Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວທ້ອງຖິ່ນ ບັນດາຜູ້ປະກອບການ ຢູ່ແຂວງຄໍາມ່ວນ ຍົກລະດັບວຽກງານ ຊັບສິນທາງປັນຍາ

ບັນດາຜູ້ປະກອບການ ຢູ່ແຂວງຄໍາມ່ວນ ຍົກລະດັບວຽກງານ ຊັບສິນທາງປັນຍາ

altໃນຕອນບ່າຍຂອງວັນທີ 23 ສິງຫາ 2017, ກົມຊັບ ສິບທາງປັນຍາ, ກະຊວງວິທະຍາສາດ ແລະ ເຕັກໂນ ໂລຊີ

(ກວຕ) ໄດ້ຈັດກອງປະຊຸມສໍາມະນາການສ້າງຄວາມເຂັ້ມແຂງ ດ້ານວຽກງານຊັບສິນທາງປັນຍາ ໃຫ້ແກ່ບັນດາ ຂະແໜງການ ແລະ ຜູ້ປະກອບການຢູ່ທ້ອງຖິ່ນ ຂຶ້ນທີ່ຫ້ອງປະຊຸມພະແນກວິທະຍາສາດ ແລະ ເຕັກໂນໂລຊີ (ພວຕ) ແຂວງຄຳມ່ວນ ໂດຍການໃຫ້ກຽດເຂົ້າຮ່ວມເປັນ ປະທານຂອງ ທ່ານ ຄຳເພັດ ວົງດາລາ, ຮອງຫົວໜ້າ ກົມຊັບສິນທາງປັນຍາ.

ໂອກາດນີ້, ທ່ານ ຮອງຫົວໜ້າກົມຊັບສິນທາງປັນຍາ ກ່າວໃນໂອກາດເປີດການສຳມະນາ ວ່າ: ກອງ ປະຊຸມຄັ້ງນີ້ ຈັດຂຶ້ນເພື່ອສ້າງຄວາມເຂົ້າໃຈ ແລະ ຄວາມເຂັ້ມແຂງທາງດ້ານວິຊາການໃຫ້ ແກ່ພະນັກງານ, ຜູ້ປະ ກອບການຂະໜາດນ້ອຍ ແລະ ກາງ, ນັກທຸລະກິດ, ກຸ່ມຜູ້ຜະລິດ, ຊາວກະສິກອນ ຂັ້ນທ້ອງຖິ່ນ ໃຫ້ເຫັນໄດ້ ເຖິງຄວາມໝາຍ ແລະ ຄວາມສຳຄັນ ຂອງວຽກງານຊັບສິນທາງປັນຍາ ກໍຄື ຄວາມສຳຄັນໃນການຈົດທະບຽບ ຊັບສິນທາງປັນຍາ, ການກວດກາ ແລະ ຢັ້ງຢືນຄຸນນະພາບຂອງສິນຄ້າກະສິກຳ ເພື່ອປົກປ້ອງຜົນປະໂຫຍດຂອງຜູ້ ປະກອບການ, ສ້າງມູນຄ່າເພີ່ມຂອງສິນຄ້າ ແລະ ສາມາດແຂ່ງຂັນໃນຕະຫຼາດໄດ້.

ທ່ານ ກ່າວຕື່ມວ່າ: ກອງປະຊຸມຄັ້ງນີ້ ເປັນການຊຸກຍູ້ ແລະ ສົ່ງເສີມໃຫ້ມີການນຳໃຊ້ລະບົບຊັບສິນທາງປັນຍາ ແລະ ມາດຕະຖານ ເຂົ້າໃນຂະບວນການ ຜະລິດເປັນສິນຄ້າ ແລະ ສາມາດສົ່ງອອກໄດ້. ນອກຈາກນັ້ນ ຍັງໄດ້ຍົກລະດັບຄວາມຮູ້ ແລະ ປະສົບການໃຫ້ໜ່ວຍງານຮັບຜິດຊອບວຽກງານຊັບສິນທາງປັນຍາ ແລະ ໜ່ວຍງານມາດຕະຖານ ແລະ ວັດແທກ ຂອງທ້ອງຖິ່ນ ໃຫ້ເຂົ້າໃຈບົດບາດຂອງຕົນເອງ ໃນການຊຸກຍູ້ໂຄງການຄໍ້າປະກັນຄວາມໝັ້ນຄົງດ້ານສະບຽງອາຫານ ແລະ ໂຄງການສົ່ງເສີມຜະລິດສິນຄ້າ.

ບັນດາຜູ້ເຂົ້າຮ່ວມກອງປະຊຸມສຳມະນາຄັ້ງນີ້ ໄດ້ຮັບຟັງການເຜີຍແຜ່ເອກະສານກ່ຽວກັບ ການສ້າງຄວາມເຂັ້ມແຂງດ້ານວຽກງານຊັບສິນທາງປັນຍາ ໃຫ້ແກ່ ຂະແໜງການທ້ອງຖິ່ນ ແລະ ພາລະບົດບາດຂອງກົມຊັບສິນທາງປັນຍາ; ຄວາມຮູ້ເບື້ອງຕົ້ນທາງດ້ານຊັບສິນທາງປັນຍາ; ການສ້າງເຄື່ອງໝາຍການຄ້າ; ການປັບປຸງຜະ ລິດຕະພັນ ໃຫ້ໄດ້ມາດຕະຖານ ແລະ ຄຸນນະພາບ.

ຄຽງຄູ່ກັບກອງປະຊຸມສຳມະນາຄັ້ງນີ້, ກົມຊັບສິນທາງປັນຍາ ຍັງໄດ້ຈັດສົ່ງຄະນະປະຕິບັດງານທາງດ້ນວິຊາການ ສົມທົບກັບ ຄະນະ ພວຕ ແຂວງ, ຫົວໜ້າ ຂະແໜງ ແລະ ພະນັກງານວິຊາການ ຂະແໜງ ຊມວ ລົງຊຸກຍູ້ ຜູ້ປະກອບການຂະໜາດນ້ອຍ ແລະ ກາງ, ນັກທຸລະກິດ, ກຸ່ມຜູ້ຜະລິດ, ຊາວກະສິກອນ ຂັ້ນທ້ອງຖິ່ນ ກໍຄື ຂັ້ນບ້ານ ຢູ່ເມືອງທ່າແຂກ, ເມືອງໜອງບົກ, ເມືອງຍົມມະລາດ ແລະ ເມືອງມະຫາໄຊ ເພື່ອຮຽນຮູ້ການເຮັດຄຳຮ້ອງຂໍຈົດທະບຽບຊັບສິນທາງປັນຍາ.

ຄະນະພະແນກອຸດສາຫະກຳ ແລະ ການຄ້າແຂວງ, ຄະນະພະແນກກະສິກຳ ແລະ ປ່າໄມ້ແຂວງ ແລະ ປະທານສະພາປະຊາຊົນແຂວງ ຄຳມ່ວນ ກໍເຂົ້າຮ່ວມ ກອງປະຊຸມສຳມະນາດັ່ງກ່າວ.

ພາບ ແລະ ຂ່າວ : ພວຕ ແຂວງຄຳມ່ວນ

altalt