Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ພວຕ ແຂວງ ຫຼວງພະບາງ ຈັດກອງປະຊຸມສໍາ ມະນາກ່ຽວກັບ ຊັບສິນທາງປັນຍາ

ພວຕ ແຂວງ ຫຼວງພະບາງ ຈັດກອງປະຊຸມສໍາ ມະນາກ່ຽວກັບ ຊັບສິນທາງປັນຍາ

altຕອນເຊົ້າຂອງວັນທີ 16 ສິງຫາ 2017 ທີ່ຫ້ອງປະຊຸມ ໂຮງແຮມຈິດຈະເລີນ, ກົມຊັບສິນທາງປັນຍາ, ກະຊວງ

ວິທະຍາສາດ ແລະ ເຕັກໂນໂລຊີ (ກວຕ) ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງ ຫຼວງພະບາງ ແລະ ອົງການສົ່ງເສີມການຄ້າຕ່າງປະເທດແຫ່ງປະເທດຍີ່ປຸ່ນ (JETRO) ໄດ້ຈັດກອງປະຊຸມສໍາ ມະນາກ່ຽວກັບຊັບສິນທາງປັນຍາ ໃນຫົວຂໍ້ “ຊັບສິນທາງປັນຍາໃຫ້ການປົກປ້ອງ ແລະ ສົ່ງເສີມທຸລະກິດຂອງ ທ່ານ.” ໃຫ້ກຽດເຂົ້າຮ່ວມການສຳມະນາດັ່ງກ່າວ ມີທ່ານ ນາງ ປອ. ຂັນລາສີ ແກ້ວບຸນພັນ, ຫົວໜ້າກົມຊັບສິນ ທາງປັນຍາ; ທ່ານ ສິງຄໍາ ພົມມະລັດ, ຫົວໜ້າພະແນກວິທະຍາສາດ ແລະ ເຕັກໂນໂລຊີ ແລະ ທ່ານMotoki TAKADA, ຜູ້ຊ່ຽວຊານທາງດ້ານຊັບສິນທາງປັນຍາ ປະເທດຍີ່ປຸ່ນ ປະຈໍາປະເທດໄທ.

ການຈັດກອງປະຊຸມສໍາມະນາຄັ້ງນີ້ ແນໃສ່ປົກປ້ອງ ແລະ ສົ່ງເສີມທຸລະກິດ ທາງດ້ານຊັບສິນທາງ ປັນຍາ, ການຈົດສິດທິບັດ, ອະນຸສິດທິບັດ, ເຄື່ອງໝາຍການຄ້າ ເພື່ອໃຫ້ຫົວໜ່ວຍທຸລະກິດມີຄວາມເຂັ້ມແຂງ ແລະ ໝັ້ນຄົງ ແລະ ຫຼີກລ້ຽງຈາກການລະເມີດລິຂະສິດ.

ທ່ານ ຫົວໜ້າກົມຊັບສິນທາງປັນຍາ ມີຄໍາເຫັນໃນກອງປະຊຸມໂດຍໄດ້ເນັ້ນຢໍ້າເຖິງຂໍ້ດີໃນການໄປຈົດທະບຽນສິດທິບັດ, ອະນຸສິດທິບັດ ແລະ ເຄື່ອງໝາຍການ ຄ້າ ຂອງຫົວໜ່ວຍທຸລະກິດ ເພື່ອໄດ້ຮັບການປົກປ້ອງທີ່ຖືກຕ້ອງຕາມລະບຽບກົດໝາຍ.

ຜູ້ຕາງໜ້າບັນດາພະແນກການ, ຫົວໜ່ວຍທຸລະກິດພາກລັດ ແລະ ເອກະຊົນອ້ອມຂ້າງແຂວງ ທັງໝົດ 55 ທ່ານ ເຂົ້າຮ່ວມກອງປະຊຸມສຳມະນາເປັນເວລາ ໜຶ່ງວັນຄັ້ງນີ້.

ຮູບພາບ ແລະ ຂ່າວ: ພວຕ ແຂວງຫຼວງພະບາງ

altalt