Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າສານ ການເຄື່ອນໄຫວວຽກງານຕ່າງໆ ກວຕ ທົບທວນວັນສຳຄັນຕ່າງໆ

ກວຕ ທົບທວນວັນສຳຄັນຕ່າງໆ

altກະຊວງວິທະຍສາດ ແລະ ເຕັກໂນໂລຊີ (ກວຕ) ໄດ້ຈັດພິທີປາຖະກະຖາ ຂຶ້ນໃນຕອນເຊົ້າຂອງວັນທີ 30 ສິງຫາ

2017 ທີ່ຫ້ອງປະຊຸມ ສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ, ກວຕ ເພື່ອທົບທວນວັນສຳຄັນ ຕ່າງໆ ພາຍໃຕ້ການເປັນປະທານ ຂອງທ່ານ ຫຸມພັນ ອິນທະຣາດ, ຮອງລັດຖະມົນຕີກວຕ.

ທ່ານ ຮອງລັດຖະມົນຕີ ໃຫ້ກຽດເປັນວິທະຍາກອນ ບັນຍາຍວັນສຳຄັນຕ່າງໆຊຶ່ງ ປະກອບດ້ວຍວັນ ສ້າງຕັ້ງອາຊຽນ ຄົບຮອບ 50 ປີ 08/08/1967-08/08/2017, ວັນຢຶດອຳນາດ 23 ສິງຫາ (23/8/1945-23/8/1975), ວັນລັດຖະທຳມະນູນແຫ່ງຊາດສປປລາວຄົບຮອບ 26ປີ 15/08/1991 – 15/08/2017.

ທ່ານ ວິທະຍາກອນ ໄດ້ກ່າວຫຍໍ້ກ່ຽວກັບປະຫວັດຄວາມເປັນມາຂອງອາຊຽນ ແລະ ຍົກໃຫ້ເຫັນເຖິງ ຈຸດປະສົງຂອງອາຊຽນ ເພື່ອປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງ ພາກພື້ນ, ເຮັດໃຫ້ອາຊີຕາເວັນອອກສຽງໃຕ້ເປັນເຂດປອດອາວຸດນິວເຄຼຍ ແລະ ອາວຸດທຳລາຍລ້າງຜານອື່ນໆ; ເພື່ອເພີ່ມທະວີຄວາມສາມາດໃນການເພິ່ງຕົນເອງຂອງພາກພື້ນ ໂດຍການສົ່ງເສີມການຮ່ວມມືທາງດ້ານການເມືອງ- ຄວາມໝັ້ນຄົງ, ເສດຖະກິດ ແລະ ວັດທະນາທຳ-ສັງ ຄົມໃຫ້ກວ້າງຂວາງ; ເພື່ອເຊື່ອມໂຍງດ້ານເສດຖະກິດ, ເຮັດໃຫ້ອາຊຽນການເປັນຕະຫຼາດ ແລະ ຖານການຜະລິດ ດຽວ, ຮັບປະກັນຄວາມສາມາດໃນການແຂ່ງຂັນສູງທາງ ດ້ານເສດຖະກິດ ອຳນວຍຄວາມສະດວກແກ່ການຄ້າ ແລະ ການລົງທຶນຢ່າງມີປະສິດທິພາບ ໂດຍມີການໄລ ວຽນຢ່າງເສລີຂອງສິນຄ້າ, ການບໍລິການ ແລະ ການລົງ ທຶນ; ເພື່ອສົ່ງເສີມຄວາມຢູ່ດີກິນດີ ແລະ ການດຳລົງຊີວິດທີ່ດີຂອງປະຊາຊົນພາຍໃນອາຊຽນ ໂດຍໃຫ້ເຂົາເຈົ້າມີ ໂອກາດຢ່າງເທົ່າທຽມກັນໃນການເຂົ້າເຖິງ ແລະ ຊົມໃຊ້ ຜົນປະໂຫຍດຈາກການພັດທະນາ, ສະຫວັດດີການ ແລະ ຄວາມຍຸຕິທຳຂອງສັງຄົມ ແລະ ເພື່ອຮັກສາບົດບາດ ຄວາມເປັນແກນກາງຂອງອາຊຽນ ແລະ ຄວາມເປັນເຈົ້າ ການໃນຖານະເປັນກຳລັງຂັບເຄື່ອນຕົ້ນຕໍ ໃນການພົວພັນຮ່ວມມື ລະຫວ່າງ ອາຊຽນ ກັບບັນດາຄູ່ເຈລະຈາ ແລະ ຄູ່ຮ່ວມຈາກນອກພາກພື້ນ.

ກ່ຽວກັບວັນຢຶດອໍານາດ 23 ສິງຫາ (23/8/145-23/8/1975), ທ່ານ ວິທະຍາກອນ ໄດ້ກ່າວເຖິງປະຫວັດຄວາມເປັນມາຂອງການຢຶດອຳນາດ ເດືອນສິງຫາ ປີ 1945; ການຢຶດອໍານາດໃນວັນທີ 23 ສິງຫາ ປີ 1975 ແລະ ສືບຕໍ່ເສີມຂະຫຍາຍມູນເຊື້ອ 23 ສິງຫາ ເຂົ້າໃນການພັດທະນາປະເທດຊາດ.

ພະນັກງານ-ລັດຖະກອນ ຍັງໄດ້ຮັບການບັນຍາຍກ່ຽວກັບວັນລັດຖະທຳມະນູນແຫ່ງ ສປປ ລາວ ຄົບຮອບ 26 ປີ ຊຶ່ງທ່ານ ວິທະຍາກອນ ໄດ້ເວົ້າເຖິງສະພາບ ແວດລ້ອມການກໍາເນີດ ແລະ ຄວາມໝາຍສໍາຄັນຂອງລັດຖະທຳມະນູນ; ສະພາບການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ແລະ ເພີ່ມທະວີການຈັດຕັ້ງ ປະຕິບັດລັດຖະທຳມະນູນ ແລະ ກົດໝາຍຕ່າງໆໃຫ້ເຂັ້ມງວດ ແລະ ມີປະສິດທິຜົນ.

ເຂົ້າຮ່ວມຟັງການປາຖະກະຖາຄັ້ງນີ້ ມີບັນດາຫົວໜ້າກົມ, ສະຖາບັນ ແລະ ພະນັກງານວິຊາການພາຍໃນກະຊວງ.

ບົດຂ່າວ: ບາລະຄອນ ສຸວັນນະພາສີ

ຮູບພາບ: ນ. ພິພາວັນ ໄຊສົງຄາມ

altaltalt