Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວຂອງການນຳ ກຊທສ ແລະ ກວຕ ເຫັນດີຮ່ວມມືນໍາໃຊ້ ສູນ Data Center

ກຊທສ ແລະ ກວຕ ເຫັນດີຮ່ວມມືນໍາໃຊ້ ສູນ Data Center

altເພື່ອເປັນການຈັດຕັ້ງປະຕິບັດເນື້ອໃນຈິດໃຈ ຂອງກອງ ປະຊຸມລັດຖະບານປະຈໍາເດືອນສິງຫາ 2017 ຜ່ານ ມານີ້

ໃຫ້ປະກົດຜົນເປັນຈິງ ໃນການນໍາໃຊ້ສູນຂໍ້ມູນເອເລັກໂຕຣນິກ Data Center ເຂົ້າໃນການຫັນເປັນທັນສະໄໝ ເພື່ອພັດທະນາເສດຖະກິດ-ສັງຄົມຂອງສປປລາວ.

ໃນຕອນບ່າຍ ຂອງ ວັນທີ 1 ກັນຍາ 2017, ທີ່ຫ້ອງປະຊຸມຂອງສູນບໍລິການຂໍ້ມູນເອເລັກໂຕຣນິກ (Data Center), ທ່ານ ສົມມາດ ພົນເສນາ, ກຳມະການສູນກາງພັກ, ລັດຖະມົນຕີ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ (ກຊທສ) ພ້ອມດ້ວຍຄະນະ ໄດ້ເຂົ້າຢ້ຽມຢ້າມສູນບໍລິການຂໍ້ມູນເອເລັກໂຕຣ ນິກ (Data Center) ຂອງ ກະຊວງວິທະຍາສາດ ແລະ ເຕັກໂນໂລຊີ, ໂດຍການໃຫ້ກຽດຕ້ອນຮັບຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນ ໂລຊີ (ກວຕ), ພ້ອມດ້ວຍຄະນະຮັບຜິດຊອບສູນ.

ໃນໂອກາດດັ່ງກ່າວ, ທ່ານ ສຸລິຍາ ແສງດາລາວົງ, ຮອງຫົວໜ້າກົມເຕັກໂນໂລຊີຂໍ້ມຸນຂ່າວສານ, ກວຕ ໄດ້ລາຍງານສະພາບໂດຍຫຍໍ້ກ່ຽວກັບ Data Center ໃຫ້ແກ່ ທ່ານລັດຖະມົນຕີ ແລະ ຄະນະຊາບ ຊຶ່ງທ່ານໄດ້ນຳສະເໜີຈຸດເດັ່ນຂອງເຕັກໂນໂລຊີ ທີ່ນຳໃຊ້ເຂົ້າໃນ Data Center, ການນຳໃຊ້ສູນດັ່ງກ່າວ ຫັນເປັນທັນສະ ໄໝເພື່ອພັດທະນາ ເສດຖະກິດ-ສັງຄົມ ຂອງ ສປປ ລາວ ແລະ ລາຍງານຄວາມພ້ອມ ກ່ຽວກັບ ການໃຫ້ບໍລິການ ຂອງ Data Center. ສູນແຫ່ງນີ້ ແມ່ນໄດ້ຮັບການ ຊ່ວຍເຫຼືອລ້າຈາກລັດຖະບານຢິປຸ່ນ, ຖືວ່າເປັນແຫ່ງທໍາອິດໃນ ສປປ ລາວ ທັງເປັນແຫ່ງທຳອິດໃນພາກພື້ນອາຊີ- ປາຊີຟີກ ທີ່ເປັນຮູບແບບຕູ້ຄອນແທນເນີນຳໃຊ້ເຕັກໂນ ໂລຊີທັນສະໄໝທີ່ສຸດຂອງຍີ່ປຸ່ນ, ສາມາດປະຢັດພະລັງງານເຖິງ 40% ແລະ ເປັນມິດຕໍ່ສິ່ງແວດລ້ອມ.

ຄວາມສາມາດຂອງລະບົບ Data Center ແມ່ນມີຄວາມສາມາດສູງຊຶ່ງໄດ້ອອກແບບ ແລະ ຮອງຮັບໃຫ້ແກ່ການນໍາໃຊ້ຫຼາຍລະບົບທີ່ສໍາຄັນ ໃນການຄຸ້ມ ຄອງບໍລິຫານລັດແບບທັນສະໄໝເຊັ່ນ: 1) ລະບົບ ຄຸ້ມຄ້ອງ ແລະ ການເກັບພາສີ-ອາກອນມູນຄ່າເພີ່ມ ແບບເອເລັກໂຕຣນິກ (e-VAT); 2) ລະບົບ ຄຸ້ມຄອງ-ບໍລິການ ປະຕູດຽວແຫ່ງຊາດ (National Single Window “NSW”); 3) ລະບົບ ໂຄລ່າງພື້ນຖານຄວາມປອດໄພຂອງຂໍ້ມູນ (Public Key Infrastructure “PKI”); 4) ລະບົບ ຄຸ້ມຄອງພາຫະນະ ແບບເອເລັກໂຕຣນິກ (Vehicle Management System “VMS”); 5) ລະບົບ ຄຸ້ມຄອງທີ່ດິນ ແບບເອເລັກໂຕຣນິກ (Land Management System “LMS”); 6) ລະບົບ ຄຸ້ມຄອງຂໍ້ມູນສຸຂະພາບ ແບບເອເລັກໂຕຣນິກ (E-Health Management System “EMS”); 7) ລະບົບ ຄຸ້ມຄອງແຜນທີ່ ດິຈີຕອນ (Digital Mapping System “DMS”); 8) ລະບົບ ຄຸ້ມຄອງການນຳໃຊ້ໄຟຟ້າ ແບບເອເລັກໂຕຣນິກ (Smart Electricity System “SES”); 9) ລະບົບ ໄອທີ ພື້ນຖານ (e-Mail, Web Hosting c]t File share) ແລະ ລະບົບອື່ນໆ.

ພ້ອມນັ້ນ, ທ່ານຮອງຫົວໜ້າກົມ ກຕຂ, ຍັງໄດ້ຍົກໃຫ້ເຫັນບາງລະບົບ ທີ່ຕິດພັນກັບວຽກງານຄຸ້ມຄອງທີ່ດິນ ຂອງກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ເປັນຕົ້ນແມ່ນ: ລະບົບ ຄຸ້ມຄອງທີ່ດິນ ແບບເອເລັກໂຕຣນິກ (Land Management System “LMS”) ແລະ ລະບົບ ຄຸ້ມຄອງແຜນທີ່ ດິຈີຕອນ (Digital Mapping System “DMS”). ລະບົບ ຄຸ້ມຄອງທີ່ດິນ ແບບເອເລັກໂຕຣນິກ (Land Management System “LMS”) ແມ່ນລະບົບ ໄອທີ ເພື່ອຊ່ວຍໃນ ການຂຶ້ນທະບຽນ, ຄຸ້ມຄ້ອງ ແລະ ການຈັດສັນທີ່ດິນ ຂອງ ສປປ ລາວ; ສາມາດຄຸ້ມຄອງ ແລະ ກວດກາທີ່ດິນໄດ້ງ່າຍ; ເກັບລາຍຮັບ ພາສີທີ່ດິນ ໄດ້ຕາມແຜນ; ການສຳ ປະທານທີ່ດິນ ແລະ ການໂອນກຳມະສິດທີ່ດິນ; ຫຼຸດຜ່ອນບັນຫາ ທີ່ດິນທັບຊ້ອນ, ການປອມແປງເອກະສານທີ່ຜິດກົດໝາຍ; ຕິດຕາມ ແລະ ກວດກາ ການເຮັດວຽກ, ລາຍງານ ແລະ ອື່ນໆ.

ລະບົບ ຄຸ້ມຄອງແຜນທີ່ ດິຈີຕອນ (Digital Mapping System “DMS”) ແມ່ນນໍາໃຊ້ ລະບົບ ໄອທີ ເພື່ອຊ່ວຍໃນການສ້າງແຜນທີ່ ດິຈີຕອນ ຂອງ ສປປ ລາວ ເພື່ອການຄຸ້ມຄອງເຂດແດນ; ສາມາດຄຸ້ມຄອງ ແລະ ກວດສອບເຂດແດນໄດ້ງ່າຍ; ແຜນທີ່ແບບ 3 ມິຕິ ນຳໃຊ້ງ່າຍ ແລະ ຊັດເຈນ; ຈັດສັນເຂດແດນ ຕາມຈຸດພິ ເສດຂອງແຕ່ລະເຂດ ທີ່ເປັນແຫຼ່ງຊັບພະຍາກອນຕ່າງໆ ແລະ ກຳນົດ ແລະ ຕິດຕາມການນຳໃຊ້ຊັບພະຍາກອນ ພາຍໃນປະເທດ ເຊັ່ນ: ກຳນົດເຂດປູກຝັງ ແລະ ເຂດອຸດ ສາຫະກຳຕ່າງໆ.

ພາຍຫຼັງໄດ້ຮັບຟັງການລາຍງານແລ້ວ ທ່ານ ສົມມາດ ພົນເສນາ, ກຳມະການສູນກາງພັກ, ລັດຖະມົນຕີ ກະຊວງຊັບພະຍາກອນ ທໍາມະຊາດ ແລະ ສິ່ງແວດ ລ້ອມ ກໍໄດ້ສະແດງຄວາມຊົມເຊີຍ ແລະ ເຫັນດີເປັນເອກະພາບ ມອບໃຫ້ຄະນະວິຊາການຂອງສອງກະຊວງ ປະສານສົມທົບກັນ ເພື່ອຄົ້ນຄວ້ານຳເອົາຂໍ້ມູນຂອງ ກະຊວງ ຊັບພະຍາກອນ ທໍາມະຊາດ ແລະ ສິ່ງແວດລ້ອມ ທັງໝົດ ມາຝາກໄວ້ ທີ່ສູນບໍລິການຂໍ້ມູນເອເລັກໂຕຣນິກ (Data Center) ຂອງ ກົມເຕັກໂນໂລຊີຂໍ້ມູນຂ່າວສານ, ກວຕ, ຊຶ່ງເປັນສູນທີ່ມີຄວາມປອດໄພສູງ ແລະ ເພື່ອເປັນການປະຢັດງົບປະມານຂອງລັດຖະບານ ໃນການສ້າງສູນ Data Center ແຫ່ງໃໝ່.


ຂ່າວ ແລະ ຮູບພາບ: ບາລະຄອນ ສຸວັນນະພາສີ

altaltaltaltaltalt