັບກຳສະພາບການນຳໃຊ້ ແລະ ຄວາມຕ້ອງການເຕັກໂນໂລຊີ ຢູ່ນະຄອນຫຼວງວຽງຈັນ ເພື່ອເປັນຂໍ້ມູນ ໃນການສົ່ງເສີມການນຳໃຊ້ເຕັກໂນໂລຊີ ໃນຕໍ່ໜ້າ.

ກອງປະຊຸມຄັ້ງນີ້ ໄດ້ນຳສະເໜີ ແລະ ປຶກສາຫາລືແບບສອບຖາມ, ວິທີການເກັບກຳຂໍ້ມູນ ຢູ່ຫົວ ໜ່ວຍທຸລະກິດ ແລະ ການຜະລິດ ພາຍໃຕ້ໂຄງການສ້າງຄວາມອາດສາມາດດ້ານຂໍ້ມູນສະຖິຕິ ເຕັກໂນໂລຊີ ນະ ວັດຕະກຳ.

ໃຫ້ກຽດເຂົ້າຮ່ວມເປັນປະທານຄັ້ງນີ້ມີ ທ່ານ ສຸມານະ ຈຸລາມະນີ, ຫົວໜ້າກົມເຕັກໂນໂລຊີ ແລະ ນະວັດຕະກຳ ແລະ ທ່ານ ດາວເພັດ ອາລຸນ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ນະຄອນຫຼວງ ວຽງຈັນ.

ທ່ານ ຫົວໜ້າກົມເຕັກໂນໂລຊີ ແລະ ນະວັດຕະກຳ ໄດ້ກ່າວເປີດກອງປະຊຸມຊຶ່ງມີເນື້ອໃນບາງຕອນວ່າ: ວຽກງານການເກັບກຳຂໍ້ມູນ, ສ້າງເປັນສະຖິຕິ, ການຕີ ລາຄາ ແລະ ປະເມີນການນຳໃຊ້ ແລະ ຄວາມຕ້ອງການເຕັກໂນໂລຊີ ແມ່ນມີຄວາມສຳຄັນຢ່າງຍິ່ງ ເພື່ອໃຫ້ຮູ້ໄດ້ສະພາບການນຳໃຊ້ ແລະ ຄວາມຕ້ອງການ ເພື່ອກຳ ນົດເຂົ້າໃນນະໂຍບາຍ, ແຜນການສົ່ງເສີມ ການນຳໃຊ້ເຕັກໂນໂລຊີຂໍ້ມູນຂ່າວສານ ແລະ ການເຂົ້າເຖີງເຕັກໂນໂລຊີ ຊຶ່ງສົ່ງເສີມການພັດທະນາເຕັກໂນໂລຊີ ດ້ວຍຫຼາຍຮູບ ການເຊັ່ນ: ການເຂົ້າຮ່ວມງານວາງສະແດງຕະຫຼາດນັດ, ການແລກປ່ຽນພົບປະ, ການຈັບຄູ່ຮ່ວມມື ລະຫວ່າງ ສະຖາບັນການຄົ້ນຄວ້າ, ມະຫາວິທະຍາໄລ, ນັກທຸລະກິດ ຢູ່ພາຍໃນ ແລະ ຕ່າງປະເທດ.

ທ່ານ ໄດ້ກ່າວຕື່ມວ່າທາງດ້ານນິຕິກຳ, ກົມ ພວມຮ່າງກົດໝາຍວ່າດ້ວຍ ການຖ່າຍທອດເຕັກໂນໂລຊີຊຶ່ງກົດໝາຍສະບັບນີ້ ຖ້າໄດ້ຮັບການປະກາດໃຊ້ ກໍຈະ ເປັນບ່ອນອີງທີ່ສຳຄັນ ໃຫ້ແກ່ການຄຸ້ມຄອງເຕັກໂນໂລຊີ ແລະ ສົ່ງເສີມການນຳໃຊ້ເຕັກໂນໂລຊີ, ການບໍລິການເຕັກໂນໂລຊີ ແລະ ບັນຫາອື່ນໆ.

ເຂົ້າຮ່ວມກອງປະຊຸມສຳມະນາຄັ້ງນີ້ ມີຜູ້ຕາງໜ້າຈາກພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ, ບັນດາລັດວິສາຫະກິດ, ຜູ້ປະກອບການ ຈາກໂຮງງານພາຍໃນນະຄອນຫຼວງວຽງຈັນ ແລະ ພະນັກງານພາຍໃນກະຊວງ 70 ກວ່າທ່ານ.

ຮູບພາບ ແລະ ບົດຂ່າວ: ນ. ທັດສະນີ ພົງບັນດິດ

altaltalt